ئێمە لە تۆرە کۆمەڵایەتیەکان

وەرزشەکانی تر

باوکە ژاپۆنیەکەی ئۆڵۆمپیاد دوای (١٤) خول لە (٩٢) ساڵیدا کۆچی دوایی کرد !

خەڵک سپۆرت

ناتوشی یامادای ژاپۆنی ناسراو بە “باوکی ئۆڵۆمپیاد” لە تەمەنی ٩٢ ساڵیدا لە یەکێک لە نەخۆشخانەکانی تۆکیۆی پایتەختی ژاپۆن کۆچی دوایی کرد.

ناوتوشی یامادا هاندەرێکی ژاپۆنی ناودار بوو کە لە جیهاندا بە “باوکی ئۆڵۆپیاد” ناسرابوو، لە ساڵی ١٩٦٤ و لەتەمەنی ٣٨ ساڵیدا بۆ یەکەمجار وەک هاندەرێک لە ئۆڵۆمپیادی تۆکیۆ بەشداری کردووە، لەو ساڵەوە تا ئێستا ناوبراو بەشداری سەرجەم ئۆڵۆمپیادەکانی کردەوە (١٤ ئۆڵۆمپیاد) کە هەر چوار ساڵە و لە وڵاتێک ئەنجامدراون.

یامادا پلانی هەبوو لە تەمەنی ٩٢ ساڵیدا و بۆ کۆتاجار بەشداری لە ئۆڵۆمپیادی ٢٠٢٠ بکات کە بڕیارە لە تۆکیۆی پایتەختی ژاپۆن ئەنجام بدرێت، بەڵام ناوبراو بە هۆکاری سروشتی (بەهۆی پیربونەوە) لە یەکێک لە نەخۆشخانەکەی وڵاتەکەی گیانی سپارد.

یەکێک لە ئەندامانی خێزانەکەی یامادا بە “دەیلی مەیڵ”ی ڕاگەیاندووە :” باپیرەمان لەئاهەنگی دەستپێک و کۆتایی ئۆڵۆمپیادەکانی مەکسیک، میونشن، سیۆل، بەرشلۆنە، سیدنی، بەیجین، مۆسکۆ بەشداری کردووە و تاکە هاندەرە و ئامادەبووە هێندە ئۆڵۆمپیاد بەشداری کردووە و ڕووداوەکانی بەچاوی خۆی بینیوە”.

“باوکی ئۆڵۆمپیاد” بەوە ناسراو بوو کە بە کڵاوێکی ئاڵتونی و درێسێکی سوری تایبەت بە تیمی ئۆڵۆمپی ژاپۆنەوە بەشداری ئۆڵۆمپیادەکانی دەکرد، هەمیشە باوەشێنێکی کلتوریی ژاپۆنی بەدەستەوە بووە و کامێرای میدیاکان بەردەوام وێنەکانیان دەگواستەوە.

جیهانی

درێسەکەی مایکڵ جۆردان بە 320 هەزار دۆلار فرۆشرا

خەڵک – وەرزش

ڕۆژی هەینی ڕابردوو، لە ناوەندی مەزادی (بێڤەرلی هیڵز) درێسە تایبەتەکەی ئەفسانەی باسکەی ئەمریکایی مایکڵ جۆردان، بە 320 هەزار دۆلار فرۆشراو بوو بە گرانترین پارچەی یادگاریی کەسایەتییە بەناوبانگەکانی نێو مەزادەکە تۆمارکرا.

 

خانەی مەزادی گۆلێن لە (بێڤەرلی هیڵز)، ڕایگەیاندووە؛ فرۆشتنەکە ڕیکۆردێکی جیهانی بۆ مەزادکردنی درێسەکەی جۆردان تۆمارکرد، کە تەمەنی بۆ ساڵی 1984دەگەڕێتەوە.

 

ئەو خانەی مەزادە زیاتر لە 500 پارچە یادگاری دەگمەنی تێدایە، هەر لەوچوارچێوەیەدا درێسێکی باسکەی باراک ئۆبامای سەرۆکی پێشووی ئەمریکا فرۆشرا، کە نرخەکەی 192 هەزار دۆلار بوو.

 

بەردەوام بە لە خوێندنەوە

جیهانی

دوای 15 ساڵ وازهێنانی لە بۆکسێن، تایسۆن بەرامبەر جۆنز یەکسان بوو

خەڵک – وەرزش

مایک تایسۆنی ئەمریکایی، پاڵەوانی کێشی قورس، کە 15 ساڵە دەستبەرداریی یاریی بۆکسێن بووە، لە رووبەڕووبوونەوەیدا لەگەڵ رۆی جۆنز، نیشاندا کە هێشتا هێزێکی زۆری هەیە کاتێک پاش چاوەڕوانیەکی زۆر گەڕایەوە بۆ ناو گۆڕەپانی بۆکسێن و لە نمایشێکی ڕکابەریدا بەرامبەر ڕۆی جۆنزی ڕکابەری وەستایەوە و بە پێچەوانەی پێشبینییەکان یارییەکە بە یەکسان بوون کۆتایی هات .

شەوی ڕابردوو لە کۆس ئەنجلۆسی ئەمریکا، یارییەکی خێرخوازی لە نێوان تایسۆن و جۆنز بەڕێوە چوو، کە مەبەست لێی کۆکردنەوەی کۆمەک بوو بۆ هەژاران، و یارییەکە لە هەشت خولدا خۆی بینییەوە، کە سەرەنجام بە یاکسان بوون کۆتایی هات.

دوای یارییەکە تایسۆنی 54 ساڵ وتی ” دڵخۆشم بەم نمایشەو بەردەوامبوونم لەم چالاکییە وەرزشیانەدا، ئەمڕۆ هەستم بەوەکرد کە هێشتا هێزو تواناکەی جارانم هەر ماوە”.

دوا یاریی پیشەیی تایسۆن 15 ساڵ لەمەوبەر بوو، کە تێیدا بە کێڤن ماکبرایدی ئیرلەندی دۆڕا، بەڵام لە کۆتایی یاریەکەدا تایسۆن کۆنترۆڵی جۆنزی 51 ساڵی کردبوو .

تایسۆن وتیشی”ئەمە زیاتر لە یارییەکە، ئێمە گرنگی بە کارە مرۆییەکان دەدەین و یارمەتی خەڵک دەدەین”.

بەردەوام بە لە خوێندنەوە

جیهانی

ڕێکخراوی تەندروستی جیهانی، داوای 150 خولەک وەرزشکردن دەکات

خەڵک – وەرزش

 

ڕێکخراوی تەندروستی جیهانی، داوا لە گەنجاون و تازە پێگەیشتووان دەکات لە هەفتەیەکدا لایەنی کەم 150 خولەک چالاکی وەرزشی بۆ باشی جەستەیان ئەنجام بدەن.

لە یەکەم ڕێنماییدا لەماوەی 10 ساڵی ڕابردوو تا ئێستا بۆ یەکەمجار رێکخراوی تەندروستی جییانی داوا لە تازە پیگەیشتووان دەکات بە لایەنی کەمەوە لەهەفتەیەکدا 150 خولەک لە کاتیان تەرخان بکەن بۆ چالاکی جەستەیی، کە بۆ تەندروستی دەروونی و پاراستنی یادگەو بەهێزی بەرگرییان لە سەروەختی ڤایرۆسی کۆرۆنادا گرنگ و پڕ بایەخە.

 

ڕێکخراوەکە پێشنیاری ئەوەی کردووە، کە منداڵان و نەوجەوانان بە ڕێژەی یەک کاتژمێر لە ڕۆژێکدا وەرزش بکەن و کات لەبەردەم شاشەی تەلەڤزیۆنەکان و ئامێرە ئەلیکترۆنییەکاندا کەم بکەنەوە .

 

لە ئێستادا رێکخراوەکە کەمپەینی “هەموو جووڵەیەک گرنگە” ی دەستپێکردووە و دەڵێت، بۆ ئەوەی بەر لە نەخۆشی بگرن و تەمەنیان زیاتر بێت پێویستە خەڵکی لەهەموو تەمەنێک قەرەبووی چالاکییە جەستەییە ناچالاکەکەیان بکەنەوە .

 

ڕێکخراوی تەندروستی جیهانی ڕایگەیاندووە، لە بەتەمەنەکاندا لە چوار کەس، یەک کەس و لە پێنج هەرزەکاریش چوار یان بە پێی پێویست چالاکی جەستەیی ئەنجام نادەن، کە بریتین لە ڕۆیشتن بە پێی و پاسکیل سواری.

 

بەپێی ڕاگەیەنراوی ڕێکخراوەکە، زیادبوونی چالاکی جەستەیی نەک تەنیا یارمەتیدەرە بۆ ڕێگریکردن لە نەخۆشی دڵ و نەخۆشی شەکرەی جۆری 2 و شێرپەنجە، بەڵکو نیشانەکانی خەمۆکی و دڵەڕاوکێ کەم دەکاتەوە و یادەوەری باشتر دەکات و مرۆڤ لە نەخۆشی لەبیرچوونەوە دەپارێزێت.

بەردەوام بە لە خوێندنەوە

کوردستان