ئێمە لە تۆرە کۆمەڵایەتیەکان

جیهان

ئێران: ئەمریكا ویستی لەرێی هەرێمی كوردستانەوە پلانەكانی دژی ئێران جێبەجێ بكات

خەڵك-بەشی هەواڵ

ماڵپەڕی وەزارەتی بەرگری ئێران بڵاویكردەوە، وەزیری بەرگری ئێران رایگەیاند، ئەمریكا كار بۆ گۆڕینی دیموگرافیای ناوچەكە دەكات ئەوەش لە چوارچێوەی دوو پڕۆژی داڕێژراودا.
فەریق حاتەمی وەزیری بەرگری ئێران رایگەیاند، ئێران لەماوەی 100 ساڵی ڕابردوودا پاش شەڕی دووەمی جیهانی‌و ڕووخانی ئیمپراتووری عوسمانی لەژێر كاریگەریی دابەشكردنی سنووری جوگرافیاییدا بووەو سەرلەبەری شەڕەكانی ماوەی ئەم سەد ساڵەی ڕابردووش ئەنجامی كارتێكەریی هەمان گۆڕینی دیموگرافیایە.
وتیشی، واشنتن بەنیازە چواردەوری ئێران بگرێت بۆ ئەوەی ڕێگە لە بازرگانی ئێران بە كەرتی وزەوە بگرێت‌و لەباری جیۆپۆلەتیكییەوە ئێران سست بكات، بەڵام دیارە ئەو پلانەیان پێ جێبەجێ ناكرێت.

ئاشكراشیكرد، ئەمریكا بەنیازە دیموگرافیای هەموو ناوچەكە بگۆڕێت، ڕێككەوتنی سایكس بیكۆ ڕێككەوتنێكی هەڵقوڵاوی بیرۆكەی وڵاتانی ڕۆژئاوا بوو و لەسەر بنەمای هەلقۆستنەوەو بەرژەوەندی ئەو وڵاتانە دامەزراو بەسەر ناوچەكەدا سەپێندراو ئەوەی ئێستاش ئەمریكا دەیكات نەزانانە‌و ملهوڕانەیەو بە قازانجی ئەمریكایەو بە زیانی گەلانی ناوچەكەیە.

رونیشیكردەوە، ئەمریكا بەنیاز بوو لە ڕێگای هەرێمی كوردستانەوە پلانەكەی خۆی دژ بە ئێران‌و ناوچەكە جێبەجێ بكات، بەڵام هۆشیاری خەڵك‌و حكوومەتی هەرێم‌و ئامادەبوونی ئێران‌و توركیا ڕێگری لە جێبەجێكردنی ئەو پلانە گرت، كەچی ئێستا ئەمریكا لە بەشێكی دیكەی ڕۆژهەڵاتی ناوەڕاستدا كار لە سەر هەمان پڕۆژە دەكات.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان