ئێمە لە تۆرە کۆمەڵایەتیەکان

ناوخۆیی

یه‌كێتى تۆپی پێی كوردستان بڕیار و راسپارده‌ى نوێی ده‌ركرد

یەکێتی تۆپی پێی کوردستان

ئه‌مڕۆ شه‌ممه‌ 20/4/2019 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى هه‌فتانه‌ى خۆى ئه‌نجامدا و، ئه‌م بڕیار و راسپاردانه‌ى ده‌ركرد:

1- دواى سه‌ردانى لێژنه‌ى رێكارى و سزادان بۆ هه‌ردوو شارى سلێمانى و ده‌ربه‌ندیخان له‌سه‌ر رووداوه‌كانى یارى نێوان پێشمه‌رگه‌ى سلێمانى و ده‌ربه‌ندیخان و، هه‌روه‌ها دانیشتن له‌گه‌ڵ هه‌ردوو سه‌رۆكى یانه‌، بڕیاردرا به‌:
• سوپاس و پێزانین بۆ یانه‌ى ئاشتى له‌ به‌رامبه‌ر هاوكارى و پشتگیرییكردنى یه‌كێتى تۆپی پێی كوردستان، كه‌ هه‌میشه‌ ده‌رگه‌ى هۆڵ و یاریگه‌كه‌یان به‌ رووى چالاكییه‌كانمان كراوه‌ بووه‌، ئه‌م هه‌ڵوێسته‌ جوان و وه‌رزشییه‌یان به‌رز ده‌نرخێنین.
• به‌ هۆى شكاندنى جامى ژووره‌كانى یاریگه‌ و شكاندنى كورسى یاریگه‌ى یانه‌ى ئاشتى، له‌ لایه‌ن هانده‌رانى یانه‌ى ده‌ربه‌ندیخان، بڕیاردرا به‌ غه‌رامه‌كردنى یانه‌ى ده‌ربه‌ندیخان به‌ بڕى 500000 پێنج سه‌د هه‌زار دینار.
• به‌ هۆى به‌كارهێنانى یارى ئاگرین له‌ لایه‌ن هانده‌رانى یانه‌ى ده‌ربه‌ندیخان، بڕیاردرا به‌ غه‌رامه‌كردنى یانه‌ى ده‌ربه‌ندیخان به‌ بڕى 500000 پێنج سه‌د هه‌زار دینار.
• ئاگادارى كۆتایی بۆ یانه‌ى ده‌ربه‌ندیخان، له‌ ئه‌گه‌رى دووباره‌ بوونه‌وه‌ى ئه‌م كردارانه‌ یارییه‌كانى یانه‌ى ده‌به‌رندیخان ده‌گواسترێته‌وه‌ یاریگه‌ى تیپى به‌رامبه‌ر.
• غه‌رامه‌ى یانه‌ى ده‌ربه‌ندیخان بۆ قه‌ربووكردنه‌وه‌ى زه‌ره‌ر و زیانه‌كانى یاریگه‌ى یانه‌ى ئاشتى ده‌بێت.

2- ده‌ستنیشانكردنى (كاوه‌ ئیبراهیم) وه‌ك راهێنه‌رى گۆڵپارێزانى هه‌ڵبژارده‌ى لاوانى كوردستان، ئه‌مه‌یش له‌سه‌ر راسپارده‌ى راهێنه‌رى هه‌ڵبژارده‌ى لاوانى كوردستان (ئه‌رسه‌لان جه‌لال).

3- له‌ یارى نێوان ئارارات و هه‌ولێر له‌ خولى نایابى لاوانى كوردستان، به‌ هۆى به‌كارهێنانى وته‌ى نه‌شیاو و جنێودان به‌ ستافى ناوبژیوانانى یارییه‌كه‌ له‌ لایه‌ن (ئیدریس جه‌وهه‌ر) سه‌رپه‌رشتیارى تیپى لاوانى یانه‌ى ئارارات، بڕیاردرا به‌:
• راگرتنى ناوبراو بۆ یه‌ك یارى به‌ یاوه‌رینه‌كردنى تیپه‌كه‌ى.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.
• پێویسته‌ ناوبراو له‌ كۆبوونه‌وه‌ى داهاتووى یه‌كێتییه‌كه‌مان ئاماده‌بێت.

4- له‌ یارى نێوان شه‌قڵاوه‌ و پیشه‌سازى له‌ خولى پله‌دووى كوردستان، به‌ هۆى به‌رده‌وام ره‌خنه‌گرتن له‌ بڕیاره‌كانى ناوبژیوان له‌ لایه‌ن راهێنه‌رى یانه‌ى شه‌قڵاوه‌ (مسته‌فا بابازاده‌) و پاشان ده‌ركردنى له‌ یارییه‌كه‌، بڕیاردرا به‌:
• راگرتنى ناوبراو بۆ یه‌ك یارى، نابێت له‌ نێو یاریگه‌ ئاماده‌بێت.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

5- له‌ یارى نێوان سیروانى شاره‌زوور و شۆریجه‌ له‌ خولى پله‌دووى كوردستان، به‌ هۆى ره‌خنه‌گرتن له‌ بڕیاره‌كانى ناوبژیوان له‌ لایه‌ن راهێنه‌رى یانه‌ى سیروانى شاره‌زوور (ئارام ساڵح) و پاشان ده‌ركردنى له‌ یارییه‌كه‌، بڕیاردرابه‌:
• راگرتنى ناوبراو بۆ یه‌ك یارى، نابێت له‌ نێو یاریگه‌ ئاماده‌بێت.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

6- له‌ یارى نێوان نه‌ورۆز و گازى باكوور له‌ خولى نایابى كوردستان، به‌ هۆى هاویشتنى تۆپ بۆ نێو یاریگه‌ به‌ ئه‌نقه‌ست، به‌ مه‌به‌ستى شێواندنى یارییه‌كه‌ له‌ لایه‌ن خزمه‌تگوزارى یانه‌ى گازى باكوور (ئه‌سعه‌د حوسێن) بڕیاردرا به‌:
• راگرتنى ناوبراو بۆ یه‌ك یارى، نابێت له‌ نێو یاریگه‌ ئاماده‌بێت.
• غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

7- له‌ یارى نێوان نه‌ورۆز و گازى باكوور له‌ خولى نایابى كوردستان، به‌ هۆى ده‌ركردنى به‌ كارتى سوور و هه‌ڕه‌شه‌كردن له‌ ناوبژیوان و وتنى وته‌ى ناشیرین له‌ لایه‌ن یاریزانى یانه‌ى نه‌ورۆز (هاوكار له‌تیف) بڕیاردرا به‌:
• راگرتنى ناوبراو بۆ یه‌ك یارى به‌ هۆى كارته‌ سووره‌كه‌ى.
• غه‌رامه‌كردنى ناوبراو به‌ بڕى 500000 پێنج سه‌د هه‌زار دینار.

8- له‌سه‌ر پێشنیارى لێژنه‌ى ناوبژیوانانى كوردستان، بڕیاردرا به‌ راگرتنى ناوبژیوانى ناوه‌ڕاستى یارى نێوان نه‌رۆز و گازى باكوور (توانا عوسمان) بۆ سێ یارى، ئه‌مه‌یش له‌به‌ر ئه‌وه‌ى لێدانێكى سزاى دروستى بۆ یانه‌ى نه‌ورۆز هه‌ژمار نه‌كردووه‌.

9- پێویسته‌ رۆژى شه‌ممه‌ى داهاتوو له‌ كۆبوونه‌وه‌ى یه‌كێتى تۆپی پێی كوردستان، به‌رێز ئومێد عه‌بدوڵڵا ناسراو به‌ (جێگر) سه‌رپه‌رشتیارى تیپى پێشكه‌وتووانى یانه‌ى نه‌ورۆز ئاماده‌بێت، ئه‌مه‌یش به‌ هۆى ئه‌وه‌ى كۆنگره‌یه‌كى رۆژنامه‌وانى ئه‌نجامداوه‌ و یه‌كێتى تۆپی پێی كوردستان و لێژنه‌ى ناوبژیوانان و ناوبژیوانانى كوردستان تۆمه‌تبار ده‌كات، كه‌ گوایه‌ یارى به‌ ئه‌نجانى یارییه‌كان ده‌كرێت و پاڵه‌وانى خولى نایابى كوردستان پێش وه‌خته‌ دیارییكراوه‌، پێویسته‌ ناوبراو سه‌رجه‌م به‌ڵگه‌كانى ئاماده‌ بكات، به‌ پێچه‌وانه‌وه‌ سزا ده‌درێت.

10- پێویسته‌ رۆژى شه‌ممه‌ى داهاتوو له‌ كۆبوونه‌وه‌ى یه‌كێتى تۆپی پێی كوردستان، به‌رێز (ئه‌نوه‌ر محه‌ممه‌د) راهێنه‌رى یانه‌ى ئارارات ئاماده‌بێت، ئه‌مه‌یش به‌ هۆى ئه‌وه‌ى كۆنگره‌یه‌كى رۆژنامه‌وانى ئه‌نجامداوه‌ و یه‌كێتى تۆپی پێی كوردستان و لێژنه‌ى ناوبژیوانان و ناوبژیوانانى كوردستان تۆمه‌تبار ده‌كات، كه‌ گوایه‌ یارى به‌ ئه‌نجانى یارییه‌كان ده‌كرێت و پاڵه‌وانى خولى نایابى كوردستان پێش وه‌خته‌ دیارییكراوه‌، پێویسته‌ ناوبراو سه‌رجه‌م به‌ڵگه‌كانى ئاماده‌ بكات، به‌ پێچه‌وانه‌وه‌ سزا ده‌درێت.

11- له‌سه‌ر پێشنیار لێژنه‌ى ناوبژیوانانى كوردستان، بڕیاردرا به‌ راگرتنى ناوبژیوانى ناوه‌ڕاستى یارى نێوان پێشمه‌رگه‌ى هه‌ولێر و ئارارات (كوردستان زاهیر) له‌ خولى نایابى كوردستان بۆ دوو یارى، ئه‌مه‌یش له‌به‌ر ئه‌وه‌ى له‌ به‌رێوه‌بردنى یارییه‌كه‌ بۆ هه‌ردوو یانه‌ سه‌ركه‌وتوو نه‌بووه‌.

12- له‌سه‌ر پێشنیارى لێژنه‌ى ناوبژیوانى كوردستان، بڕیاردرا به‌ راگرتنى یاریده‌ده‌رى ناوبژیوان (سرور ئه‌نوه‌ر) تا كۆتایی هاتنى خولى نایابى كوردستان، ئه‌مه‌یش له‌به‌ر ئه‌وه‌ى له‌ یارى نێوان پێشمه‌رگه‌ى هه‌ولێر و ئارارات له‌ خولى نایابى كوردستان، گۆڵێكى دروستى یانه‌ى پێمشمه‌رگه‌ى هه‌ولێرى به‌ بیانووى ئۆفساید ره‌تكردووه‌ته‌وه‌.

13- له‌سه‌ر پێشنیارى لێژنه‌ى ناوبژیوانانى كوردستان بڕیاردرا به‌ راگرتنى یاریده‌ده‌رى ناوبژیوان (هاوسه‌ر محه‌ممه‌د) تا كۆتایی خولى نایابى كوردستان، ئه‌مه‌یش له‌به‌ر ئه‌وه‌ى هاوكارى ناوبژیوانى ناوه‌ڕاستى نه‌كردووه‌، له‌ هه‌ژماركردنى لێدانێكى سزاى دروست بۆ یانه‌ى نه‌ورۆز، له‌ یارى نێوان نه‌ورۆز و گازى باكوور له‌ خولى نایابى كوردستان.

14- له‌ یارى نێوان پێشمه‌رگه‌ى هه‌ولێر و ئارارات له‌ خولى نایابى كوردستان، به‌ هۆى پاشه‌كشه‌ى یانه‌ى ئارارات له‌ گێمى دووه‌مى یارییه‌كه‌، بڕیاردرا به‌:
• هه‌ژماركردنى ئه‌نجامى یارییه‌كه‌ به‌ (3-0) گۆڵ له‌ به‌رژه‌وه‌ندى یانه‌ى پێشمه‌رگه‌ى هه‌ولێر.
• گۆڵه‌كانى یانه‌ى پێشمه‌رگه‌ى هه‌ولێر بۆ هیچ یاریزانێك هه‌ژمار ناكرێت.

15- یارییه‌كانى خولى پله‌دووى كوردستان گه‌ڕى سێیه‌م، رۆژى دووشه‌ممه‌ 22/4/2019 به‌رێوه‌ ده‌چێت.

16- یارییه‌كانى خولى نایابى كوردستان گه‌ڕى بیست و چوار، رۆژى سێشه‌ممه‌ 23/4/2019 ئه‌نجام ده‌درێت.

17- یارییه‌كانى خولى نایابى لاوانى كوردستان گه‌ڕى پێنجه‌م و یارییه‌كانى خولى نایابى فوتساڵى كچانى كوردستان گه‌ڕى یه‌كه‌م له‌ قۆناغى دووه‌م، رۆژى هه‌ینى 26/4/2019 به‌رێوه‌ ده‌چێت.

ریکلام

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان