ئێمە لە تۆرە کۆمەڵایەتیەکان

خۆشەویستی

بەر لەوەی شوو بە هەر کوڕێک بکەیت، پێویستە وەڵامی تەواوەتی بۆ هەر یەکە لەم پرسیارانە پێبیت!

خێزان

ئەمەی خوارەوە کۆمەڵێک پرسیارن کە گرنگە هەموو کچێک بەر لەوەی شوو بە هەر کوڕێک بکات،   وەڵامی تەواوەتی بۆ هەر یەکە لەم پرسیارانە پێبیت:

 

-ئایا ته‌مه‌نی گونجاوه‌؟


-ته‌مه‌ن به‌تایبه‌ت له‌ پیاواندا زۆر كیشه‌ دروستناكات، به‌ڵام توێژینه‌وه‌كان ئه‌وه‌یان سه‌لماندووه‌ كه‌ باشتره‌ پیاو 5 بۆ 10 ساڵ له‌ ژنه‌كه‌ی گه‌وره‌تر بێت.

 

-ئایا ئه‌و زیره‌كه‌؟


-ژنان بۆ ئه‌وه‌ی هه‌ست به‌ ئارامی و نه‌كه‌وتنه‌ هه‌ڵه‌وه‌ بكه‌ن، حه‌ز به‌وه‌ ده‌كه‌ن ئه‌و پیاوه‌ی شووی پێده‌كه‌ن له‌ ژیان و كاروباری رۆژانه‌ی خۆیدا زیره‌ك بێت.

 

-ئایا ئه‌و هه‌ستیاره‌؟


-ڕاسته‌ ژن به‌ هه‌ستیاری ناسراوه‌ به‌ به‌راورد له‌گه‌ڵ پیاو، به‌ڵام گرنگه‌ كه‌ پیاوانیش هه‌ستیاربن و ڕێز له‌ هه‌ستی به‌رامبه‌ره‌كانیان بگرن.

 

-جێگه‌ی متمانه‌یه‌؟


-ئه‌م پرسیاره‌ بۆ بڕیاره‌كه‌ت زۆر گرنگه‌، چونكه‌ ده‌بێت بزانیت ئه‌و پیاوه‌ی شووی پێده‌كه‌یت ده‌توانیت له‌ ژیانتدا متمانه‌ی پێبكه‌یت و پشتی پێببه‌ستیت.

 

-داهاتی جێگیره‌؟


-گرنگ نیه‌ چ كار و پیشه‌یه‌كی هه‌یه‌، به‌ڵام گرنگه‌ كه‌ موچه‌ یاخود داهاتێكی به‌رده‌وام و تاڕاده‌یه‌كیش جێگیری هه‌بێت، بۆ ئه‌وه‌ی زیاتر هه‌ست به‌ دامه‌زراوه‌یی بكه‌ن.

 

-ئایا غیره‌ زۆرده‌كات؟


-ده‌وترێت ئه‌و پیاوانه‌ی غیره‌یان زۆره‌ بۆ ژنان بێزاركه‌رن و ده‌یانبه‌ستنه‌وه‌، چونكه‌ ڕاسته‌ كه‌مێك له‌ غیره‌ هێمایه‌ بۆ خۆشه‌ویستی، به‌ڵام گه‌ر زیاده‌ڕه‌وی تێدا بكرێت وێرانكه‌ره‌.

 

 

-ئه‌و درۆ ده‌كات؟


-گرنگه‌ كه‌ ژنان شوو به‌ پیاوێك بكه‌ن له‌ گه‌ڵیاندا ڕاستگۆبن و درۆ نه‌كه‌ن، چونكه‌ گه‌ر درۆ بكه‌ن ئه‌وا به‌ ئاسانیش خیانه‌ت ده‌كه‌ن.

 

-كه‌سێكی شه‌ڕانگێزه‌؟


-هه‌رچه‌نده‌ شه‌ڕانگێزی كه‌سه‌كان له‌ مامه‌ڵه‌دا ده‌رده‌كه‌وێت، به‌ڵام گرنگه‌ گه‌ر له‌ رێگای پرسیاركردنیشه‌وه‌ بێت ئه‌وه‌ بزانیت كه‌ ئه‌و كه‌سه‌ی شووی پێده‌كه‌یت له‌ ژیاندا شه‌ڕانگێزه‌ یاخود نا.

 

 

-په‌یوه‌ندی له‌گه‌ڵ خێزانه‌كه‌یدا باشه‌؟


-ئه‌و پیاوانه‌ی په‌یوه‌ندیان له‌گه‌ڵ خێزانه‌كانیاندا باشه‌، ده‌توانن په‌یوه‌ندیه‌كی باشیش له‌گه‌ڵ هاوسه‌ره‌كانیان دروستبكه‌ن، هه‌ربۆیه‌ پێویسته‌ وه‌ڵامی ئه‌و پرسیاره‌شت لا بێت.

 

-رێزی ژنان ده‌گرێت؟


-وه‌ڵامی ئه‌م پرسیاره‌ زۆر گرنگه‌، چونكه‌ پیاوێك رێز له‌ بیر و بۆچونی ژنان نه‌گرێت ناتوانێت كه‌سێكی باشیش بێت بۆیان.

ریکلام

خۆشەویستی

چەند بیرکردنەوەیەکی هەڵەی جێندەریی، کە باشترە ئیتر وازی لێبهێنیت!

خێزان

ئەمەی خوارەوە چەند بیرکردنەوەیەکی هەڵەی جێندەرییە، کە باشترە ئیتر وازی لێبهێنیت، چونکە بۆچونێکی هەڵەیە لەسەر ڕۆڵی ژن و پیاو و جیاوازیەکانیان:

 

– هەر پیاو دەبێت پارە بدات! 

کاتێک ژنان دەیانەوێت ڕۆڵیان هەبێت و زیاتر بتوانن قسەڕۆشتوو بن، پێویستە بەرپرسیارێتی زیاتریش لەئەستۆ بگرن.

 

– پیاو ناتوانێت چاوی خۆی بگرێت! 

زۆرجار پیاوان لەگەڵ هاوسەرەکانیاندان و هەر تەماشای کچ و ژنی دیکە دەکەن و دەڵین چاو ناگیرێت، ئەمە بۆچونیکی هەڵەیە و ژنان پێویستە ڕێگەی پێنەدەن!

 

– ژن و بەڕێوەبردنیان نەوتووە! 

ئەمەش یەکێکە لە خراپترین و هەڵەترین بۆچونەکان، چونکە توانای بەڕێوەبردن بە خوێندن و ئەزموون و لێهاتوویە نەک ڕەگەز!

 

– پیاو نابیت بگری! 

بەپێی توێژینەوەکان پیاویش بەهەمان ڕێژەی ژنان خەفەت و بێزاری و توڕییان هەیە، بەڵام ئەوان زیاتر هەستەکانیان دەشارنەوە، لەکاتێکدا گریانی ئەوانیش شتێکی زۆر ئاساییە!

 

بەردەوام بە لە خوێندنەوە

خۆشەویستی

چەند هۆکارێکی سەیر کە ئەگەری تەڵاق زیاتر دەکات و تۆ هەر حسابیشت بۆ نەکردووە

خێزان

ئەمەی خوارەوە چەند هۆکارێکی سەیرە کە توێژینەوەکان سەلماندویانە ئەگەری تەڵاق لەنێوان هاوسەرەکان زیاتر دەکات و تۆ هەر حسابیشت بۆ نەکردووە:

 

زەردەخەنە لە وێنەی منداڵیدا

بەپێی توێژینەوەیەک ڕێژەی تەڵاق لەو کەسانەدا کەمترە کە لە منداڵیدا لە وێنەکانیاندا پێکەنیوون و دڵیان خۆشە

 

کارکردن لە نێو ژناندا

توێژینەوەیەک ئەوەی سەلماندووە کە ئەو پیاوانەی لە نێو ژناندا کاردەکان (بەپێچەوانەشەوە)، ئەوا بەڕێژەی ١٥٪ ئەگەری تەڵاق و جیابوونەوە تێیاندا زیاترە.

 

دایک ببینە و کچ بخوازە

توێژینەوەکان ئەوەیان سەلماندووە کە ئەو دایکانەی لە ژیانی هاوسەرگیری شکستیان خواردووە، ئەگەر زۆرە کچەکانیشیان هەمان شێوە بن

 

خەوتن کەمێک بە جیا

توێژینەوەیەکی دیکە سەلماندویەتی کە ئەو هاوسەرانەی لەسەر یەک سیسەم کەمێک دوور لەیەک دەخەون کەمتر جیادەبنەوە، چونکە خەوتنیان ئاسوودەترە

 

 

عاشقە و ماشقەی تازە

بەپێی دەرئەنجامی توێژینەوەی زانستی ئەو ژن و مێردە تازانەی لەسەرەتای هاوسەرگیریان زیاد لە پێویست خۆشەویستی و ڕۆمانسیەت بۆیەک دەردەبڕن، ناتوانن تا سەر لەو کارە بەردەوام بن و ساردبوونەوەشیان لەوە دەبێتە هۆی جیابوونەوەیان.

 

بەردەوام بە لە خوێندنەوە

خۆشەویستی

٥ تاکتیک کە بەکاردەهێنرێت بۆ کۆنتڕۆڵکردنت لە پەیوەندیدا

خێزان

ئەمەی خوارەوە کۆمەڵێک نیشانەی ئەو کەسانەن کە دەیانەوێت لە پەیوەندی خۆشەیوستیدا هەموو شتێک لە ژێر کۆنتڕۆڵ و دەسەلاتی خۆیاندا بێت جا هەندێکجار پیاوان وا دەکەن و هەندێکجاریش ژنەکان:

 

– بەناوی گرنگیپێدانەوە چاودیری وردت دەکەن و دەیانەوێت بزان چرکە بە چرکە لەکوێیت و چی دەکەیت.

– کارە خراپەکانی خۆیان بە ناوی خۆشەویستیەوە دادەپۆشن.

– هەوڵدەدات ستایل و جۆری جلوبەرگ و شتەکانت بەو جۆرە لیبکەن کە خۆیان دەیانەوێت.

– هەوڵدەدات بە خێزانەوە بتبەستێتەوە و نەهێڵێت لە بوار پیشەییەکانی خۆتدا پێش بکەویت، بۆنمونە منداڵێکی نوێ دەخاتەوە تا زیاتر سەرقاڵ ببیت و لەکارەکەت پێش ئەو نەکەویت

 

– کۆنتڕۆڵی ئەکاونت و سۆشیال میدیاکانت دەکات و ناچاریشت دەکات زوو زوو وێنەی خۆتان دابەزێنیت، بۆ ئەوەی هەموان بیبینن کە چەند ئەوت خۆش دەوێت.

بەردەوام بە لە خوێندنەوە

کوردستان