ئێمە لە تۆرە کۆمەڵایەتیەکان

ژینگە

بەهۆی چوار هۆكارەوە پلەی گەرما بەرزدەبێتەوە

خەڵك- بەشی هەواڵ
كەشناسێكی عیراقی، چوار هۆكار بۆ بەرزبوونەوەی پلەی گەرما لە عیراق دیاری دەكات و دەڵێت، پێگەی جوگرافی عیراق وایكردووە یەكێك بێت لە وڵاتە گەرمەكان لەسەر ئاستی جیهان.

ئەمڕۆ دوو شەممە، سادق عەتیە لە هەژماری خۆی لەسەر تۆڕی كۆمەڵایەتی (فەیسبووك) بڵاویكردۆتەوە، “عیراق لە بنەڕەتدا بەدەست پێگەی جوگرافی نزیك لە هێڵی قرژاڵەوە دەناڵێنێت، كە لە مانگی حوزەیراندا تیشكی خۆر لەسەری ستونی دەبێت، ناونانی عیراقیش بە دۆڵی نێوان دوو ڕووبارەكە، بەهۆی تۆبۆگرافییەكەیەوەیە، كە بریتییە لە دۆڵێكی نزم و چواردەوری بە چیا لە خۆرهەڵات و خۆرئاواوە گیراوە، بۆیە بەدەست بایەكی گەرمی نزمەوە گیرۆدەیە بە تایبەتیش لە ناوەڕاست و باشوور”.

بە وتەی ئەو كەشناسە، “لەم چەند ساڵەی دواییدا پلەی گەرما گەیشتە 50 پلە، ئەم پلەیەش خەریكە بە تەواوەتی باڵ بەسەر كەشوهەوای وڵاتدا دەكێشێت، ئەوەی دۆخەكەی زیاتر ئاڵۆزكردووە زیادبوونی پڕۆسەكانی دەرهێنانی نەوت و سووتانی غازە هاوشانی نەوت لە هەوادا، كە لە ئاكامی دەرهێنانی نەوتەوە دروست دەبێت”.

سادق عەتیە پێیوایە هۆكاری دووەم بریتییە لە “پەرەسەندنی تەلارسازی و لە خانووبەرە و ڕێگەوبان، كە كاردانەوەی تشكی خۆریان زیاتر كردووە، لەگەڵ بەكارنەهێنانی شێواز و مەوادی بیناسازی پێویست بۆ ڕووبەڕووبوونەوەی بەرزبوونەوەی ئاستی گەرمی”.

كەشناسە عیراقییەكە پێیوایە، “زۆربوونی ئامێرە ساردكەرەوەكان، كە هاوڕێی ژینگە نیین، هاوبەشی دەكەن لە بەرزبوونەوەی پلەی گەرما لە شارەكان و لە هەموو جێگەكان، چونكە ئەو غازەی تێیاندا بەكاردەهێنرێت، یەكێكە لە هۆكارەكانی پەنگخواردنی گەرما”.

بە بۆچوونی عەتیە، “زۆربوونی ژمارەی ئۆتۆمبێلەكان لە شەقامەكان، كە دەبێتە مایەی زیادبوونی co2 هۆكاریی سەرەكییە لە بەزبوونەوەی پلەی گەرما لە توێژاڵی ئاسمان، كە نزیكە لە زەوییەوە”، ئاماژەی بە بایەخنەدان بە ژینگە و وشككردنی ناوچە سەوزەكانیش كرد، كە هۆكارێكی تری بەرزبوونەوەی پلەی گەرمان لە وڵاتدا.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان