ئێمە لە تۆرە کۆمەڵایەتیەکان

کوردستان

لە سلێمانی پلانی ئەمنی جەژن و گرتنی 46 تۆمەتبار ڕاگەیەندرا

خەڵك- بەشی هەواڵ
بەڕێوەبەرایەتی‌ پۆلیسی‌ پارێزگای‌ سلێمانی‌ دەستگیركردنی‌ ژمارەیەك تۆمەتبار و پلانی ئەمنی ڕۆژانی جەژن ڕادەگەیەنێت.

نەقیب سەركەوت ئەحمەد، بەڕێوەبەری‌ بەشی‌ ڕاگەیاندن‌ و پەیوەندییەكانی‌ بەڕێوەبەرایەتی‌ پۆلیسی‌ پارێزگای‌ سلێمانی‌ لەكۆنگرەیەكی‌ ڕۆژنامەوانیدا دەستگیركردنی‌ ژمارەیەك تۆمەتباری‌ ڕاگەیاند و هەروەها ئامادەكارییەكانی‌ بۆ ڕۆژانی‌ جەژن خستەڕوو.

ڕاشیگەیاند، دوای‌ ئەوەی‌ دوێنێ ٢٠١٩/٨/٦، هاوڵاتییەك سكاڵای‌ تۆماركرد بەهۆی‌ دزینی‌ پاسەكەیەوە، لەلایەن مەفرەزەكانی‌ بەشی‌ پۆلیسی‌ نەهێشتنی‌ تاوانەوە لێكۆڵینەوەكان دەستیان پێكرد و توانرا لەماوەی‌ ٢٤ كاتژمێردا مەفرەزەكانی‌ بەشی‌ پۆلیسی‌ نەهێشتنی‌ تاوان تۆمەتبارەكە دەستگیر بكەن ‌و ئەمڕۆش شوێنی‌ پاسەكە دۆزرایەوە و دەستی بەسەرداگیرا.

وتیشی‌، “لەكاتی‌ پشكنینی‌ ماڵی‌ تۆمەتبارەكەدا دەستگیرا بەسەر چەند ناسنامەیەك‌ و مۆڵەتێكی‌ شۆفێریدا، كە تۆمەتبار دزیونی‌‌ و لەئێستادا خاوەنەكانیان سكاڵایان هەیە لەسەر تۆمەتبارەكە، هەروەها سویچێكی‌ جۆكەر بەتۆمەتبار گیراوە، كە لەكارەكانیدا بەكاریهێناوە. لەئێستادا تۆمەتبار بەپێی‌ ماددەی‌ ٤٤٣ و بەبڕیاری‌ دادوەر بەندە”.

ئاماژەی بەوەشكرد، تۆمەتبارێكی‌ تر دەستگیركراوە، كە بەكارهێنەری‌ ماددەی‌ هۆشبەر بووە و بەپێی‌ دانپێدانانەكانی‌ ماددەی‌ هۆشبەری‌ بەكاریهێناوە لەجۆری‌ كریستاڵ.

نەقیب سەركەوت ئەحمەد ڕوونیكردەوە كە ٤٤ تۆمەتباری‌ دیكە دەستگیركراون، بەتۆمەتی‌ ئەنجامدانی‌ تاوانی‌ دزیكردن لەماڵان ‌و ئۆتۆمبێل‌ و دزینی‌ پارە و مۆبایل، ساختەكردنی‌ پارە، سەرانە وەرگرتن ‌و ساختەكردنی‌ پاسپۆرت.

ئەوەشی‌ خستەڕوو، كە دوان لەتۆمەتبارەكان، كە دەستگیركراون پێناسی‌ باری‌ شارستانیان ساختەكردووە و خۆیان كردووە بەكوڕ و باوك تا یەكێكیان گورچیلەی‌ خۆی‌ بفرۆشێت بەهاووڵاتییەك.

لەبارەی‌ پلانی‌ ئەمنی‌ ڕۆژانی‌ جەژنی‌ قوربان، نەقیب سەركەوت وتی‌، “پلانێكی‌ ئەمنی‌ توندوتۆڵ بۆ ڕۆژانی‌ جەژن داڕێژراوە بەبەشداری‌ سەرجەم دەزگا ئەمنییەكانی‌ شاری‌ سلێمانی ‌‌و وەك تیم لەشوێنە گشتییەكان ئەركی‌ خۆیان دەبینن. داواش لەهاووڵاتیان دەكەین لەكاتی‌ بینینی‌ هەر ڕووداوێكدا بەپەلە هێزەكانی‌ پۆلیس ئاگاداربكەنەوە تا بەزوترین كات بەهانایانەوە بچن”.

بەڕێوەبەرایەتی‌ پۆلیسی‌ پارێزگای‌ سلێمانی‌ دەستگیرکردنی‌ ژمارەیەک تۆمەتبار وپلانی ئەمنی ڕۆژانی جەژن ڕادەگەیەنێت

بەڕێوەبەرایەتی‌ پۆلیسی‌ پارێزگای‌ سلێمانی‌ دەستگیرکردنی‌ ژمارەیەک تۆمەتبارو پلانی ئەمنی ڕۆژانی جەژن ڕادەگەیەنێتئەمرۆ ٢٠١٩/٨/٧، نەقیب سەرکەوت ئەحمەد بەڕێوەبەری‌ بەشی‌ ڕاگەیاندن‌و پەیوەندییەکانی‌ بەڕێوەبەرایەتی‌ پۆلیسی‌ پارێزگای‌ سلێمانی‌ لەکۆنگرەیەکی‌ ڕۆژنامەوانیدا دەستگیرکردنی‌ ژمارەیەک تۆمەتباری‌ ڕاگەیاندو هەروەها ئامادەکارییەکانی‌ بۆ ڕۆژانی‌ جەژن خستەرو.نەقیب سەرکەوت ڕایگەیاند، دوای‌ ئەوەی‌ دوێنێ ٢٠١٩/٨/٦، هاوڵاتییەک سکاڵای‌ تۆمارکرد بەهۆی‌ دزینی‌ پاسەکەیەوە، لەلایەن مەفرەزەکانی‌ بەشی‌ پۆلیسی‌ نەهێشتنی‌ تاوانەوە لێکۆڵینەوەکان دەستیانپێکردو توانرا لەماوەی‌ ٢٤ کاتژمێردا مەفرەزەکانی‌ بەشی‌ پۆلیسی‌ نەهێشتنی‌ تاوان تۆمەتبارەکە دەستگیربکەن‌و ئەمرۆش شوێنی‌ پاسەکە دۆزرایەوەو دەستیبەسەرداگیرا.وتیشی‌، لەکاتی‌ پشکنینی‌ ماڵی‌ تۆمەتبارەکەدا دەستگیرا بەسەر چەند ناسنامەیەک‌و مۆڵەتێکی‌ شۆفێریدا کە تۆمەتبار دزیونی‌‌و لەئێستادا خاوەنەکانیان سکاڵایان هەیە لەسەر تۆمەتبارەکە، هەروەها سویچێکی‌ جۆکەر بەتۆمەتبار گیراوە کە لەکارەکانیدا بەکاریهێناوە. لەئێستادا تۆمەتبار بەپێی‌ ماددەی‌ ٤٤٣و بەبریاری‌ دادوەر بەندە.راشیگەیاند، تۆمەتبارێکی‌ تر دەستگیرکراوە کە بەکارهێنەری‌ ماددەی‌ هۆشبەر بووەو بەپێی‌ دانپێدانانەکانی‌ ماددەی‌ هۆشبەری‌ بەکاریهێناوە لەجۆری‌ کریستاڵ.نەقیب سەرکەوت ئەحمەد رونیکردەوە کە ٤٤ تۆمەتباری‌ دیکە دەستگیرکراون بەتۆمەتی‌ ئەنجامدانی‌ تاوانی‌ دزیکردن لەماڵان‌و ئوتومبیل‌و دزینی‌ پارەو موبایل، ساختەکردنی‌ پارە، سەرانە وەرگرتن‌و ساختەکردنی‌ پاسپۆرت.ئەوەشی‌ خستەرو کە دوان لەتۆمەتبارەکان کە دەستگیرکراون پێناسی‌ باری‌ شارستانیان ساختەکردووەو خۆیان کردووە بەکوڕو باوک تا یەکێکیان گورچیلەی‌ خۆی‌ بفرۆشێت بەهاوڵاتییەک.لەبارەی‌ پلانی‌ ئەمنی‌ ڕۆژانی‌ جەژنی‌ قوربان، نەقیب سەرکەوت وتی‌، پلانێکی‌ ئەمنی‌ توندوتۆڵ بۆ رۆژانی‌ جەژن داڕێژراوە بەبەشداری‌ سەرجەم دەزگا ئەمنی‌یەکانی‌ شاری‌ سلێمانی‌‌و وەک تیم لەشوێنە گشتییەکان ئەرکی‌ خۆیان دەبینن. داواش لەهاوڵاتیان دەکەین لەکاتی‌ بینینی‌ هەر روداوێکدا بەپەلە هێزەکانی‌ پۆلیس ئاگاداربکەنەوە تا بەزوترین کات بەهانایانەوە بچن.وتیشی‌، لەیەکەم ڕۆژی‌ جەژندا ڕێگە بەسەردانیکردنی‌ بەندکراوان نادرێت، ڕۆژی‌ دوشەممە کە دەکاتە دووەم ڕۆژی‌ جەژن سەردانیکردن تایبەتە بەپیاوان‌و رۆژی‌ سێشەممە، سێیەم ڕۆژی‌ جەژن سەردانیکردن تایبەت دەبێت بەژنان.بەڕێوەبەرایەتی‌ پۆلیسی‌ پارێزگای‌ سلێمانی‌ – راگەیاندن‌و پەیوەندییەکان

Posted by ‎Sulaymanya police پۆلیسی سلێمانی‎ on Wednesday, August 7, 2019

ئابوری

نوێنەرێك سێ‌ پێشنیار بۆ حكومەتی هەرێم دەكات

خەڵك – بەشی هەواڵ

ئەندامێكی ئەنجومەنی نوێنەرانى عيراق لە فڕاكسیۆنی یەكێتی دەڵێت:”مەلەفی نەوت زۆر هەڵدەگرێت و زۆریشی لەسەر نووسراوە، بەڵام دەرەنجام نەوت نەبووە بە مایەی خێر و خۆشی بۆ خەڵكی كوردستان”.

هەرێم كەمال ئاغا ئەندامی ئەنجومەنی نوێنەران لە فڕاكسیۆنی یەكێتی لە نووسینێكدا ئاماژەی بەوەداوە:”بەداخەوە ئەوەی لە چەند ڕۆژی ڕابردوو لە ڕاپۆرتی كۆمپانیای دیلۆیت بینیمان سەبارەت بە داهات و خەرجیيەكانی نەوت، مـرۆڤ تووشی شۆك دەبێت”.

ئەو نوێنەرە لە نووسینەكەشیدا سێ‌ پێشنیاری بۆ حكومەتی هەرێم كردووە بۆ زاڵبوون بەسەر قەیرانی دارایی و ڕێككەوتن لەگەڵ بەغدا و دابینكردنی مووچەی مووچەخۆران.

 

دەقی نووسینەكەی هەرێم كەمال ئاغا:

 

مەلەفی نــەوت زۆر هـــەڵدەگـرێت زۆریش لەسەری نوسراوە بەڵام دەرئــەنجــام نــەوت نەبوو بە ماییەی خێر و خۆشی بۆ خـــەڵكی كوردســتان .

لەســـەرەتادا كاتێـــك سەركردایـــەتی سیــاسی كوردستان لە حوزەیرانی ســـاڵی 2009 بـریاری رەوانەكردنی نەوتی دا بۆ دەرەوە ئـەمە هەنــگاوێكی گرنـگ بوو لەرووی ئابووریەوە بۆ هەرێمی كوردســتان ، چونكە نەوت بۆ ژێرخانی ئابووری هەر ولاتێك سێكتەرێكــی داهـــاتی بــەهێزە ، ئەو ولاتـانەی نەوت تیاندا بە درووستی بەكارهێنراوە هەمیــشە نەوت بۆیان بووە بە مایــیەی ئارامـــی و خۆشـــگوزەرانی و بـــەهێز بــوون و پاراســـتنی ئاســـایشی سیــادەی دەولەت .

یەكێتی نیشتیمانی كوردســـتان ســـەرباری كێــشمە كێشــمی زۆر و ئاڵنـــگاریـــەكان بـــەردەوام پشتــگیری بـــازاری ئـــازاد و هەناردەكـــردنی نـــەوت بـــووە ، بەشێـــوەیەكی شـــەفاف و تەندرووست ، چونكە یەكێـتی خۆیی بە خاوەنی بیرۆكەی دەرهێنانی نەوت دەزانێت لە پێناو دەستەبەركردنی ژێرخانی ئابـــوریەكی بەهێـز بۆ هەرێمـــی كوردســــتان.

بەڵام بەداخـــەوە ئەوەی لە چــەند رۆژی رابـردوو لە راپۆرتی كۆمــپانیایی دیــلۆیــت ـ مــان بــینی ســـەبارەت بە داهات و خەرجیـــەكانی نـــەوت ، مـرۆڤ توشی شۆك دەبـــێت، ئەگەر بێت و سەیری شــیكاری داهـــات و خـەرجیەكانی دەرهێنانی نەوت و جیـاوازی نێـــوان هـــەناردەكـــردن و بــەبازار كردنی نــەوت لەگـــەڵ عیراق بكەیـــن لەساڵـــی 2019 دەبینـــین:

[ كـــرێی بـــۆری نـــەوتی كـوردستــــان و تـــوركیــا ( 13%)

قـــەرزی تـــوركیاو كۆمپــــانیاكانی كـــریاری نـــەوت( 16%)

قــــەرزی كۆمپانیا ناوخۆییەكان كـــارەبا و پاڵاوگەكان(9% )

حەقدەستی كۆمپانــــیاكانی بەرهەمــهێنانی نـــەوت (30%)

خــــەرجـــی گــــۆریـــنــــەوەی دۆلار بــــۆ دیـــنــــار ( 2%)

پوختەی داهاتی ماوە بۆ مووچە وخەرجی حكومەت(30%)

كـــۆی گـــــشتـــی دەكـــات بــــە (100%) ]

ئەمـــە تـــەواو بـــە مـــانـایی بە هەدەردانی ئابووری هەرێمی كوردســـتانە ، بەتـــەواوی پێچەوانەی بەهێز بوونی ئابوریە ، دەتوانـــین بڵـــێن نـــەوت لە ئێســتادا بەم شێوەیە نە دەبێتە ماییەی خۆشگوزەرانی بۆ خـــەلكی كوردســـتان و نــە بۆ ژێر خـــانی ئابــــوریەكـــی بەهـــێز ، بەڵكـو سودی تەنها بۆ چەند كۆمپانیایەك و هەندێــــك وڵاتە ، دەرئـەنجام بـۆتە ماییەی سـزادانی خەلكی هەرێمی كوردستان بە هۆیی هەناردەكردنی نەوت وە رێك نەكـــەوتنی حكـومەتی هـەرێم لەگـەڵ بەغدا.

بۆیە پــێویستە لــە ئَێستـــادا ئەم خاڵانە تیشكی بخرێتە سەر

① ـ هەنـــاردەكــردنی نەوت بەم شێوەیە كۆمەڵێك رهەندی تری ترسنـــاك لەخۆیی دەگرت پێویســتە لە داهاتوودا لە گەڵ بەغـــدا لەســـەری رێكبـكەویــن .

②ـ كـــاركردن لــەســـەر پرۆژە یاسایی نەوت و گاز كە وەك نەخشە رێگایەكە بۆ چارەسەری بنەرەتی كێشەكان و دووبارە نەبوونەوەی كە بەردەوام بۆتە مایـــیەی ترس و دڵەراوكێ .

③ ـ پێـــویستە هەرێمــی كوردستان پابەندی رێكەوتنەكانی بێت لە گەڵ بەغدا هەروەكو لە رێكەوتنی ئۆكتۆبەری 2020 باسی لێوەكراوە ، ئەویش بە رادەست كردنی نەوت و نیوەیی داهاتە نا نــەوتیـــەكان ، بـــۆ وەرگرتنــی شایستــە دارایەكانی لە مانـــگی 1 ئەم ســـاڵ بۆ خۆشگوزەرانی هاولاتیان و دابین كـــردنی موچـــەی موچە خۆران .

لە كۆتاییـــدا دەتـــوانم بڵێـــم ، ئەگەر حكــــومــەتی هەرێمی كوردســـتان ســــیاســـەتێـــكی حەكیــمانەو ژیــرانە و تەواو زانستیـــیانە و شەفـــاف بگرێتـە بەر و نەوت رادەست بكات بەپێی رێـــكەوتــن و پشـــكی خـــۆیی بكـــات بــە داینەمۆی بــــوژانەوە‌ی هەرێمی كوردستان ئەوا ساڵێكی پر لە ئاسودەی و خۆشگوزەرانـــی بۆ هـــاولاتیان و موچـــە خۆران فـەراهەم دەكات ، لەهـــەمان كــاتدا حكومەتی فیدراڵ مولزەم دەكرێت بە دابـــین كـــردنی شایســـتە دارایەكـــانی حكومـەتی هەرێم و دانەوەی قەرزی جوتیاران و دابین كردنی موچـــەی مــوچە خـــۆران ، بـــە پـێچەوانەوە ئەگەر هەروەكو ئێستا بەردەوام بێت، ئـەوا بـەدڵنییایەوە ئەم نەوتە دەبێتە ماییەی زیاتر ئازار دان و سزادانــنێكی تــر بــۆ گـــەلەكـــەمان .

بەردەوام بە لە خوێندنەوە

کوردستان

گەرمیان.. هەوڵێكی سووتاندنی زیندانی گرتن و گواستنەوە شكستی پێهێنرا

خەڵك – بەشی هەواڵ

لەگرتن و گواستنەوەی گەرمیان ،ھەوڵی سوتاندنی زیندانەكەیاندا و پۆلیس كۆنتڕۆڵی زیندانەكەی كردووە.

ڕائید سلێمان عەزیز بەڕێوەبەری بەشی گرتن و گواستنەوەی گەرمیان بە كەناڵی فەڕمی یەكێتی ڕاگەیاند، گۆڕینی سیستمی پێدانی مۆبایل بەزیندانیەكانیانمان گۆڕیوە، بەشێك لە زیندانییەكان ئەمەیان پێ ناخۆش بووە، بەشێكی تری زیندانیەكان ئەمەیان بەھەل زانیوە، ھەوڵیانداوە چەند بەتانیەكی ناو ھۆڵی ژوورەكەیان بسوتێنن، ھەرزوو پۆلیسی زیندان چوونەتە ژورەوە و توانیویانە كۆنتڕۆڵی بارودۆخەكە بكەن.

ڕائید سلێمان عەزیز ئاماژەی بەوەشدا، بیانووی ئەو ھەوڵەی زیندانییەكان بۆ ئەوەبووە كە داوادەكەن دادگایی بكرێن، چونكە پێیان واییە ماوەیەكی زۆرە لەزیندانن و دادگاییكردن و یەكلایكردنەوەی كەیسەكانیان دواكەوتووە.

بەڕێوەبەری بەشی گرتن و گواستنەوەی گەرمیان ڕوونیشی كردەوە، تەنھا لەیەك ھۆڵی زیندانەكە ئەم ھەوڵە دراوە لەلایەن چەند ئاژاوەگێڕێكەوە، بەلام ڕێگەنەدراوە بەتانی و كەلوپەلەكان بسوتێنرێن و ئەو زیندانیانەش لەلایەن دادوەرەوە كەیسی تریان بۆ كراوەتەوە.

بەردەوام بە لە خوێندنەوە

کوردستان

ئەمریكا پێداویستی سەربازی ڕەوانەی ڕۆژئاوای كوردستان دەكات

خەڵك – بەشی هەواڵ

ڕوانگەی سوری بۆ مافەكانی مرۆڤ ڕایدەگەیەنێت: ئەمریكا پێداویستی سەربازی ڕەوانەی ڕۆژئاوای كوردستان دەكات.

ڕوانگەی سوری بۆ مافەكانی مرۆڤ لە ڕاپۆرتێكدا ڕایگەیاندووە، كاروانێكی نوێی هاوكاری لۆجستی و سەربازیی هێزەكانی سەر بە هاوپەیمانی نێودەوڵەتیی دژ بە داعش لە خاكی عیراقەوە بەرەو ڕۆژئاوای كوردستان بەڕێكەوتوون.

ڕوانگەكە باسی لەوەش كردووە، كاروانەكەی هاوپەیمانی نێودەوڵەتی لە 35 بارهەڵگری باركراو بە كەلوپەلی لۆجستی و سەربازیی و تانكەری سووتەمەنی پێكهاتوون و لە دەروازەی سنووری وەلیدی نێوان عیراق و سوریا و عیراق و ئوردنەوە بەرەو شاری قامیشلۆی ڕۆژئاوای كوردستان بەڕێكەوتوون، دواتر ڕوویان كردووەتە بنكە سەربازییەكانی هاوپەیمانی نێودەوڵەتیی لە حەسەكە و دێرەزوور.

جێی ئاماژەیە، ڕۆژی 10ی ئەم مانگەش كاروانێكی تری هێزەكانی سەربە هاوپەیمانی نێودەوڵەتیی كە لە 25 بارهەڵگر پێكهاتبوو و كەلوپەلی لۆجستی و چەكی قورسی وەك تۆپ و ئۆتۆمبێلی زرێپۆشیان پێبووە لە هەرێمی كوردستانەوە ڕوویان كردبووە بنكە سەربازییەكانی هاوپەیمانان لە شاری حەسەكەی ڕۆژئاوای كوردستان كرد، دواتر بەرەو كێڵگەی نەوتیی (عومەر و كۆنیكۆ) لە دێرەزوور بەڕێكەوتبوون.

بەردەوام بە لە خوێندنەوە

کوردستان