ئێمە لە تۆرە کۆمەڵایەتیەکان

جیهان

پارە بۆ ئەوانە تەرخان دەكات وڵاتەكە جێدەهێڵن
ئەڵمانیا هەموو رێڕەوێك بۆ دەركردنی كۆچبەران دەگرێتەبەر

خەڵك- بەشی هەواڵ
وەزارەتی ناوخۆی ئەڵمانیا رایدەگەیەنێت، نزیكەی 12 هەزار كۆچبەر لەبەرانبەر وەرگرتنی بڕێك پارەدا لە مانگی شوباتی 2017وە، وڵاتەكەیان بەجێهێشتووە.

رۆژنامەی (تسایت)ی ئەڵمانی لە زاری وەزارەتی ناوخۆی وڵاتەكەوە، بڵاویكردۆتەوە” لە مانگی شوبانی 2017وە، بەرنامەی (ستارتیلفبلاس)ی حكومەتی ئەڵمانی كە بەخشینی بڕی 800 تا 1200 یورۆ بۆ گەورەكان و نیوەی ئەو بڕە بۆ منداڵان تاوتوێ‌ دەكات، وەك هاندانێكە بۆ گەڕانەوەی ئارەزوومەندانەی كۆچبەران بۆ وڵاتەكانیان”.

هەر بەپێی رۆژنانەكە”ئەو بڕە پارەیە دەدرێت بەو كۆچبەرانەی بڕیار دەدەن ئەڵمانیا بەجێبهێڵن، بەر لە تەواوبوونی رێكارەكانی پەنابەری، هەرچەندە ئەو پارەیە زۆر نییە، بەڵام ئەو خێزانانەی لە 4 كەس زیاترن و بەیەك جار هەموویان ئەڵمانیا بەجێدەهێڵن، لەگەڵ پارەیەكی تردا بڕی 500 یورۆی تر وەردەگرن”.

وەزارەتی ناوخۆی ئەڵمانیا دەڵێت”حكومەتی فیدراڵی بەوشێوەیە، كۆچبەران هاندەدات بەشێوەیەكی ئارەزوومەندان وڵات جێبهێڵن، بە تایبەتیش گەر هەلی مانەوەیان لە ئەڵمانیادا كەم بێت”.

رۆژنامەی (تسایت)یش باس لەوە دەكات كە “40 ملیۆن یورۆ بە بودجەی فیدراڵی لە ساڵی 2017 بۆ جێبەجێكردنی ئەو بەرنامەیە تەرخان كراوە، زۆربەی ئەوانەش كە سودیان لەو پارەیە وەرگرتووە لە عیراق و روسیا و ئەفغانستانەوە هاتبوون”.

بەهۆی جەنگ و ناسەقامگیریی وڵاتەكانیان، لەم چەند ساڵەی دواییدا تەوژمێكی كۆچبەران رووی لە وڵاتانی ئەوروپا كرد، ئەڵمانیاش لەو چوارچێوەیەدا پشكی شێری بەركەوت و لەو دەمەوە تاوەكو ئێستا زیاتر لە ملیۆنێك كۆچبەر لە وڵاتەكەدا گیرساونەتەوە.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان