ئێمە لە تۆرە کۆمەڵایەتیەکان

ناوخۆیی

کارگێڕی برایەتی خەلاتی تیپی بایسکیڵسوارانی یانەکەی کرد

خەڵک سپۆرت – ڕاگه‌یاندنی یانه‌ی وه‌رزشی برایه‌تی

كارگێڕی برایه‌تی خه‌ڵاتی تیپی پایسكیلسواری كچانی یانه‌كه‌ی كرد و خه‌ڵات رێزلێنانیشی به‌ سه‌رۆكی یه‌كێتی پایسكیلسواری عێراق و نوێنه‌ری كۆمپانیای (vib) به‌خشی.

دوای به‌ده‌ستهێنانی پله‌ی دووه‌می پاڵه‌وانیه‌تی پایسكیلسواری یانه‌كانی عێراق و پله‌ی دووه‌می پاڵه‌وانیه‌تی پایسكیلسواری یانه‌كانی كوردستان له‌ چه‌ند رۆژی رابردوو و گێرانه‌وه‌ی تیپی پایسكیلسواری یانه‌ی برایه‌تی بۆ سه‌رده‌می زێڕین و سه‌ر سه‌كۆی خه‌ڵاته‌كان.
ئێواره‌ی ئه‌مرۆ شه‌ممه‌ له‌نێو باره‌گای یانه‌ی برایه‌تی به‌ ئاماده‌بوونی سه‌رۆك و ئه‌ندامانی ده‌سته‌ی كارگێڕی یانه‌ی برایه‌تی، ده‌سته‌ی كارگێری یانه‌ پێشوازی له‌ سه‌رپه‌رشتیار و راهێنه‌ران و یاریزانانی تیپی پایسكیلسواری كچانی یانه‌ی برایه‌تی كرد و وێڕای به‌رزنرخاندنی ئه‌و ئه‌نجامه‌ به‌رچاوانه‌ی له‌م دوو پاڵه‌وانیته‌ی دوایی به‌ده‌ستیانهێنا، له‌ هه‌مان كاتیش له‌لایه‌ن كارگێری یانه‌وه‌ به‌ڵێنی پشتگیری و پاڵپشتی زیاتر به‌ تیپی پایسكیلسواری برایه‌تی دووپاتكرایه‌وه‌، له‌به‌رامبه‌ریشدا راهێنه‌ر و یاریزانانی تیپی پایسكیلسواری یانه‌ی برایه‌تی ئه‌و پێشوازییه‌ی ده‌سته‌ی كارگێڕی یانه‌یان به‌رزنرخاند و به‌ڵێنی ده‌ستخستنی ئه‌نجامی باشتر و هه‌وڵدان بۆ ده‌ستخستنی مێدالیای پاڵه‌وانیه‌تیه‌كانی ده‌ره‌وه‌شیان دا.


دواتر له‌به‌رامبه‌ر هه‌وڵه‌كانی بۆ پێشخستنی ئاستی یاری پایسكیلسواری له‌ كوردستان و عێراق، له‌لایه‌ن ده‌سته‌ی كارگێری یانه‌ و خودی سه‌رۆكی یانه‌ (قه‌له‌نده‌ر نه‌سره‌ددین) خه‌ڵاتی ڕێزلێنانی یانه‌ی برایه‌تی پێشكه‌ش به‌ ( مه‌حموود عه‌زیز) سه‌رۆكی یه‌كێتی ناوه‌ندی پایسكیلسواری عێراق كرا و له‌ هه‌مان كاتیش خه‌ڵاتی ڕێزلێنانی یانه‌ی برایه‌تی پێشكه‌ش به‌ نوێنه‌ری كۆمپانیای (vib) تایبه‌ت به‌ دابینكردنی پێداویستیه‌كانی یاری پایسكیلسواری كرا.
له‌كۆتاییشدا له‌لایه‌ن ده‌سته‌ی كارگێڕی یانه‌ی برایه‌تی خه‌ڵات به‌سه‌ر ده‌سته‌ی راهێنه‌ران و یاریزانانی تیپی پایسكیلسواری كچانی یانه‌ی برایه‌تی دابه‌شكرا.

ریکلام

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان