ئێمە لە تۆرە کۆمەڵایەتیەکان

ناوخۆیی

یه‌كێتی تۆپی پێی كوردستان بڕیار و راسپارده‌ی نوێی ده‌ركرد

یه‌كێتی تۆپی پێی كوردستان

ئه‌مڕۆ شه‌ممه‌ 23/11/2019 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی، یه‌كێتی تۆپی پێی كوردستان كۆبوونه‌وه‌ی هه‌فتانه‌ی خۆی ئه‌نجامدا و، ئه‌م بڕیار و راسپاردانه‌ی خواره‌وه‌ی ده‌ركرد:

1- له‌ یاری نێوان زێره‌ڤانی و ئاڵا له‌ خولی نایابی لاوانی كوردستان، به‌ هۆی جنێودان و ده‌رچوون له‌ گیانی وه‌رزشی له‌ لایه‌ن هه‌ریه‌ك له‌م ناوانه‌ی خوراه‌وه‌ له‌ یانه‌ی ئاڵا، بڕیاردرا به‌:

• راگرتنی سه‌رپه‌رشتیاری تیپی لاوانی یانه‌ی ئاڵا (هاوڕێ جه‌وهه‌ر) بۆ سێ یاری به‌ ئاماده‌نه‌بوونی له‌ نێو یاریگه‌ له‌گه‌ڵ یانه‌كه‌ی و، غه‌رامه‌كردنی به‌ بڕی (500,000) پێنج سه‌د هه‌زار دینار.

• راگرتنی یاریزانی یانه‌ی ئاڵا (ئه‌حمه‌د عه‌بدولقادر) بۆ یه‌ك یاری له‌گه‌ڵ مانه‌وه‌ی كارته‌ سووره‌كه‌ی واته‌ دوو یاری و، غه‌رامه‌كردنی به‌ بڕی (150,000) سه‌د و په‌نجا هه‌زار دینار.

• راگرتنی خزمه‌تگوزاری تیپی لاوانی یانه‌ی ئاڵا (قانیع ره‌شید) تا كۆتایی هاتنی خولی نایابی لاوانی كوردستان و، غه‌رامه‌كردنی به‌ بڕی (500,000) پێنج سه‌د هه‌زار دینار.

• ئاگاداری یانه‌ی ئاڵا ده‌كه‌ینه‌وه‌، پێویسته‌ ته‌واوی غه‌رامه‌كانیان پێش یاری داهاتوویان له‌ خولی نایابی لاوانی كوردستان، راده‌ستی ژمێریاری یه‌كێتییه‌كه‌مان بكه‌ن، به‌ پێچه‌وانه‌وه‌ یاری داهاتوویان ئه‌نجام نادرێت.

2- ئاگاداری یانه‌ی كۆیه‌ ده‌كه‌ینه‌وه‌، پێویسته‌ ژووری شایسته‌ و خاوێن به‌ ته‌واوی پێدویستییه‌كان بۆ تیپی میوان و سه‌رپه‌رشتیاری یاری و ده‌سته‌ی ناوبژیوانان ئاماده‌ بكه‌ن.

3- ئاگاداری سه‌رجه‌م یانه‌ به‌شداربووه‌كانی چالاكییه‌كانی یه‌كێتییه‌كه‌مان له‌ سه‌رجه‌م تیپه‌ جیاوازه‌كانیان ده‌كه‌ینه‌وه‌، پێویسته‌ له‌ كاتی یارییه‌كاندا پابه‌ندی رێنماییه‌كانی یه‌كێتی تۆپی پێی كوردستان بن، له‌ دابینكردن ئاماده‌كردنی یاریده‌ده‌ری پزیشك و هه‌ڵگرانی گواستنه‌وه‌ی یاریزانانی پێكاو (نقاله‌) و تۆپ هێنه‌ره‌وه‌كان، كه‌ به‌ شێوه‌یه‌كی جوان و شارستانی ئه‌ركه‌كانیان جێبه‌جێ بكه‌ن، به‌ پێچه‌وانه‌وه‌ سزای توند ده‌درێن.

4- له‌ یاری نێوان نه‌ورۆز و دهۆك له‌ خولی نایابی كوردستان، به‌ هۆی پابه‌ند نه‌بوون به‌ رێنماییه‌كان و ده‌رچوون له‌ گیانی وه‌رزشی و تف كردن، له‌ لایه‌ن یاریده‌ده‌ری راهێنه‌ری یانه‌ی دهۆك (ئاشتی مسته‌فا) بڕیاردرا به‌:

• راگرتنی ناوبراو بۆ دوو یاری، كه‌ نابێت له‌ نێو یاریگه‌ی ئاماده‌بێت.

• غه‌رامه‌كردنی ناوبراو به‌ بڕی (500,000) پێنج سه‌د هه‌زار دینار.

• پێویسته‌ پێش ته‌واوبوونی سزاكه‌ی غه‌رامه‌كه‌ راده‌ستی ژمێریاری یه‌كێتییه‌كه‌مان بكرێت، به‌ پێچه‌وانه‌وه‌ سزاكه‌ی به‌رده‌وامی ده‌بێت.

5- خولی یانه‌ پله‌یه‌كه‌كانی تۆپی پێی كوردستان بۆ وه‌رزی 2019/2020 له‌ رۆژی چوارشه‌ممه‌ 27/11/2019 ده‌ست پێده‌كات.

ریکلام

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان