ئێمە لە تۆرە کۆمەڵایەتیەکان

عێراق

عەبادی بۆ پێنس: بەغدا پایتەختی عيراقە نەك هەولێر

خەڵك – بەشی هەواڵ

حەیدەر عەبادی سەرۆكی هاوپەیمانی نەسر لەبارەی سەردانەكەی مایك پێنس جێگری سەرۆكی ئەمریكا بۆ عیراق و هەرێمی كوردستان بەدەنگهات و ڕایدەگەیەنێت: بەغدا پایتەختی عيراقە نەك هەولێر.

هاوپەیمانی نەسر بە سەرۆكایەتیی حەیدەر عەبادی سەرۆكی هاوپەیمانی نەسر و سەرۆك وەزیرانی پێشووی عیراق سەبارەت بە سەردانی مایك پێنس، جێگری سەرۆكی ئەمریكا بۆ عیراق و هەرێمی كوردستان، رایگەیاند “هاوپەیمانی نەسر سەركۆنەی ئەم سەردانەی مایك پێنس، جێگری سەرۆكی ئەمریكا دەكات كە سەروەریی پێشێلكردووە”.

هاوپەیمانی نەسر ئاماژەبەوەدەكات “بەغدا پایتەختی عیراقە نەك هەولێر و قبووڵكردنی ڕێكخستنی ئەم سەردانە كە تەنیا بۆ بنكەی عەین ئەسەد و هەولێر بوو لە لایەن حكومەتی عیراقەوە، ڕەتدەكەینەوە”.

هاوپەیمانی نەسر بە سەرۆكایەتی حەیدەر عەبادی ئەوەشیخستووەتەڕوو”پرسی سەروەریی نیشتمانیی هی كەس نییە بۆئەوەی قوربانی پێبدات، دەبوایە ئەم سەردانە كە سەروەریی دەوڵەتی عیراقی لەبەرچاونەگرت ڕەتبكرێتەوە”.

هەر ئەمڕۆ نووسینگەی سەرۆك وەزیرانی عیراق لەبارەی سەردانەكەی مایك پێنس ڕایگەیاند “ئەمڕۆ شەممە كاتژمێر 12ی نیوەڕۆ پەیوەندیی تەلەفۆنی لە نێوان عادل عەبدولمەهدی، سەرۆك وەزیران و جێگری سەرۆكی ئەمریكا هەبوو و بەهێزكردنی پەیوەندییەكانی نێوان هەردوو وڵات و ئاسۆی هەماهەنگی هاوبەش و پێشهاتەكانی عیراق و ئەنجامدانی چاكسازی بۆ بەدەنگەوەهاتنی داواكارییەكانی خۆپیشاندەرانیان تاووتوێ كردووە”.

ئەمڕۆ شەممە 23-11-2019 مایك پێنس، جێگری سەرۆكی ئەمریكا بە سەردانێكی چاوەڕواننەكراو لە بنكەی سەربازی ئەسەد لە پارێزگای ئەنبار نیشتەوە و چاوی بە فەرماندە سەربازییەكانی ئەمریكا كەوت. بەڵام لەگەڵ هیچ كام لە سەركردەكانی عیراق كۆنەبووەوە.

دوای سەردانەكەی بۆ بنكەیەكی سەربازیی وڵاتەكەی لە ئەنبار، مایك پێنس، جێگری سەرۆكی ویلایەتە یەكگرتووەكانی ئەمریكا بە سەردانێك گەیشتە هەولێر و لەگەڵ نێچیرڤان بارزانی، سەرۆكی هەرێمی كوردستان و مەسرور بارزانی سەرۆكی حكومەتی هەرێم كۆبووەوە.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان