ئێمە لە تۆرە کۆمەڵایەتیەکان

عێراق

باس لە هەوڵی گێڕانەوەی دیكتاتۆریش دەكات
سیستانی: پێویستە زەمینەسازی بۆ هەڵبژاردن بكرێت

خەڵك- بەشی هەواڵ
مەرجەعی باڵای ئاینی لە عیراق، بەپێویستی دەزانێت پەرلەمان پەلە بكات لە پەسەندكردنی پرۆژەكانی چاكسازیی و زەمینەخۆشكردن بۆ هەنگاونان بەرەو هەڵبژاردنێكی ئازاد و بێخەوش، هۆشداریش دەدات لەو هەوڵانەی كە “دەیانەوێت پشێوی لە وڵاتدا دروست بكەن و عیراق بگێڕنەوە بۆ دیكتاتۆری”.

ئەمڕۆ ئەحمەد سافی، نوێنەری عەلی سیستانی مەرجەعی باڵای ئاینی لە عیراق، لە وتاری هەینیدا ڕایگەیاند”پێویستە پەرلەمان چاو بە ڕێڕەوەكانی خۆیدا بخشێنێت كە لێوەی حكومەتی ئێستا پێكهێنراوە، دەبێت پەلەش بكات لە پەسەندكردنی پرۆژەكانی چاكسازیی، تا لێوەی زەمینەسازی بۆ هەڵبژاردنێكی ئازاد و بیبَخەوش بكرێت”.

بە وتەی سافی”جێبەجێ نەكردنی داواكاری خۆپیشاندەران ڕەوشەكە ئاڵۆزتر دەكات و دەبێتە مایەی رشتنی زیاتری خوێنی خۆپیشاندەران”، كوشتنی خۆپیشاندەرانیشی بە تاوان لەقەڵەمدا.

نوێنەری عەلی سیستانی لە وتارەكەیدا وتی”دووژمنانی عیراق دەیانەوێت پشێوی لە وڵاتدا دروستبكەن و عیراق بەرەو دیكتاتۆری بگێڕنەوە”، سەبارەت بە خۆپیشاندەرانیش، ئاماژەی بە پشتیوانی مەرجەعیەت كرد، بەو مەرجەی “ڕێگە بە كەسانی تێكدەر و ئاژاوەگێڕ نەدرێت رێڕەوی خۆپیشاندانەكان بگۆڕن”، داواشی لە پەرلەمان كرد، پەلە بكات لە پەسەند كردنی پرۆژەكانی چاكسازی.

هەرچەندە نوێنەری مەرجەعیەتی باڵای ئاینی لە وتارەكەیدا، بە پێویستی زانی توندوتیژی ڕابگیرێت و یاسای هەڵبژاردن بە زوویی پەسەند بكرێت، بەڵام ڕەتیكردەوە حكومەتی ئێستا بتوانێت پارێزگاری لە خۆپیشاندەران بكات و خوێن ڕشتن ڕابگرێت.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان