ئێمە لە تۆرە کۆمەڵایەتیەکان

ناوخۆیی

یه‌كێتى تۆپی پێی كوردستان بڕیار و راسپارده‌ى نوێی ده‌ركرد

یه‌كێتى تۆپی پێی كوردستان

ئه‌مڕۆ شه‌ممه‌ 14/12/2019 به‌ ئاماده‌بوونى سه‌رۆك و جێگر و سه‌رجه‌م ئه‌ندامه‌كانى، یه‌كێتى تۆپی پێی كوردستان كۆبوونه‌وه‌ى ئاسایی خۆى ئه‌نجامدا و، ئه‌م بڕیار و راسپاردانه‌ى خواره‌وه‌ى ده‌ركرد:

1- نووسراوى یانه‌ى زانكۆى جیهان به‌ ژماره‌ 80 له‌ رێكه‌وتى 1/12/2019 تایبه‌ت به‌ كشانه‌وه‌ى یانه‌كه‌یان له‌ خولى نایابى فوتساڵى كچانى كوردستان په‌سند كرا، به‌ پێی رێنماییه‌كانى یه‌كێتییه‌كه‌مان بڕیاردرا به‌:

  • سڕكردنى تیپى فوتساڵى كچانى یانه‌ى زانكۆى جیهان بۆ ماوه‌ى دوو وه‌رز، واته‌ ناتوانى به‌شدارى له‌ چالاكییه‌كانى یه‌كێتى تۆپی پێی كوردستان بكات له‌ وه‌رزه‌كانى 2019/2020 و 2020/2021.
  • غه‌رامه‌كردنى یانه‌ى ناوبراو به‌ بڕى 1,000,000 یه‌ك ملیۆن دینار.
  • ئازاد كردنى سه‌رجه‌م كچه‌یاریزانانى فوتساڵى یانه‌ى ناوبراو به‌ گواستنه‌وه‌یان بۆ هه‌ر یانه‌یه‌ك.

2- له‌به‌ر ئه‌وه‌ى یاریگه‌ى چیمه‌نى ده‌ستكرد له‌ شارى كۆیه‌ هه‌یه‌ و تیپى لاوانى یانه‌ى كۆیه‌ یارى له‌سه‌ر ئه‌نجام ده‌دات، داواكارى یانه‌ى كۆیه‌ په‌سند نه‌كرا، كه‌ داوایان كردووه‌ له‌ كاتى كه‌ش و هه‌واى ناله‌بار یاریگه‌ى چوارقورنه‌ وه‌ك یاریگه‌ى دووه‌مى خۆیان له‌ خولى پله‌یه‌كى كوردستان به‌كار بهێنن.

3- له‌ یارى نێوان برایه‌تى و دهۆك له‌ خولى نایابى كوردستان، به‌ هۆى هه‌ڵه‌ى زه‌قی یاریده‌ده‌رى ناوبژیوانى یه‌كه‌م (سۆران ئه‌حمه‌د)، به‌ ره‌تكردنه‌وه‌ى گۆڵێكى دروست بۆ یانه‌ى دهۆك به‌ بیانووى ئۆفساید، بڕیاردرا به‌ راگرتنى ناوبراو بۆ ماوه‌ى یه‌ك مانگ له‌ به‌رێوه‌بردنى یارى.

4- له‌ یارى نێوان هه‌ندرێن و ئاڵا له‌ خولى نایابى لاوانى كوردستان، به‌ هۆى هه‌ڵه‌ى زۆرى ناوبژیوانى ناوه‌ڕاستى یارییه‌كه‌ (عه‌لى ئه‌كبه‌ر) به‌ هه‌ژماركردنى لێدانێكى سزاى نادروست بۆ یانه‌ى هه‌ندرێن و هه‌ژمارنه‌كردنى لێدانێكى سزاى دروست بۆ یانه‌ى ئاڵا، بڕیاردرا به‌ راگرتنى ناوبراو بۆ ماوه‌ى دوو مانگ له‌ به‌رێوه‌بردنى یارى.

5- به‌ هۆى نادروستى له‌ راپۆرتى سه‌رپه‌رشتیارى یارى نێوان هه‌ندرێن و ئاڵا له‌ خولى نایابى لاوانى كوردستان (سامى عه‌لى)، گرینگى نه‌دان به‌ چاودێرى ناوبژیوانى یارییه‌كه‌، بڕیاردرا به‌ راگرتنى ناوبراو بۆ ماوه‌ى دوو مانگ له‌ سه‌رپه‌رشتى كردنى یارییه‌كان.

6- ئاگادارى یانه‌ى پێشمه‌رگه‌ى هه‌ولێر ده‌كه‌ینه‌وه‌، پێویسته‌ له‌ كاتى به‌رێوه‌چوونى یارییه‌كانى تیپى لاوانى یانه‌كه‌یان له‌ یاریگه‌ى پێشمه‌رگه‌ى هه‌ولێر / هه‌ولێر، پیاوانى پۆلیس ئاماده‌ بكرێن.

7- له‌ یارى نێوان هه‌ڵۆ و كۆیه‌ له‌ خولى پله‌یه‌كى كوردستان، به‌ هۆى كێشه‌ و گرفتى یارییه‌كه‌، ئاگادارى هه‌ردوو به‌ڕێز (ئه‌حمه‌د خه‌لیل) سه‌رۆكى یانه‌ى هه‌ڵۆ و (محه‌مه‌د حه‌سه‌ن) ناوبژیوانى ناوه‌ڕاستى یارییه‌كه‌ ده‌كه‌ینه‌وه‌، رۆژى شه‌ممه‌ 21/12/2019 له‌ كاتژمێر 12:00 ـى نیوه‌ڕۆ، له‌ باره‌گه‌ى یه‌كێتى تۆپی پێی كوردستان ئاماده‌بن.

8- له‌ یارى نێوان هه‌ڵه‌بجه‌ى شه‌هید و شه‌قڵاوه‌ له‌ خولى پله‌یه‌كى كوردستان، به‌ هۆى به‌كارهێنانى مۆبایل له‌ لایه‌ن یاریده‌ده‌رى راهێنه‌رى یانه‌ى شه‌قڵاوه‌ (دڵشاد محه‌مه‌د ساڵح)، هه‌روه‌ها ده‌ركردنى له‌ یارییه‌كه‌ بڕیاردرا به‌:

  • راگرتنى ناوبراو به‌ ئاماده‌نه‌بوونى له‌ نێو یاریگه‌ له‌ یارى داهاتووى یانه‌كه‌ى.
  • غه‌رامه‌كردنى ناوبراو به‌ بڕى 250000 دوو سه‌د و په‌نجا هه‌زار دینار.

9- یارییه‌كانى گه‌ڕى چواره‌مى خولى پله‌یه‌كى كوردستان، له‌ رۆژى سێشه‌ممه‌ 17/12/2019 به‌رێوه‌ ده‌چێت.

10- بڕیاردرا بۆ له‌مه‌ودوا له‌ خولى نایابى كوردستان، سه‌رپه‌رشتیارانى یارى و هه‌ڵسه‌نگێنه‌رى ناوبژیوانان به‌مشێوه‌یه‌ بێت:

  • سه‌رپه‌رشتیارى گشتى یارى.
  • سه‌رپه‌رشتیار و هه‌ڵسه‌نگێنه‌رى ناوبژیوانان.

11- دواى لێكۆڵینه‌وه‌ له‌ رووداوى تاقیكردنه‌وه‌ى ناوبژیوانان له‌ نێوان سكرتێرى لێژنه‌ى ناوبژیوانان (سیروان سه‌لمان) و (هیوا عه‌لى) ناوبژیوان، ده‌ركه‌وت لێك تێنه‌گه‌یشتن له‌ نێوان هه‌ردوولا هه‌بووه‌، دواى ئاشتبوونه‌وه‌ و گیانى لێبورده‌یی هه‌ردوولا، بڕیاردرا به‌ داخستنى دۆسیه‌كه‌ و دووباره‌ كردنه‌وه‌ى تاقیكردنه‌وه‌كانى تیۆرى و جه‌سته‌یی بۆ ناوبژیوان (هیوا عه‌لى) له‌ لایه‌ن لێژنه‌یه‌كى تایبه‌ت.

12- ئاگادارى ئه‌م به‌ڕێزانه‌ى خواره‌وه‌ ده‌كه‌ینه‌وه‌، رۆژى شه‌ممه‌ 21/12/2019 له‌ كاتژمێر 12:00 ـى نیوه‌ڕۆ له‌ باره‌گه‌ى یه‌كێتى تۆپی پێی كوردستان ئاماده‌بن، بۆ كارى پێویست.

  • جه‌وده‌ت ناسح
  • وه‌لید عه‌بدولره‌حمان
  • سینان ناسر
  • قوسه‌ى محه‌مه‌د
  • ئه‌حمه‌د نۆفل
ریکلام

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان