ئێمە لە تۆرە کۆمەڵایەتیەکان

ماڵداری

چەند ئامۆژگاریەک لە دایکێکی تەمبەڵەوە

خێزان

Anna Bykova  پسپۆڕێکی سایکۆلۆژیە و کتێبێکی لەسەر پەروەردەی منداڵ بڵاوکردۆتەوە کە خۆی بە (دایکێکی تەمبەڵ) ناوبردووە، بەو پێیەی زیاتر هەوڵیداوە منداڵەکانی پشت بەخۆیان ببەستن، ئەمەی خوارەوە چەند تاکتیکێکە کە بەکاری هێناوە:

 

ڕێگری بکە لە گڕووگرتنی منداڵەکەت

-ئەو شتانە بشارەوە کە نابێت دەستیان بۆ ببات.

-با کەرەستەی ڕەنگدار و ڕەونەقدارت هەبێت بۆ ئەوەی لەکاتی پێویست سەرنجی منداڵەکەت ڕابکێشیت، من یاری بچوک و هەرزان هەڵدەگرم بۆ کاتی پێویست، یاخود میزەڵدان دەتەقێنم.

-گەر شتێکی مەترسیداریان بینی، بۆنمونە موقەست، ڕێگر مەبە لەوەی دەستی لێبدەن و بزانن چییە، بەڵام دەبێت لەژێر کۆنتڕۆڵی دایک خۆیدا بێت.

-گەر ویستت منداڵەکەت واز لە یاری بهێنێت بۆ نانخواردن، هەوڵبدە ببیتە بەشێک لە یاریەکەی، بۆنمونە “با نان بدەین بە بوکەکە”، یاخود “یاریکردن بە میکانۆ دەوەستێت، چونکە کرێکارەکان پێویستیان بەوەیە پشوویەک وەربگرن”

 

 

لە کاتی گڕووگرتن

 

 

-هەوڵبدە سەرنجی منداڵەکەت بۆ شتێکی دیکە ڕابکێشیت.

-شێوازی خۆت دابنێ بۆ هێورکردنەوە، بۆنمونە فوکردن بە چاویدا وادەکات وشکبێت و فرمێسکی نەبێت، یاخود چیرۆکی بۆ بگێڕەوە یان هەر تاکتیکێکی دیکە کە دەزانیت بۆ منداڵەکەت دەست دەدات.

-ئیهمالی بکە: گەر هیچکام لەوانەی سەرەوە سوودی نەبوو ماوەیەک ئیهمالی بکە با بگری، بەڵام مەیکەرە ژورێکەوە بە تەنها، بەڵکوو خۆت لەگەڵی بە و بڵێ باشە بگری، هەرکات تەواوبویت قسە دەکەین.

 

 

خواردن پێدان

-خواردن پێداویستیەکی غەریزەی مرۆڤە، کاتێک منداڵێکی کۆرپە بیرت دەچێت شیری پێبدەیت، خۆی بە گریانی زۆر و بەرز داوای خواردن دەکات چونکە برسیەتی، هەوڵبدە هەمان تاکتیک لەگەڵ منداڵەکەشت بەکار بهێنیت.

-لێی بگەڕێ تا تەواو برسی دەبیت، پاشان خواردنی باشی بخەرە بەردەست.

-هەوڵبدە منداڵەکە لە خواردن ئامادەکردندا بەشداری پێبکەیت، بەوجۆرە باشتر دەخوات، بۆنمونە بۆ شتکڕین لەگەڵ خۆت بیبە.

-لە ڕێژەی پێویستی خۆی زیاتر خواردن مەدە بە منداڵەکەت، تا لەبەرچاوی نەکەوێت و لێی بێزار نەبێت.

 

 

چۆن هەستی خواردن لای منداڵەکەت باشتر دەکەیت؟

-هەوڵبدە لەسەر ژەمەکان ڕای بهێنیت، گەر لە ژەمەکان نانی نەخوارد مەهێڵە لە نێوان ژەمەکان وردە شت بخوات.

-شیرینی زۆر مەدە بە منداڵەکەت.

-منداڵەکەت با یاری بکات و بجوڵیت، بەو جۆرە باشتریش دەخوات.

 

 

خەواندنی منداڵ

-هەوڵبدە خەوتن وەک شتێکی خۆش نیشانی منداڵەکەت بدەیت نەک وەک سزایەک، خۆت لەگەڵیدا بخەوە و چیرۆکی بۆ بگێڕەرەوە تا خەوی لێدەکەوێت.

 

خەوتن بە تەنها

-دەتوانیت بوکەڵەیەکی لەگەڵدا بخەوێنیت تا هەست بە تەنهایی تەواو نەکات.

-کەشی خەوی ئارامی بۆ درووستبکە و با دەنگەدەنگ نەبێت

-با جێگای خەوتنەکەی خۆی هەڵی بژێرێت و بەدڵی خۆی بیکڕێت.

-هەوڵبدە جێگاکەی زۆر لێت دوور نەبێت تا دڵنیابێت هەرکات بیەوێت دەتوانێت دەستی پێت بگات و نەترسێت.

ریکلام

ماڵداری

قەیسی وشک و هەنگوین تێکەڵبکە و گیراوەیەکی بۆ مووی روخسارت لێ درووستبکە، زۆر کاریگەرە

خێزان
به‌شێك له‌ خانمان كێشه‌ی بونی موویان هه‌یه‌ له‌ ده‌وروبه‌ری لێویان كه‌ وه‌ك سمێڵێكی ته‌نك ده‌رده‌كه‌وێت، بۆ ئه‌وه‌ش كه‌ره‌سته‌ی جۆراوجۆر بۆ لابردنی مووه‌كه‌ به‌كارده‌هێندرێت.


باشترین چاره‌سه‌ر بۆ لابردن و نه‌هێشتنی ئه‌و مووه‌ گیراوه‌ سروشتیه‌كانه‌ كه‌ چه‌ند جۆرێكیی هه‌یه‌و ئه‌مه‌ی خواره‌وه‌ یه‌كێكه‌ له‌ باشترین و گونجاوترین گیراوه‌كان.

 

پێداویستیەکان:
-نیو كوپ قه‌یسی وشك

-کەوچکەچایەک هەنگووین

 

قەیسیە وشکەکە جوان بیشێله‌ تا ده‌بێته‌ هه‌ویرێك، دواتر هه‌نگوینەکەی تێبكه‌و له‌گه‌ڵ هه‌ویره‌كه‌دا جوان تێكی وه‌ربده‌  بیده‌ له‌و شوێنه‌ی ڕوخسارت كه‌ ده‌ته‌وێت مووه‌كه‌ی نه‌مێنێت و بۆ ماوه‌ی 5 تا 10 خوله‌ك پێوه‌ی به‌جێ بهێڵه‌، پاشانیش به‌ ده‌سته‌كانت بۆ ماوه‌ی 20 خوله‌كێك بڵاوی بكه‌ره‌وه‌ و دواتر به‌ ئاوی شله‌تێن بیشۆره‌وه‌.

بەردەوام بە لە خوێندنەوە

ماڵداری

تا ئێستا هێلكه‌ت كوڵاندووه‌و ئه‌و پارچه‌ لیمۆیه‌ت تێنه‌كردووه‌؟ كارێكی نادرووسته‌!

خێزان

كاتێك هێلكه‌ ده‌كوڵێنین خه‌ممان ئه‌وه‌یه‌ كه‌ توێكڵه‌كه‌ی به‌باشی لێنه‌بێته‌وه‌، هه‌موو ئه‌و كاره‌ ئاسان ده‌بێت گه‌ر بۆ له‌مه‌ودوا ئه‌م تاكتیكه‌ به‌كار بهێنیت.

له‌ كاتی كوڵاندنی هێلكه‌دا یه‌ك پارچه‌ی بچوك لیمۆ بكه‌ره‌ ناو ئاوه‌كه‌وه‌، ئیدی پاش ئه‌وه‌ زۆر به‌ ئاسانی و جوانی توێكڵه‌كه‌ی لێده‌بێته‌وه‌.

گه‌ر هه‌ر لیمۆشت له‌به‌رده‌ستدا نه‌بوو ده‌توانیت كه‌وچكه‌چایه‌ك سۆده‌ی تێبكه‌یت و هه‌مان ڕۆڵ ده‌بینێت.

 

بەردەوام بە لە خوێندنەوە

ماڵداری

بۆ کابانەکان: گەر هێلکەت لێبڕا دەتوانیت مۆز بەکاربهێنیت و هەمان تامی هەیە

خێزان

كاتێك ده‌ته‌وێت كێك یان كولینچه‌ یان هه‌ر كارێكی دیكه‌ی هه‌ویركاری دروستبكه‌یت و له‌ناكاو پێی ده‌زانیت كه‌ هێلكه‌ت نه‌ماوه‌، ئه‌وا چاره‌سه‌ره‌كه‌ی لای ئێمه‌ ئاسانه‌.

ده‌توانیت له‌ جیاتی هێلكه‌ مۆز به‌كار بهێنیت و دڵنیاش به‌ له‌وه‌ی كه‌ تامی به‌رهه‌مه‌كه‌ت ناگۆڕێت و هه‌ر هه‌مان شێواز ده‌بێت گه‌ر خۆشتریش نه‌بێت.

بۆ قه‌باره‌كه‌ش له‌ جیاتی هه‌ر یه‌ك هێلكه‌یه‌ك كه‌ ده‌ته‌وێت بیكه‌ته‌ ناو كاره‌ هه‌ویریه‌كه‌ته‌وه‌، نیو مۆز وردبكه‌ و بیكه‌ره‌ ناوی.

بەردەوام بە لە خوێندنەوە

کوردستان