ئێمە لە تۆرە کۆمەڵایەتیەکان

جیهان

ئەمشەو 750 سەرباز گەیشتە كوەیت و 4000 یش لەئەمریكاوە بەڕێوەیە

خەڵك- لوقمان غەفوور

وەزیری بەرگری ئەمریكا بەر لە هاتنی سەری ساڵی نوێ بە كاتی ئەمریكا، بە ڕۆژنامەی (میلتن تایمز)ی ڕاگەیاند، 750 سەربازی فیرقەی 80ی پەڕەشوت گەیشتە وڵاتی كوەیت و 4000 سەربازی دیكەش كۆتایی ئەم هەفتەیە ئەگەنه سێنكۆم.

سێنكۆم (سەنتەری سەركردایەتی هێزەكانی ئەمریكا لە خۆرهەڵاتی ناوەڕاست – عیراق و وڵاتانی كەنداو و میسر و سوریا و ئەفغانستان)ە كە یەكێكە لەو 11 سەنتەرە شەڕكەرەی ئەمریكا لە جیهان هەیەتی.

بە بڕیاری سەرۆكی ئەركانی سوپای ئەمریكاش بڕیاردرا بە بڵاوەپێكردنی كەتیبەی پیادەی هێزی پەرچەكرداری ئامادە (IRF)ی سەر بە فیرقەی پەڕەشوت لە كوەیت وەك پەرچەكردارێك بەرامبەر دواین ڕووداوەكانی عیراق. بۆ ئەو مەبەستەش ئێوارەی درەنگانی ڕۆژی 31ی كانوونی یەكەم، 100 مارێنزی لە وڵاتی كوەیت-ەوە ڕەوانەی باڵێۆزخانەی ئەمریكا كرد لە بەغداد، لەهەمانكاتدا وەزیری بەرگری ئەمریكا ڕاگەیاند، كە 2000 مارێنزی دیكە ڕەوانەی عیراق دەكرێت.

دوابەدوای ئەم لێدوانە پێدەچێت لەلایەن شەقامی ئەمریكییەوە فشار لەسەر ئیدارەی ترەمپ ھەبێت، بۆیە مایك ئیسپر، وەزیری بەرگری ئەمریكا درەنگانی ئەمشەو ٣١ی كانوونی یەكەم وتی، “ڕاستەوخۆ 750 سەرباز گەیشتە كوەیت و لە كۆتایی چەند ڕۆژی داهاتوودا چەند فیرقەیەكی تریش ڕەوانەی ناوچەكە دەكرێت”.

ئاماژەی بەوەدا، كە لەماوەی شەش مانگی ڕابردوودا بەهۆی ڕەفتارە خراپەكانی ئیرانەوە، 14 هەزار سەرباز ڕەوانەی ناوچەكە كراوە و 4000 سەربازی تریش ئەمڕۆ ٣١ی كانوونی یەكەم بەڕێكەوتووە.

فیرقەی 80ی پەڕەشوت فیرقەیەكی پیادەی پەڕەشوتە، تایبەتە بە ئۆپەراسیۆنی دابەزین لەو شوێنانەی، كە دوژمنی لێیە یاخود لە قوڵایی خاكی دوژمندایە، یەكێك لە ئۆپەراسیۆنە گەورەكانی، كە فیرقەی 80ی پەڕەشوت بەشداری تێدا كرد دابەزین بوو بۆ ناو خاكی فەڕەنسا لە جەنگی دووەمی جیهانیدا و پشتەوەی بەرەكانی شەڕی لە هێزەكانی ئەڵمانیا گرت.

لە لایەكی دیكەوە مایك لهۆرن، وتەبێژ بەناوی سەركردایەتی هێزەكانی ئەمریكا لە عیراق بە ڕۆژنامەی (نیویۆرك دەیلی نیوز)ی ڕاگەیاندووە، كە ئەو 100 مارێنزە لەسەر داوای وەزارەتی دەرەوەی ئەمریكا و بە ڕەزامەندی هێزەكانی ئاسایشی عیراق دابەزیونەتە ناو باڵیۆزخانەی ئەمریكا لە بەغدا و بڕیاریشە بە بەردەوامی دوو كۆپتەری هێرشبەری ئاپاچی چاودێری باڵیۆزخانەكە بكەن.

هەروەها وتەبێژێك بە ناوی وەزارەتی دەرەوەی ئەمریكا ئەوەشی ئاشكراكردووە، كە نەتوانراوە میلیشیاكان بگەنە ناو باڵیۆزخانەی ئەمریكا لە بەغداد و بەهیچ شێوەیەكیش بە نیاز نین باڵیۆزخانەكە چۆڵ بكەین.

وتیشی، “ئێمە بە ئاشكرا وتومانە ئەمریكا پارێزگاری لە هاووڵاتییەكی ئاسایی خۆی ئەكات، كە لە عیراق كاردەكات بۆ عیراقییەكان، كە دەیانەوێت عیراق بە سەروەریی و سەربەخۆیی بژی. چاودێری دۆخی عیراق دەكەین و داوا لە حكومەتی عیراق دەكەین پارێزگاری لەدامەزراوە دیپلۆماتییەكان بكات بەپێی ئەو پابەندبوونەی هەیەتی”.

نیوەڕۆی سێ شەممە 31ی كانوونی یەكەم، ژمارەیەك خۆپیشاندەر، كە لایەنگری میلیشیاكانی سەر بەئیران بوون هەڵیانكۆتایە سەر باڵیۆزخانەی ئەمریكا لە بەغدا و بووە هۆی ئەوەی ئەمریكا بڕیاری پڕ سەربازكردنی عیراق و دەورووبەری ئێران بدات.

هەڵكوتانە سەر باڵیۆزی ئەمریكا لەدوای ئەو هێرشەی ئەمریكا دێت، كە ئێوارەی 29 كانوونی یەكەم بە فڕۆكەی ئێف 15 كردییە سەر پێنج بنكەی حزبوڵڵا –ی سەر بەحەشدی شەعبی و لە ئەنجامدا 25 چەكدار كوژران، كە 4 یان سەركردەی حزبوڵڵا – ن و لەنێو كوژراوەكانی تریشدا 3 ئەفسەی ئێرانی هەن.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان