ئێمە لە تۆرە کۆمەڵایەتیەکان

جیهانی

کرۆس ئاشکرای دەکات بۆچی بۆندەکەی لەگەڵ گواردیۆلا و بایرن نوێ نەکردۆتەوە

خەڵک سپۆرت

تۆنی کرۆسی ئەڵمانی پەیوەندی لەگەڵ پیپ گواردیۆلای ڕاهێنەری یانەی مانجستەر سیتی بەردەوامە و لەو باوەڕەشدا نییە جارێکی تر لەگەڵ ڕاهێنەری ناوبراو لەهیچ یانەیەکی تر یەکبگرێتەوە.

ئەستێرە ئەڵمانییەکە لەهاوینی ٢٠١٤ بۆندەکەی لەگەڵ یانەی بایرن میونشن نوێ نەکردەوە و بە موچە و ئیمتیازاتی باشتر ڕوویکردە یانەی ڕیاڵ مەدرید لەئیسپانیا.

سەرچاوەکان لەو وەرزەدا ئاماژەیان کرد، کە ئیدارەی یانە باڤارییەکەی ئەڵمانیا لەسەر داواکاری گواردیۆلا هەوڵی بێوچانیانداوە بۆ نوێکردنەوەی بۆندی کرۆس، بەلام یاریزانی ناوبراو ئامادەنەبووە بۆندەکەی بەهیچ ئۆفەرێک نوێ بکاتەوە.

ئەستێرەکەی ئەڵمان لەم بارەیەوە بە ڕۆژنامەی مارکای ئیسپانی ڕاگەیاندووە، ” پەیوەندی نێوان من و گواردیۆلا زۆر زۆر بەهێزە و تائێستا پەیوەندیمان بەردەوامە تەنانەت دوای ئەوەی لەیەکتریش جیابووینەوە، هەرگیز ناتوانم لەبیری بکەم، وەک ڕاهێنەر و وەک کەس زۆری لێوە فێربووم”.

کرۆس زیاتر دەدەوێت و دەڵێت :”حەزم دەکردن کار لەگەڵ گواردیۆلا بکەم، دەمتوانی بۆندەکەشم نوێ بکەمەوە، بەڵام پێموابوو هیچ سودێکی نییە تەنها لەسەر خواستی ڕاهێنەرێک بۆندەکەم نوێبکەمەوە، ئەو بڕیارە دەبوو بڕیاری هەموو یانە و خودی خۆشم بێت نەک حەزی ڕاهێنەرێک کە دەمزانی خۆی بەردەوام نابێت”.

لەکۆتاییدا ئاماژە بە داهاتووی دەکات و جەخت لەوە دەکاتەوە، کە بەدرێسی ڕیاڵ مەدریدەوە کۆتایی بە ژیانی وەرزشیی دەهێنێت، بە مەحاڵ و دووری دەزانێت جارێکی تر لەگەڵ گواردیۆلا لەیانەیەکی تر کاربکاتەوە.

جیهانی

ریزبەندی گۆڵکارانی سەدەی 21 لە (2001 – 2020) ڕاگەیەنرا

 

خەڵک

فیدراسیۆنی نێودەوڵەتی ئامار و مێژووی تۆپی پێ (IFFHS ) رێزبەندی باشترین گۆڵکارانی لە سێ دەیەی کۆتایی سەدەی 21  لە نێوان ساڵانی( 2001 – 2020 ) دا بڵاو کردەوە .

بەپێی ڕیزبەندییەکە، کریستیانۆ ڕۆناڵدۆی پورتوگالی و هێرشبەری یانەی یۆڤانتۆس بە 756 گۆڵ لە پلەی یەکەمدایەو دوای ئەو، لیۆنێل میسی ئەرجەنتینی دێت کە 715 گۆڵی بۆ بەرشەلۆنە و هەڵبژاردەی وڵاتەکەی تۆمارکردووە.

زلاتان ئیبراهیمۆڤیچی سویدی و هێرشبەری یانەی ئەی سی میلان بە 543 گۆڵ لە پلەی سێیەمدایە، هاوکات گۆڵکاری یانەی ئاتلەتیکۆ مەدرید، لویس سوارێزی ئۆرۆگوای بە 489 گۆڵ چوارەمی ڕیزبەنییەکەیە، بەدوایدا ئەستێرەی بایرن میونشن ڕۆبێرت لیڤاندۆڤسکی  دێت بە پلەی پێنجەم کە 473 گۆڵی تۆمارکردووە.

هاوکات فیراس ئەلخەتیبی سووری لە ڕیزبەندی باشترین گۆڵکارانی سەدەی 21 دا پلەی نۆزدەیەمی جیهانی و یەکەمی نێو یاریزانانی وڵاتانی عەرەبی گرتووە بەتۆمارکردنی 344 گۆڵ، دوای ئەو ئەفسانەی تۆپی پێی کوێتی بەدر ئەلمتوع لە ڕیزبەندی دووەمی جیهانی عەرەبی و بیست و حەوتەمی جیهانیدا دێت، کە لەماوەی تەمەنی یاریکردنیدا 322 گۆڵی تۆمار کردووە.

ریزبەندی  10 گۆڵکاری سەدەی 21؛

1- کریستیانۆ رۆناڵدۆی پورتوگالی – 756 گۆڵ

2- لیۆنێل میسی ئەرجەنتینی – 715 گۆڵ

3- زلاتان ئیبراهیمۆڤیچی سویدی  – 543 گۆڵ

4- لویس سوارێزی ئۆرۆگوایی – 489 گۆڵ

5- ڕۆبێرت لیڤاندۆڤسکی پۆڵەندی – 473 گۆڵ

6- عەلی شەفەقی مالدیڤ – 465 گۆڵ

7- سیرجیۆ ئەگوێرۆی ئەرجەنتینی  – 421 گۆڵ

8-ساموێل ئیتۆی کامیرۆنی – 409 گۆڵ

9- ئیدینسۆن کاڤانی ئۆرۆگوای – 408 گۆڵ

10-ئەلێکساندار دورشی سەنگافوری – 408 گۆڵ

جێی باسە ئامارەکان تەنیا ئەو گۆڵانەی لەخۆ گرتووە کە لەنێوان ساڵەکانی 2001 بۆ 2020 تۆمار کراون.

سەرچاوە : فیدراسیۆنی نێودەوڵەتی ئامار و مێژووی تۆپی پێ

بەردەوام بە لە خوێندنەوە

جیهانی

میسی گۆڵەکانی لەگەڵ پێلێی ئەفسانەی بەرازیل، هاوتا کرد

 

خەڵک – وەرزش

بەتۆمارکردنی 643 گۆڵ، لەگەڵ یەک یانەدا، لیۆنێل میسی ئەرجەنتینی و هێرشبەری یانەی بەرشەلۆنەی ئیسپانی گۆڵەکانی هاوتای پێلێ ئەفسانەی بەرازیلی کرد، دوای ئەوەی تۆڕی گۆڵی یانەی ڤالانسیای هەژاند.

ساتی تۆمارکردنی گۆڵە مێژووییەکەی میسی بەرامبەر ڤالانسیا

 

دوای ئەوەی لێدانێکی سزای لەدەستدا، میسی تەمەن 33 ساڵ لەسەر حسابی ڤالانسیا، بە لیدانی سەر، تۆاری گۆڵەکانی لەگەڵ یەک یانە هاوتای گۆڵەکانی پێلێ کرد.

جێی باسە، پێلێی بەرازیلی 643 گۆڵی تۆمار کردووە لە ماوەی 19 وەرزدا لەگەڵ یانەی سانتۆسی بەرازیلی.

 

هاوتاکردنی ئەم تۆمارە لەکاتێکدایە، کە میسی خەڵاتی ساڵی 2020ی باشترینی ساڵی بەدەستنەهێناو ڕۆبێرت لیڤاندۆڤسکی پۆڵەندی و هێرشبەری یانەی بایرن میونخی ئەڵمانی بووە خاوەنی ئەو خەڵاتە.

 

 

 

بەردەوام بە لە خوێندنەوە

جیهانی

لیڤا، خەونی میسی و دۆنی ئاڵۆزکاند و بووە باشترین

خەڵک ـ وەرزش

لیڤاندۆڤێسکی بووە باشترین یاریزانی جیھان

ڕۆبێرت لیڤاندۆڤسکی، ئەستێرەی پۆڵەندی و یانەی بایرن میونشنی ئەڵمانی بووە باشترین یاریزانی جیهان بۆ ساڵی 2020 و خەڵاتی زەبێست-ی بردەوە و سەردەمی قۆرخکاری میسی و دۆنی تێپەڕاند.

بەردەوام بە لە خوێندنەوە

کوردستان