ئێمە لە تۆرە کۆمەڵایەتیەکان

کوردستان

بۆ گەشەكردن ماوەیەكی زیاتر دەداتە ڤایرۆسەكە
“بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت”

خەڵك- ئارام سەردار

پزیشكێكی دەرمانساز ڕایدەگەیەنێت، بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت.

دكتۆرە كەنار فازیل پزیشكی دەرمانساز بە (خەڵك)ی ڕاگەیاند، بۆ چارەسەری كۆڕونا دەتوانرێت زیاتر دەرمانی هایدرۆكسیكلۆرۆكوین بەكاربێت، بەڵام باسی ئەزۆمایسزین نەكراوە، هەرچەندە پێشتر باسكراوە، بەڵام سێ مانگی پێویستە تا لێكۆڵینەوەكان لەسەری دەگەنە ئەنجام، بەس دەتوانرێت بۆ كەمكردنەوەی نیشانەكان بەكاربێت.

دەشڵێت”ڕۆژی شەممە ڕوسیا ڕایگەیاند، ئەوان مێفلۆكوین بەكاردێنن كە ئەویش هەر بۆ مەلاریا بەكاردێت و لەدوای هایدرۆكسیكلۆرۆكوین دێت، بەڵام مێفلۆكوین كاریگەری لاوەكی زیاترە بەتایبەت لەسەر لایەنی دەروونی، بەس وادیارە ڕوسیا ئەوەی پێباشترە كەلەگەڵ ئەنتیبایۆتیك بەبێ ئەوەی جۆرەكەی دیاری بكات بەكاردێنێت، بەڵام جێگای خۆشحاڵیە وەزیری تەندروستی ڕایگەیاند، دەتوانن پێكوتەی سیل BCG بۆ ئەو منداڵە تازە لەدایكبووانە بەكاربێنن كەتائێستا وەریانەگرتووە، بەپێی لێكۆڵینەوەكانیش وەرگرتنی ئەو پێكوتەیە دیارە نیشانەكانی نەخۆشیەكە ئەگەر خوانەخواستە بیگرێت سوكتری دەكات”.

ئاماژەی بۆ ئەوەشكرد، بەهیچ شێوەیەك دەرزی تێكەڵە بۆ چارەسەری كۆڕۆنا بەكارنایەت، تەنانەت هیچ بنەمایەكی زانستی نیە دەرزی تێكەڵ بۆ هیچ جۆرە نەخۆشیەك بەكاربێت، چونكە نابێت چەند دەرمانێكی جیاواز تێكەڵ بكرێن، چونكە زۆرینەی ئەو گەنجانەی لەئەوروپا تووشی كۆڕۆنابوون بەبێ ئەوەی هیچ نەخۆشیەكی تریان هەبێت، بەڵام كەنەخۆش دەبن دەبێ لەنەخۆشخانە چارەسەر بكرێن، دەركەوتووە پێشتر زۆر دەرمانی ئازارشكێنیان بەكارهێناوە بەتایبەت ئەو ئازارشكێنانەی كەوا سیفەتی دژە هەوكردنیشیان تێدایە، بۆیە ئامۆژگاری گەنجەكانیان كردووە كەوا پاراستیمۆڵ بەكاربێنن.

ناوبراو ڕەتیشیكردەوە، هیچ دەرمانێك هەبێت بۆ چارەسەری ڤایرۆس، بەكارهێنانی دەرزی تێكەڵەش وادەكات هیچ دەرمانێك كاریگەری لەسەر نەخۆشیە بەكتریاییەكان نەبێت، بەتایبەت ئەنتیبایۆتیك كە بەهیچ شێوەیەك پەیوەندی بەچارەسەری هەڵامەت نیە، بۆ ئێستاش بەتایبەت وادەكات نیشانەكانی نەخۆشی ڤایرۆسی وون بكات و بۆ كاتێكی تر دوایبخات، بۆیە باش نیە بەكاربێت.

ئەو پزیشكە داواش دەكات، بۆ هەندێ پەتا دەرمانی بەهێز و دەرزی تێكەڵ بەكارنەهێنن، چونكە ئەوە ماوەیەكی زیاتر بەڤایرۆس دەدات كەلەداهاتوو زۆر قوڕستر تووشی نەخۆشیەكە ببیتەوە.

سەبارەت بە بەكارهێنانی ماسك وتی، ئەگەر نەبێت بەهەر ملپێچێك یان لەچكێك دەتوانرێت بەكاربهێنرێت وەك خۆپارێزی.

سەبارەت بەڤیتامینەكان، ئەوەی خستەڕوو، هەمووكات لەشمان پێویستی بە ڤیتامینەكان هەیە، بەڵام ساڵانە بەر لەوەرزی سەرما كۆمەڵێك ڤیتامین پێویستن بۆ ئەوەی بەرگری لەش بەهێزبكەین، تاكو لەحاڵەتی تووشبوون بەهەر ڤایرۆس و بەكتریایەك لەشمان بەرگری بكات، لەوانەش ڤیتامین (C-D-A-E) و فۆلیك ئەسید كە یەكێكە لەڤیتامینەكانی B و زینك، ئێستاش بەتایبەت ڤیتامین C دژی هەموو ڤایرۆسێكە و بەرگری لەش بەهێزدەكات و ڤیتامین D بەپێی تۆێژینەوەكان گرنگە بۆ لەش كە لەزۆربەی وڵات هاووڵاتیان كێشەی كەمی ئەو ڤیتامینەیان هەیە، بۆیە ڤیتامین دی ڕۆژانە نیوكاتژمێر دەتوانرێت لەبەرخۆر دانیشتن وەربگیردرێت یان لەقارچك و ماسی و شیر، ڤیتامین C و بەشێكی تر لەڤیتامینەكانیش لەزۆربەی سەوزەكاندا هەیە، سپێناغیش زۆر گرنگە و سوودی هەیە.

ئابوری

نوێنەرێك سێ‌ پێشنیار بۆ حكومەتی هەرێم دەكات

خەڵك – بەشی هەواڵ

ئەندامێكی ئەنجومەنی نوێنەرانى عيراق لە فڕاكسیۆنی یەكێتی دەڵێت:”مەلەفی نەوت زۆر هەڵدەگرێت و زۆریشی لەسەر نووسراوە، بەڵام دەرەنجام نەوت نەبووە بە مایەی خێر و خۆشی بۆ خەڵكی كوردستان”.

هەرێم كەمال ئاغا ئەندامی ئەنجومەنی نوێنەران لە فڕاكسیۆنی یەكێتی لە نووسینێكدا ئاماژەی بەوەداوە:”بەداخەوە ئەوەی لە چەند ڕۆژی ڕابردوو لە ڕاپۆرتی كۆمپانیای دیلۆیت بینیمان سەبارەت بە داهات و خەرجیيەكانی نەوت، مـرۆڤ تووشی شۆك دەبێت”.

ئەو نوێنەرە لە نووسینەكەشیدا سێ‌ پێشنیاری بۆ حكومەتی هەرێم كردووە بۆ زاڵبوون بەسەر قەیرانی دارایی و ڕێككەوتن لەگەڵ بەغدا و دابینكردنی مووچەی مووچەخۆران.

 

دەقی نووسینەكەی هەرێم كەمال ئاغا:

 

مەلەفی نــەوت زۆر هـــەڵدەگـرێت زۆریش لەسەری نوسراوە بەڵام دەرئــەنجــام نــەوت نەبوو بە ماییەی خێر و خۆشی بۆ خـــەڵكی كوردســتان .

لەســـەرەتادا كاتێـــك سەركردایـــەتی سیــاسی كوردستان لە حوزەیرانی ســـاڵی 2009 بـریاری رەوانەكردنی نەوتی دا بۆ دەرەوە ئـەمە هەنــگاوێكی گرنـگ بوو لەرووی ئابووریەوە بۆ هەرێمی كوردســتان ، چونكە نەوت بۆ ژێرخانی ئابووری هەر ولاتێك سێكتەرێكــی داهـــاتی بــەهێزە ، ئەو ولاتـانەی نەوت تیاندا بە درووستی بەكارهێنراوە هەمیــشە نەوت بۆیان بووە بە مایــیەی ئارامـــی و خۆشـــگوزەرانی و بـــەهێز بــوون و پاراســـتنی ئاســـایشی سیــادەی دەولەت .

یەكێتی نیشتیمانی كوردســـتان ســـەرباری كێــشمە كێشــمی زۆر و ئاڵنـــگاریـــەكان بـــەردەوام پشتــگیری بـــازاری ئـــازاد و هەناردەكـــردنی نـــەوت بـــووە ، بەشێـــوەیەكی شـــەفاف و تەندرووست ، چونكە یەكێـتی خۆیی بە خاوەنی بیرۆكەی دەرهێنانی نەوت دەزانێت لە پێناو دەستەبەركردنی ژێرخانی ئابـــوریەكی بەهێـز بۆ هەرێمـــی كوردســــتان.

بەڵام بەداخـــەوە ئەوەی لە چــەند رۆژی رابـردوو لە راپۆرتی كۆمــپانیایی دیــلۆیــت ـ مــان بــینی ســـەبارەت بە داهات و خەرجیـــەكانی نـــەوت ، مـرۆڤ توشی شۆك دەبـــێت، ئەگەر بێت و سەیری شــیكاری داهـــات و خـەرجیەكانی دەرهێنانی نەوت و جیـاوازی نێـــوان هـــەناردەكـــردن و بــەبازار كردنی نــەوت لەگـــەڵ عیراق بكەیـــن لەساڵـــی 2019 دەبینـــین:

[ كـــرێی بـــۆری نـــەوتی كـوردستــــان و تـــوركیــا ( 13%)

قـــەرزی تـــوركیاو كۆمپــــانیاكانی كـــریاری نـــەوت( 16%)

قــــەرزی كۆمپانیا ناوخۆییەكان كـــارەبا و پاڵاوگەكان(9% )

حەقدەستی كۆمپانــــیاكانی بەرهەمــهێنانی نـــەوت (30%)

خــــەرجـــی گــــۆریـــنــــەوەی دۆلار بــــۆ دیـــنــــار ( 2%)

پوختەی داهاتی ماوە بۆ مووچە وخەرجی حكومەت(30%)

كـــۆی گـــــشتـــی دەكـــات بــــە (100%) ]

ئەمـــە تـــەواو بـــە مـــانـایی بە هەدەردانی ئابووری هەرێمی كوردســـتانە ، بەتـــەواوی پێچەوانەی بەهێز بوونی ئابوریە ، دەتوانـــین بڵـــێن نـــەوت لە ئێســتادا بەم شێوەیە نە دەبێتە ماییەی خۆشگوزەرانی بۆ خـــەلكی كوردســـتان و نــە بۆ ژێر خـــانی ئابــــوریەكـــی بەهـــێز ، بەڵكـو سودی تەنها بۆ چەند كۆمپانیایەك و هەندێــــك وڵاتە ، دەرئـەنجام بـۆتە ماییەی سـزادانی خەلكی هەرێمی كوردستان بە هۆیی هەناردەكردنی نەوت وە رێك نەكـــەوتنی حكـومەتی هـەرێم لەگـەڵ بەغدا.

بۆیە پــێویستە لــە ئَێستـــادا ئەم خاڵانە تیشكی بخرێتە سەر

① ـ هەنـــاردەكــردنی نەوت بەم شێوەیە كۆمەڵێك رهەندی تری ترسنـــاك لەخۆیی دەگرت پێویســتە لە داهاتوودا لە گەڵ بەغـــدا لەســـەری رێكبـكەویــن .

②ـ كـــاركردن لــەســـەر پرۆژە یاسایی نەوت و گاز كە وەك نەخشە رێگایەكە بۆ چارەسەری بنەرەتی كێشەكان و دووبارە نەبوونەوەی كە بەردەوام بۆتە مایـــیەی ترس و دڵەراوكێ .

③ ـ پێـــویستە هەرێمــی كوردستان پابەندی رێكەوتنەكانی بێت لە گەڵ بەغدا هەروەكو لە رێكەوتنی ئۆكتۆبەری 2020 باسی لێوەكراوە ، ئەویش بە رادەست كردنی نەوت و نیوەیی داهاتە نا نــەوتیـــەكان ، بـــۆ وەرگرتنــی شایستــە دارایەكانی لە مانـــگی 1 ئەم ســـاڵ بۆ خۆشگوزەرانی هاولاتیان و دابین كـــردنی موچـــەی موچە خۆران .

لە كۆتاییـــدا دەتـــوانم بڵێـــم ، ئەگەر حكــــومــەتی هەرێمی كوردســـتان ســــیاســـەتێـــكی حەكیــمانەو ژیــرانە و تەواو زانستیـــیانە و شەفـــاف بگرێتـە بەر و نەوت رادەست بكات بەپێی رێـــكەوتــن و پشـــكی خـــۆیی بكـــات بــە داینەمۆی بــــوژانەوە‌ی هەرێمی كوردستان ئەوا ساڵێكی پر لە ئاسودەی و خۆشگوزەرانـــی بۆ هـــاولاتیان و موچـــە خۆران فـەراهەم دەكات ، لەهـــەمان كــاتدا حكومەتی فیدراڵ مولزەم دەكرێت بە دابـــین كـــردنی شایســـتە دارایەكـــانی حكومـەتی هەرێم و دانەوەی قەرزی جوتیاران و دابین كردنی موچـــەی مــوچە خـــۆران ، بـــە پـێچەوانەوە ئەگەر هەروەكو ئێستا بەردەوام بێت، ئـەوا بـەدڵنییایەوە ئەم نەوتە دەبێتە ماییەی زیاتر ئازار دان و سزادانــنێكی تــر بــۆ گـــەلەكـــەمان .

بەردەوام بە لە خوێندنەوە

کوردستان

گەرمیان.. هەوڵێكی سووتاندنی زیندانی گرتن و گواستنەوە شكستی پێهێنرا

خەڵك – بەشی هەواڵ

لەگرتن و گواستنەوەی گەرمیان ،ھەوڵی سوتاندنی زیندانەكەیاندا و پۆلیس كۆنتڕۆڵی زیندانەكەی كردووە.

ڕائید سلێمان عەزیز بەڕێوەبەری بەشی گرتن و گواستنەوەی گەرمیان بە كەناڵی فەڕمی یەكێتی ڕاگەیاند، گۆڕینی سیستمی پێدانی مۆبایل بەزیندانیەكانیانمان گۆڕیوە، بەشێك لە زیندانییەكان ئەمەیان پێ ناخۆش بووە، بەشێكی تری زیندانیەكان ئەمەیان بەھەل زانیوە، ھەوڵیانداوە چەند بەتانیەكی ناو ھۆڵی ژوورەكەیان بسوتێنن، ھەرزوو پۆلیسی زیندان چوونەتە ژورەوە و توانیویانە كۆنتڕۆڵی بارودۆخەكە بكەن.

ڕائید سلێمان عەزیز ئاماژەی بەوەشدا، بیانووی ئەو ھەوڵەی زیندانییەكان بۆ ئەوەبووە كە داوادەكەن دادگایی بكرێن، چونكە پێیان واییە ماوەیەكی زۆرە لەزیندانن و دادگاییكردن و یەكلایكردنەوەی كەیسەكانیان دواكەوتووە.

بەڕێوەبەری بەشی گرتن و گواستنەوەی گەرمیان ڕوونیشی كردەوە، تەنھا لەیەك ھۆڵی زیندانەكە ئەم ھەوڵە دراوە لەلایەن چەند ئاژاوەگێڕێكەوە، بەلام ڕێگەنەدراوە بەتانی و كەلوپەلەكان بسوتێنرێن و ئەو زیندانیانەش لەلایەن دادوەرەوە كەیسی تریان بۆ كراوەتەوە.

بەردەوام بە لە خوێندنەوە

کوردستان

ئەمریكا پێداویستی سەربازی ڕەوانەی ڕۆژئاوای كوردستان دەكات

خەڵك – بەشی هەواڵ

ڕوانگەی سوری بۆ مافەكانی مرۆڤ ڕایدەگەیەنێت: ئەمریكا پێداویستی سەربازی ڕەوانەی ڕۆژئاوای كوردستان دەكات.

ڕوانگەی سوری بۆ مافەكانی مرۆڤ لە ڕاپۆرتێكدا ڕایگەیاندووە، كاروانێكی نوێی هاوكاری لۆجستی و سەربازیی هێزەكانی سەر بە هاوپەیمانی نێودەوڵەتیی دژ بە داعش لە خاكی عیراقەوە بەرەو ڕۆژئاوای كوردستان بەڕێكەوتوون.

ڕوانگەكە باسی لەوەش كردووە، كاروانەكەی هاوپەیمانی نێودەوڵەتی لە 35 بارهەڵگری باركراو بە كەلوپەلی لۆجستی و سەربازیی و تانكەری سووتەمەنی پێكهاتوون و لە دەروازەی سنووری وەلیدی نێوان عیراق و سوریا و عیراق و ئوردنەوە بەرەو شاری قامیشلۆی ڕۆژئاوای كوردستان بەڕێكەوتوون، دواتر ڕوویان كردووەتە بنكە سەربازییەكانی هاوپەیمانی نێودەوڵەتیی لە حەسەكە و دێرەزوور.

جێی ئاماژەیە، ڕۆژی 10ی ئەم مانگەش كاروانێكی تری هێزەكانی سەربە هاوپەیمانی نێودەوڵەتیی كە لە 25 بارهەڵگر پێكهاتبوو و كەلوپەلی لۆجستی و چەكی قورسی وەك تۆپ و ئۆتۆمبێلی زرێپۆشیان پێبووە لە هەرێمی كوردستانەوە ڕوویان كردبووە بنكە سەربازییەكانی هاوپەیمانان لە شاری حەسەكەی ڕۆژئاوای كوردستان كرد، دواتر بەرەو كێڵگەی نەوتیی (عومەر و كۆنیكۆ) لە دێرەزوور بەڕێكەوتبوون.

بەردەوام بە لە خوێندنەوە

کوردستان