ئێمە لە تۆرە کۆمەڵایەتیەکان

خۆشەویستی

ژنێكی ئه‌مریكی، به‌خێو كردنی منداڵێكی چین-ی ده‌گرێته‌ئه‌ستۆ

خێزان ـ لوقمان غه‌فوور

ژنێكی ئه‌مریكی كه‌ خۆی خاوه‌نی سێ منداڵه‌، ده‌یه‌وێت مندالێكی چینی به‌خێو بكات كه‌ دایك و باوكی پێكه‌وه‌ به‌ كۆرۆنا ڤایرۆس مردوون و ئێستا لای یه‌كێك له‌ خوشكی ژنه‌كه‌یه‌ له‌شاری جه‌نچاون له‌ كه‌رتی گانسو.

ئه‌و منداڵه‌ به‌هۆی خراپی باری دارایی خوشكی ژنه‌كه‌وه‌ له‌ رێگه‌ی به‌رنامه‌یه‌كی ته‌له‌فزیۆنیی چین-ه‌وه‌ داوای كرد هاوكاری به‌خێوكردنی بكه‌ن، بۆیه‌ ئه‌م خێزانه‌ ئه‌مریكییه‌ كه‌ نیشته‌جێی شاری فارگۆ ویلایه‌تی نۆرس داكۆتا-یه‌ داوای منداڵه‌كه‌یان كردووه‌ و بڕیار بوو هه‌فته‌ی ئاینده‌ بگاته‌ ده‌ستیان به‌ڵام به‌هۆی گرفتی هاتووچۆوه‌ و داخرانی رێگه‌وه‌ ناردنی منداڵه‌كه‌ دواده‌كه‌وێت.

به‌خێوكردنی یان ته‌به‌نیكردنی منداڵی بێلانه‌ یه‌كێكه‌ له‌و به‌رنامانه‌ی كه‌ له‌ ئه‌مریكا په‌یڕِه‌و ده‌كرێت و ساڵانه‌ به‌ سه‌دان منداڵی بێلانه‌ له‌لایه‌ن خێزانه‌ ده‌وڵه‌مه‌ند و به‌تواناكانه‌وه‌ له‌ ئه‌فریكا و ئاسیاوه‌ ده‌هێنرێته‌ ئه‌مریكا.

جۆیسلین ج راسل له‌لێدوانێكیدا بۆ كه‌ناڵی لۆكاڵی ڤالی نیوز رایگه‌یاند پێشتر هێنانی منداڵ له‌ وڵاتانی ئه‌فریكا و ئاسیا-ه‌وه‌ كارێكی ئاسان بوو، به‌ڵام ئێستا به‌هۆی بڵاوبوونه‌وه‌ی كۆرۆنا ڤایرۆس كێشه‌ دروستبووه‌ له‌ هێنانی ئه‌و منداڵه‌ بێسه‌رپه‌رشتانه‌. وتیشی: “ئێمه‌ وێنه‌ی خێزانی خۆمان له‌ رێگه‌ی كۆنسڵی ئه‌مریكییه‌وه‌ له‌ گانسۆ بۆ خێزانه‌كه‌ ناردوو هه‌موو به‌ڵننامه‌یه‌كیشمان له‌ 5 ی فێبریوه‌ری پڕكردۆته‌وه‌، بڕیاریش بوو منداڵه‌كه‌مان به‌ده‌ست بگات به‌ڵام بڵاوبوونه‌وه‌ی كۆرۆنا ڤایرۆس به‌شێوه‌یه‌كی به‌ربڵاو له‌ جیهان و به‌تایبه‌تی ئه‌مریكا كاره‌كه‌ی لێ تێكداین”.

راسڵ ده‌ڵێت: “ده‌مێكه‌ چاوه‌ڕێی به‌خێوكردنی منداڵێكی بێ سه‌رپه‌رشتم، هیوادارم له‌ هه‌فته‌كانی داهاتوو به‌دیداری ئه‌و منداڵه‌ شاد بین، خۆ ئه‌گه‌ر به‌ده‌ستمان نه‌گات واته‌ كارێكی زۆر بێ مانایه‌ چونكه‌ ئه‌و منداڵه‌ ژیانی باش نییه‌”.

ئه‌وه‌ش ناشارێته‌وه‌ كه‌ به‌رپرسه‌ ئیدارییه‌كانی ویلایه‌ته‌كه‌ ئه‌وه‌مان ده‌خه‌نه‌ به‌ر گوێ كه‌ كارێكی ئه‌سته‌نگه‌ هێنانی ئه‌م منداڵه‌ له‌م كاته‌دا كه‌نه‌خۆشییه‌ك بڵاوبۆته‌وه‌. وتیشی: “له‌كاتێكدا ئێمه‌ هه‌موو مه‌سره‌فێكی هێنانی ئه‌و منداڵه‌ كوڕه‌مان له‌ ئه‌ستۆ گرتووه‌ و كۆتایی هاتووه‌”.

هه‌روه‌ها جه‌خت له‌وه‌شده‌كاته‌وه‌ بڕیاره‌ بگه‌یه‌نرێت به‌ (سه‌نته‌ری باوانی ئه‌لته‌رناتیڤ) كه‌ هه‌ر له‌رێگه‌ی ئه‌وانیشه‌وه‌ داواكراوه‌. وتیشی:”ده‌چین بۆ كالیفۆرنیا و له‌وێوه‌ ده‌یهێنین بۆ شاری فارگۆ”.
سه‌نته‌ری باوانی ئه‌لته‌رناتیڤ، سه‌نته‌رێكه‌ كاری دۆزینه‌وه‌ی باوانه‌ له‌ئه‌مریكا بۆ منداڵه‌ بێسه‌رپه‌رشته‌كانی ئاسیا و ئه‌فریكا.

له‌میانی پرسیارێكدا ئایا ترسیان له‌ ته‌ندروستی منداڵه‌كه‌ نییه‌، راسل وتی: “نه‌خێر له‌به‌رئه‌وه‌ی به‌ر له‌وه‌ی بگه‌یه‌نرێته‌ ئه‌مریكا هه‌موو پشكنینێكی پزیشكی بۆ منداڵه‌كه‌ ده‌كرێت”.

خۆشەویستی

چەند بیرکردنەوەیەکی هەڵەی جێندەریی، کە باشترە ئیتر وازی لێبهێنیت!

خێزان

ئەمەی خوارەوە چەند بیرکردنەوەیەکی هەڵەی جێندەرییە، کە باشترە ئیتر وازی لێبهێنیت، چونکە بۆچونێکی هەڵەیە لەسەر ڕۆڵی ژن و پیاو و جیاوازیەکانیان:

 

– هەر پیاو دەبێت پارە بدات! 

کاتێک ژنان دەیانەوێت ڕۆڵیان هەبێت و زیاتر بتوانن قسەڕۆشتوو بن، پێویستە بەرپرسیارێتی زیاتریش لەئەستۆ بگرن.

 

– پیاو ناتوانێت چاوی خۆی بگرێت! 

زۆرجار پیاوان لەگەڵ هاوسەرەکانیاندان و هەر تەماشای کچ و ژنی دیکە دەکەن و دەڵین چاو ناگیرێت، ئەمە بۆچونیکی هەڵەیە و ژنان پێویستە ڕێگەی پێنەدەن!

 

– ژن و بەڕێوەبردنیان نەوتووە! 

ئەمەش یەکێکە لە خراپترین و هەڵەترین بۆچونەکان، چونکە توانای بەڕێوەبردن بە خوێندن و ئەزموون و لێهاتوویە نەک ڕەگەز!

 

– پیاو نابیت بگری! 

بەپێی توێژینەوەکان پیاویش بەهەمان ڕێژەی ژنان خەفەت و بێزاری و توڕییان هەیە، بەڵام ئەوان زیاتر هەستەکانیان دەشارنەوە، لەکاتێکدا گریانی ئەوانیش شتێکی زۆر ئاساییە!

 

بەردەوام بە لە خوێندنەوە

خۆشەویستی

چەند هۆکارێکی سەیر کە ئەگەری تەڵاق زیاتر دەکات و تۆ هەر حسابیشت بۆ نەکردووە

خێزان

ئەمەی خوارەوە چەند هۆکارێکی سەیرە کە توێژینەوەکان سەلماندویانە ئەگەری تەڵاق لەنێوان هاوسەرەکان زیاتر دەکات و تۆ هەر حسابیشت بۆ نەکردووە:

 

زەردەخەنە لە وێنەی منداڵیدا

بەپێی توێژینەوەیەک ڕێژەی تەڵاق لەو کەسانەدا کەمترە کە لە منداڵیدا لە وێنەکانیاندا پێکەنیوون و دڵیان خۆشە

 

کارکردن لە نێو ژناندا

توێژینەوەیەک ئەوەی سەلماندووە کە ئەو پیاوانەی لە نێو ژناندا کاردەکان (بەپێچەوانەشەوە)، ئەوا بەڕێژەی ١٥٪ ئەگەری تەڵاق و جیابوونەوە تێیاندا زیاترە.

 

دایک ببینە و کچ بخوازە

توێژینەوەکان ئەوەیان سەلماندووە کە ئەو دایکانەی لە ژیانی هاوسەرگیری شکستیان خواردووە، ئەگەر زۆرە کچەکانیشیان هەمان شێوە بن

 

خەوتن کەمێک بە جیا

توێژینەوەیەکی دیکە سەلماندویەتی کە ئەو هاوسەرانەی لەسەر یەک سیسەم کەمێک دوور لەیەک دەخەون کەمتر جیادەبنەوە، چونکە خەوتنیان ئاسوودەترە

 

 

عاشقە و ماشقەی تازە

بەپێی دەرئەنجامی توێژینەوەی زانستی ئەو ژن و مێردە تازانەی لەسەرەتای هاوسەرگیریان زیاد لە پێویست خۆشەویستی و ڕۆمانسیەت بۆیەک دەردەبڕن، ناتوانن تا سەر لەو کارە بەردەوام بن و ساردبوونەوەشیان لەوە دەبێتە هۆی جیابوونەوەیان.

 

بەردەوام بە لە خوێندنەوە

خۆشەویستی

٥ تاکتیک کە بەکاردەهێنرێت بۆ کۆنتڕۆڵکردنت لە پەیوەندیدا

خێزان

ئەمەی خوارەوە کۆمەڵێک نیشانەی ئەو کەسانەن کە دەیانەوێت لە پەیوەندی خۆشەیوستیدا هەموو شتێک لە ژێر کۆنتڕۆڵ و دەسەلاتی خۆیاندا بێت جا هەندێکجار پیاوان وا دەکەن و هەندێکجاریش ژنەکان:

 

– بەناوی گرنگیپێدانەوە چاودیری وردت دەکەن و دەیانەوێت بزان چرکە بە چرکە لەکوێیت و چی دەکەیت.

– کارە خراپەکانی خۆیان بە ناوی خۆشەویستیەوە دادەپۆشن.

– هەوڵدەدات ستایل و جۆری جلوبەرگ و شتەکانت بەو جۆرە لیبکەن کە خۆیان دەیانەوێت.

– هەوڵدەدات بە خێزانەوە بتبەستێتەوە و نەهێڵێت لە بوار پیشەییەکانی خۆتدا پێش بکەویت، بۆنمونە منداڵێکی نوێ دەخاتەوە تا زیاتر سەرقاڵ ببیت و لەکارەکەت پێش ئەو نەکەویت

 

– کۆنتڕۆڵی ئەکاونت و سۆشیال میدیاکانت دەکات و ناچاریشت دەکات زوو زوو وێنەی خۆتان دابەزێنیت، بۆ ئەوەی هەموان بیبینن کە چەند ئەوت خۆش دەوێت.

بەردەوام بە لە خوێندنەوە

کوردستان