ئێمە لە تۆرە کۆمەڵایەتیەکان

عێراق

هۆكارەكەی ئاشكرادەكات
نەسر: كورد و سوننە دەیانەوێت عەبدولمەهدی لە پۆستەكەیدا بمێنێتەوە

خەڵك- بەشی هەواڵ
سەركردەیەك لە هاوپەیمانی نەسر ڕايدەگەیەنێت، فراكسیۆنە شیعەكان لەگەڵ تێپەڕاندنی حكومەتەكەی مستەفا كازمی سەرۆك وەزیرانی ڕاسپێردراودان كاتێك بۆ دەنگدان دەخرێتە بەردەم پەرلەمان، ئاماژە بە دوو لایەنیش دەكات كە “لەگەڵ مانەوەی عادل عەدبدومەهدی سەرۆك وەزیرانی دەستلەكاركێشاوەن لە پۆستەكەیدا”.

عەقیل ڕدێنی، سەركردە لە هاوپەیمانی نەسر لە لێدوانێكی ڕۆژنامەواننیدا ڕایگەیاند:” فراكسیۆنە شیعەكان لەگەڵ تێپەڕاندنی حكومەتەكەی كازمیدان، چونكە وڵات بە قۆناغێكی مەترسیداردا تێدەپەڕێت و پێویستی بە سەركردایەتییەكە كە بتوانێت بڕیارە سیاسی و ئەمنی و تەندروستییەكان دەربكات، بۆیە شیاو نییە حكومەتی ڕاسپێردراوی ئێستا لەم ڕەوشەكەدا دووچاری شكستخواردن بكرێت”.

بە وتەی ڕدێنی”زۆرێك لە سیاسییەكانی سوننە و بە تایبەتیش باڵی محەمەد حەلبوسی، و كورد لەگەڵ مانەوەی حكومەتەكەی عادل عەبدولمەهدی سەرۆك وەزیرانی دەستلەكاركێشانەوەن، چونكە لە سەردەمی ئەودا دەستكەوتی زۆرییان بۆخۆیان فەراهەم كردووە”.

دوێنێ‌ دوو شەممە، مستەفا كازمی سەرۆك وەزیرانی ڕاسپێردراو ڕایگەیاندبوو”هەوڵ دەدات حكومەتێك پێكبهێنێت كە لەئاستی تەنگژەكان و چارەسەركردنیاندا بێت”.

بە بۆچوونی كازمی”ئەم بەرپرساریارێتییەی شانی داوەتەبەر لەم ڕەوشە قورسەدا كە هاوشانە لەگەڵ ڕووبەڕووبوونەوە ئابوری و تەندروستی و ئەمنییەكان، بەرپرسیارێتییەكی نیشتمانییە”.

 

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان