ئێمە لە تۆرە کۆمەڵایەتیەکان

جیهان

دەرمانێكی نوێ ڕێگری لە گەشەی خانە شێرپەنجەییەكان دەكات 

خەڵك- بەشی هەواڵ
پزیشكێكی پسپۆڕی دەرمانساز ئاشكرای دەكات، كە دەرمانێكی نوێ‌ دۆزراوەتەوە، كە ڕێگری دەكات لە چوونە ژوورەوەی ترشە ئەمینییەكان بۆ ناو خانەی شێرپەنجە و بەهۆیەوە دەبێتە ڕێگر لە گەشەی خانە شێرپەنجەییەكان.

د. عیسا ئال عیسا، پزیشكی دەرمانساز لە دامەزراوەی كۆنتڕۆڵی جۆریی دەرمان لە هەژماری خۆی لە فەیسبووك ئاماژەی بەوەكردووە، توێژەران لە زانكۆی ئیستێرن فنلەندا پێكهاتەیەكی دەرمانیان داهێناوە بۆ چارەسەركردنی نەخۆشیی شێرپەنجە، ماددەكە ڕێگری دەكات لە چوونە ژوورەوەی ترشە ئەمینییەكان بۆ ناو خانەی شێرپەنجە.

ترشە ئەمینییەكان سەرچاوەیەكی باشی خۆراكین بۆ خانە شێرپەنجەییەكان و بەهۆیەوە زیاددەبن و گەشەدەكەن. لەسەر ڕووی خانەی شێرپەنجەییەكان، ڕێڕەوێك بەناوی “LAT1 – l-type amino acid transporter 1″، كە بەرپرسە لە چوونەژوورەوەی ترشە ئەمینییەكان، زۆردەبێت، توێژەران دەریانخستووە، كە ڕاگرتنی ئەو رێڕەوە دەبێتەهۆی بڕینی سەرچاوەی خۆراكیی خانە شێرپەنجەییەكان.

دەرمانی ڕاگرتنی چوونەژوورەوەی ترشە ئەمینییەكان بۆ ناو خانە شێرپەنجەیەكان “LAT1 inhibitor” لە تاقیگەدا جێگیركراوە، كە دەبێتە هۆكارێكی باش بۆ لاوازكردنی گەشەی خانە شێرپەنجەییەكان، تو‌ێژینەوەكەش لە جۆرناڵی “ئەپۆپتۆسس” بڵاوكراوەتەوە.

لەسەرانسەری دنیادا، گەلێك گرووپی توێژەران، لێكۆڵینەوە لەسەر ئەو رێڕەوە و ئەو پێكهاتانە دەكەن، كە دەبنەهۆی ڕاگرتنی ئەو ڕێڕەوە، ئەنجامەكانیش كاریگەرییەكی باش لە چارەسەركردنی شێرپەنجەدا نیشان دەدەن. لە یابان دەرمانەكە بەناوی JPH203 پەرەیپێدراوە و بەرەو تاقیكردنەوە كلینیكییەكان بردراوە.

گرووپی توێژەرانی یاریدەدەری پڕۆفیسۆر هۆتنێن لە زانكۆی ئیستێرن فنلەندا ، دەرمانێكی نوێیان لەهەمان گرووپ ” LAT1inhibitor” پەرەپێداوە، كە لە ساڵی ٢٠١٦ دا پێشكەشكرا و لە گۆڤاری زانستیی “مێدیكاڵ كیمستری” بڵاوكرایەوە.

لە تاقیكردنەوە و توێژینەوە نوێیەكەدا لە تاقیگە، بڵاوكراوەتەوە كە؛ دەرمانەكە سەلامەتە و گونجاوە لەگەڵ خوێن و ڕۆیشتن بەناو سووڕی خوێندا. سەڕەرای سەلامەتی دەرمانەكە، كاریگەرییەكی باشی هەیە لە لەناوبردنی خانە شێرپەنجەیەكان بەتایبەت ئەگەر لەگەڵ دەرمانی بێستاتین یەكبگرێت.

لەو بارەیەوە پڕۆفیسۆری یاریدەدەر هۆتنێن، دەڵێت: “هەست دەكەین كە بەكارهێنانی ئەو دەرمانە “LAT1 inhibitor” بەتەنها نەتوانێت كاریگەرییەكی تەواشرپە وی هەبێت لە چارەسەركردنی نەخۆشییە شێرپەنجەییەكان، چونكە ڕەنگە خانە شێرپەنجەییەكان بە میكانیزم و ڕێگەی دیكە ترشە ئەمینییەكان وەربگرن یان لەوانەیە خانەكە بەرگری بۆ دەرمانەكە پەیدابكات، ئەگەر ئەو دەرمانە لەگەڵ چەند دەرمانی دیكەی نەخۆشیی شێرپەنجە پێكەوەبەكاربهێنرێت، ئەنجامی باشیان دەبێت”.

پڕۆفیسۆری یاریدەدەر هۆتنێن، بەردەوامدەبێت و دەڵێت: ” دەرمانەكەی ئێمە جیاوازە لە JPH203، چونكە پێكهاتەیەكی هەمیشەیی و جێگیری هەیە و نابێتەهۆی كاردانەوەی زیندەكرداری كە لە JPH203 بەدیدەكرا، كە ئەمەش توانی كاریگەریی دەرمانەكە لەسەر خانە شێرپەنجەییەكان لاوازبكات. دەرمانەكەی ئێمە زۆر هەڵبژاردە و تایبەتمەندە بۆ پێوەنووسان بە LAT1 نەك هیچ رێڕەوێكی دیكەی پڕۆتینەكان، كە لە JPH203دا بەدیدەكرێت”

دەرمانەكە ” LAT1 inhibitor” كاریگەریی لەسەر پێكهاتەی ترشە ئەمینییەكانی مێشك نییە، بەوپێیەی رێڕەوەكە LAT1 لە خانەكانی مێشك و دەمارەكان و بۆڕییەكانی خوێن لە مێشك هەیە.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان