ئێمە لە تۆرە کۆمەڵایەتیەکان

ژینگە

بە وێنە ڕێگای نێوان (سیدەکان – سۆران ) كراوەتە زبڵدان

خەڵك – نزارمستەفا
ماوەیەکی زۆرە هاوڵاتییان زبڵ و پاشماوەكانیان فڕێ دەدەنە قەراغ ڕێگای گشتی سەری بەردی نێوان سۆران –سیدەکان، ئەمەش وێڕای ئەوەی دیمەنێكی ناشرینی لە ناوچەكەدا دروستكردووە، بووەتە هۆی نیگەرانی ژینگەپارێزانیش.

سیروان سابیر برادۆستی یەکێک لە چالاكوانی بواری ژینگەپارێزی سنووری شارەدێی سیدەكان لە دەڤەری برادۆست بە تۆڕی میدیایی (خەڵک)ی ڕاگەیاند “بەرزایی پێچەكانی سەری بەردی رێگای سەرەكی (سیدەکان-سۆران) شوێنێكی خۆش و بەرزاییەكی جوان سەرەنجڕاكێشە، بەڵام بەداخەوە كەسانێك هەن بەبێ‌ هەستكردن بە بەرپرسایەتی زبڵ و پاشماوەكانی ماڵەكانیان لەم شوێنە فڕێ دەدەن و ئەمەشسیمایەكی ناشرینی بەو شوێنە بەخشیوە.

گوتیشی: چەندین جار لە ڕێی هۆشیاری و پێدانی ڕێنمایی ژینگەییەوە هاووڵاتییان و گەشتیارانی ناوچەکەمان ئاگاداركردووەتەوە، بەڵام بەداخەوە زۆرێك ژینگەی ناوچەكە ناپارێزن.

ئەو ژینگەپارێزە داواكارە لە هاووڵاتیان وەك ئەرك وهەستکردن بە بەرپرسیارێتی ئەوشوێنە خاوێن ڕابگرن و وتیشی، شوێنەکە هی ئەوە نیە زبڵ و پاشماوەکانی لێ فڕێ بدرێت، بۆنێكی ناخۆشیشی لە ناوچەكەدا دروست كردووە.

ریکلام

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان