ئێمە لە تۆرە کۆمەڵایەتیەکان

عێراق

فەرمانبەرانی هەرێمیش لە چاوەڕوانیدان
حكومەتی عیراق مووچەی مانگی شەش دابەش دەكات

 

خەڵك- ئیدریس جەبار

وەزارەتی دارایی حكومەتی فیدراڵ دەست دەكات بە دابەشكردنی مووچەی مانگی حوزەیرانی ئەمساڵ و پەرلەمانتارێكیش دەڵێت، بۆ ڕەوانەكردنی مووچەی فەرمانبەرانی هەرێم، بەغدا چاوەڕوانی ڕێكەوتنە لەگەڵ هەولێر.

جەمال كۆچەر، ئەندامی لیژنەی دارایی لە پەرلەمانی عیراق، لە لێدوانێكیدا بۆ (خەڵك) ڕایگەیاند:”حكومەتی فیدراڵ لە سبەینێ‌ پێنج شەممەوە تا 25ی ئەم مانگە، ئامادەكاریی دەكات و لە دوای ئەو ڕێكەوتەشەوە دەست دەكات بە داشكردنی مووچەی مانگی شەشی ئەمساڵ، بەڵام سەبارەت بە ڕەوانەكردنی مووچەی فەرمانبەرانی هەرێمی كوردستان، دەبێت ڕێكەوتن بكرێت، چونكە سەرۆك وەزیران بە ڕاشكاوانە ڕایگەیاند كە ڕەوانەكردنی 400 ملیار دینارەكە دوایین پارەیە بۆ هەرێم ڕەوانە دەكرێت، تا بگەنە ڕێكەوتن”.

بە وتەی جەمال كۆچەر:”عیراق دەتوانێت مووچە بۆ فەرمانبەرانی خۆی دابین بكات، چونكە یەدەگی بانكی هەیە، نرخی نەوتیش لەبەرزبوونەوەدایە، دەست بە هەندێك چاكسازی كراوە، لەگەڵ هەموو ئەوانەشدا وەك دەوڵەت دەتوانێت قەرز بكات، بۆیە حكومەتی عیراقی گەر تەنیا كێشەی مووچە بێت، دەتوانێت مووچە دابین بكات”.

سەبارەت بە دابینكردنی مووچەی فەرمانبەرانی هەرێمیش، ئەو ئەندامەی لیژنەی دارایی عیراق وتی:”لەئێستادا ئاریشەیەك پەیدا بووە بۆ حكومەتی عیراق كە بە زۆری دەتوانێت مووچە بۆ خۆی دابین بكات، ئیتر بڕیاریانداوە تا نەگەنە ڕێكەوتن و هەرێمی پشكی دیاریكراوی خۆی ڕادەست نەكات، هیچ بڕە پارەیەكی تر نانێرن”.

بەبۆچوونی جەمال كۆچەر:”ئەوان نازانن هەڵوێستی ئێستای حكومەتی عیراق نەگۆڕە یان گۆڕانكاریی بەسەردا دێت، گوشارێكی دەرەكی لەسەر سەرۆك وەزیران دروستدەكرێت، تا لەم هەڵوێستەی پاشگەزببێتەوە؟”.

حكومەتی عیراق، مانگی ڕابردوو 400 ملیار دیناری بۆ مووچەی فەرمانبەرانی هەرێمی كوردستان ڕەوانەكرد، بەڵام حكومەتی هەرێم بە بیانووی ئەوەی لە مانگی نیساندا پارەیەكی زۆری بۆ دابینكردنی مووچە قەرز كردووە، دابەشكردنی مووچەی ڕاگرت، تائێستاش هیچ زانیارییەك لەئارادا نییە كە ئایا هەرێم مووچە دابەش دەكات، یان چاوەڕوانی ڕێكەوتنە لەگەڵ بەغدا تا لەوێوە جارێكی تر مووچە بۆ فەرمانبەران فەراهەم بكات.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان