ئێمە لە تۆرە کۆمەڵایەتیەکان

ژینگە

بەڤیدیۆ؛ لە شارەزوور ئاگرێك كەوتەوە و 120 درەختی بە تەمەن سووتان

خەڵك – یەحیا حبیب
جێگری لێپرسراوی بنكەی بەرگری شارستانی وارماوا ڕایگەیاند، “بەهۆی كەوتنەوەی ئاگرێك لە دارستانی دەستكردی زەڕایەن 120 درەختی بەتەمەنی ناو دارستانەكە سووتان.

محەمەد قادر، جێگری لێپرسراوی بنكەی بەرگری شارستانی وارماوا لە لێدوانێكیدا بە (خەڵك)ی ڕاگەیاند، دوای ئەوەی كاتژمێر 6:08 خولەكی ئێوارەی ئەمڕۆ ئاگاداریان كردین لە بوونی ئاگرێك لە دارستانی زەڕایەن، دەستبەجێ بەهۆی نزیكیمان لە دارستانەكەوە لە ماوەی 2 خولەك گەشتینە سەر ڕووداوی ئاگركەوتنەكەوە و لە ماوەی كەمتر لە كاتژمێرێك توانیمان بە هەوڵی كارمەندامان كۆنتڕۆڵی ئاگرەكە بكەین.

ئاشكراشیكرد، بەداخەوە بەهۆی ئاگرەكەوە نزیكی 2 دۆنم زەوی لە نێویدا 120 درەختی تەمەن 25 ساڵ لەگەڵ پوش و پاوانەكەیدا سووتان و دەشڵێت: “خۆشبەختانە زیانی گیانی نەبوو، بەڵام زیانی بە ڕێژەی سەوزایی و درەختی دارستانەكە گەیاندووە”.

ڕاشیگەیاند، تا ئێستا هۆكاری ڕووداوی ئاگركەوتنەوەكە دیار نییە، كە بەهۆی چییەوە بووە.

دارستانی زەڕایەن، دەكەوێتە نزیك ناوەندی شارەدێی وارماوای سەر بە شارۆچكەی شارەزوور، ساڵانە لە وەرزی بەهاردا سەرنجی هاووڵاتیانی شارەزوور و دەرەوە بەلای خۆیدا ڕادەكێشێت.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان