ئێمە لە تۆرە کۆمەڵایەتیەکان

ناوخۆیی

(راهێنه‌رێکی مێژوویی) ئیریکسۆنی ئه‌زموندار به‌ (به‌ڵێ) وه‌ڵامی یه‌کێتی تۆپی پێی عیراقی داوه‌ته‌وه‌

خه‌ڵک سپۆرت

سڤین گۆران ئیریکسۆنی ڕاهێنه‌ری سویدی ناودار له‌وه‌رگرتنی پۆستی راهێنه‌رایه‌تی هه‌ڵبژارده‌ی عیراق نزیکبۆته‌وه‌.

تۆڕی “سکای سپۆرت”ی به‌ریتانی له‌زاری سه‌رچاوه‌کانیه‌وه‌ ئاشکرای کردووه‌، له‌ئێستادا گفتوگۆیه‌کی چڕوپڕ له‌نێوان یه‌کێتی تۆپی پێی عیراق و سڤین گۆران ئیریکسۆنی ڕاهێنه‌ری پێشوی ئینگلته‌را ده‌گوزه‌رێت، نوێنه‌رانی یه‌کێتیه‌که‌ داوایان له‌م راهێنه‌ره‌ کردووه‌ پۆستی ڕاهێنه‌رایه‌تی هه‌ڵبژارده‌ی عیراق وه‌ربگرێت، له‌به‌رامبه‌ردا (به‌ڵێ)یه‌کی سه‌ره‌تاییان به‌ده‌ستهێناوه‌ و چاوه‌ڕوانی ئه‌نجامی کۆبونه‌وه‌ی کۆتایی ده‌که‌ن.

سه‌رچاوه‌که‌ نوسیویه‌تی: سه‌ره‌تا کۆبونه‌وه‌یه‌کی بچوک و خێرا له‌نێوان نوێنه‌رانی یه‌کێتی تۆپی پێی عیراق و ئیریکسۆن ئه‌نجامدراوه‌، به‌شێوه‌یه‌کی سه‌ره‌تایی ڕێکه‌وتن له‌نێوان جه‌مسه‌ره‌کاندا کراوه‌ و بڕیاره‌ له‌ماوه‌ی داهاتودا کۆبونه‌وه‌ی گه‌وره‌تر ئه‌نجام بدرێت، ئه‌گه‌ر ڕاهێنه‌ره‌که‌ش پۆسته‌که‌ وه‌ربگرێت ئه‌وا ئه‌رکه‌کانی له‌ ئاسیای ٢٠١٩وه‌ ده‌ست پێده‌کات.

ئیریکسۆن یه‌کێکه‌ له‌ڕاهێنه‌ره‌ ئه‌زموندار و ناوداره‌کان له‌جیهاندا، پێشتر له‌مۆندیاله‌کانی ٢٠٠٢ و ٢٠٠٦ سه‌رپه‌رشتی هه‌ڵبژارده‌ی ئینگلته‌رای کردووه‌، هه‌روه‌ها ڕاهێنه‌ری یانه‌کانی لیسته‌ر سیتی و مانچسته‌ر سیتی، لازیۆ، سامپدۆریا، ڕۆما، فیورنتینا، به‌نفیکا بووه‌، له‌ کیشوه‌ری ئه‌فریقا و ئه‌مریکای لاتینیشه‌وه‌ پۆستی ڕاهێنه‌ری هه‌ڵبژارده‌کانی کۆتدیڤوار و مه‌کسیکی به‌ده‌ستهێناوه‌، له‌ساڵی ٢٠١٣وه‌ راهێنه‌ری یانه‌ی گوانژو و شه‌نگهای و شینزینی چینی بووه‌.

ڕاهێنه‌ره‌ (٧٠) ساڵه‌که‌ له‌ساڵی ٢٠١٧وه‌ له‌بواره‌که‌ دوورکه‌وتۆته‌وه‌ و پۆستی ڕاهێنه‌رایه‌تی هیچ هه‌ڵبژارده‌ و یانه‌یه‌کی وه‌رنه‌گرتووه‌.

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان