ئێمە لە تۆرە کۆمەڵایەتیەکان

عێراق

نەتەوەیە كگرتووەكان: ئاڵۆزییەكانی ناوچە سنوورییەكانی عیراق و توركیا جێی نیگەرانییە

خەڵك – بەشی هەواڵ

نوێنەری ئەمینداری گشتی نەتەوە یەكگرتووەكان لە عیراق، ئاماژە بەوەدەكات: ئەو ئاڵۆزییانەی بەمداوییە لەناوچە سنوورییەكانی عیراق و توركیا ڕوویاندا جێی نیگەرانییەكی گەورەیە.

جینین هێنس پلاسخارت لەوتارێكیدا لەبەردەم ئەنجومەنی ئاسایشی نێودەوڵەتی سەبارەت بە پێشهاتەكان لەعیراق، ستایشی هەنگاوەكانی حكومەتی عیراق بەسەرۆكایەتی مستەفا كازمی سەرۆكی ئەنجومەنی وەزیران كردووە بۆ دروستكردنی پەیوەندییەكانی دەرەوە و گفتوگۆ لەگەڵ وڵاتان، ئاماژەشیداوە بەوەی كە حكومەتی عیراق پێداگرە لەسەر گرتنەبەری بژاردەی دیالۆگ لە نێوان وڵاتان و دروستكردنی پەیوەندییەكان.

نوێنەرەكەی ئەمینداری گشتی نەتەوە یەكگرتووەكان لە عیراق ڕاشیگەیاند: ئەو گرژییانەی بەمدواییە لەناوچە سنوورییەكانی عیراق و توركیا ڕوویاندا جێی نیگەرانییەكی گەورەیە، وتیشی: بەردوامین لەهاندانی هەردوو وڵات بۆ چارەسەركردنی كێشەكانیان بەهەماهەنگی و بەڕێگای گفتوگۆ، و ڕێزگرتنی تەواو لەسەروەری نیشتمانیی.

پلاسخارت داواشی لە كۆمسیۆنی باڵای سەربەخۆی هەڵبژاردنەكانی عیراق كرد هەنگاوی كرداری بنێت، وتیشی: پێویستە كۆمسیۆن بەهێز بكرێت و لەو گوشارە سیاسییە بەردەوامانەی دەكرێتە سەری دەرباز بكرێت.

جینین هێنس پلاسخارت دووپاتیشیكردەوە: بەردەوام دەبین لە پشتیوانیكردنی عیراق و هەوڵەكانی حكومەت لەپێناوی بەرەنگاربوونەوەی پەتای ڤایرۆسی كۆرۆنا، ئاماژەی بەوەشدا: تائێستاش گەندەڵی بەربڵاوە لەعیراق و سامانی عیراقییەكان دەدزرێت، هاوكات داوایكرد پێویستە سنوورێك بۆ تیرۆركردنی چالاكوانان دابنرێت.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان