ئێمە لە تۆرە کۆمەڵایەتیەکان

عێراق

پارێزگاری پێشووی نەینەوا لە هەولێر دەستگیر كرا

خەڵك – بەشی هەواڵ

دەستەی دەستپاكی عیراق دەستگیركردنی پارێزگاری پێشووی نەینەواوی ڕاگەیاند كە پێشتر بەهۆی گەندەڵی و بەهەدەردانی سامانی گشتی تۆمەتبار كرابوو و بۆ هەولێر هەڵهاتبوو.

ڕاگەیاندنی دەستەی دەستپاكی عیراق لە ڕاگەیەنراوێكیدا بڵاویكردەوە: ئەمڕۆ 19/10/2020 توانرا فەرمانی دەستگیركردنی نەوفەل عاكوب پارێزگاری پێشووی نەینەوا جێبەجێ بكرێت و دەستگیر بكرێت، ئەویش دوای رەزامەندی دادگای تایبەتمەند بەپێداچوونەوە بەدۆسیەی دەستپاكی لەو پارێزگایە.

لە ڕاگەیەنراوەكەدا ڕوونیشكراوەتەوە، فەرمانگەی لێكۆڵینەوەی دەستەكە دواتر وردەكاری جێبەجێكردنی فەرمانی دەستگیركردنەكە بڵاودەكاتەوە، ڕاشیگەیاندوە: جێبەجێكردنی فەرمانی دەستگیركردنەی پارێزگاری پێشووی نەینەوا پشتی بەستووە بەبڕیاری ژمارەی 160ی ساڵی 1983ی دەستەی لێكۆڵینەوەی دادوەری و فەرمانی ژمارەی 126ی ساڵی 2020 كە تایبەتە بەپێداچوونەوە بەدۆسیەی گەندەڵییە گەورەكان.

لەبەشێكی تری ڕاگەیەنراوەكەدا هاتووە: پێشتر تیمێكی لێكۆڵینەوەی باڵا پێكهێنراوە بۆ ئاشكراكردنی چارەنووسی ئەو پارانەی لەلایەن پارێزگای دوورخراوەی نەینەواوە ڕاكێشراوە، هەروەها ژمارەیەك لێپرسراو فەرمانبەری دیوانی پارێزگاش لەسەر بەهەدەردانی پارەی دەوڵەت دەستگیركراون كە بڕی پارەكەش بەپێی بەو بەڵگەنامانەی دەستیان بەسەردا گیراوە زیاتر لە 76 ملیار دینارە.

ڕۆژی 21ی ئاداری 2019 بەهۆی نقومبوونی بەلەمێك لە ڕووباری دیجلە لەناوچەی جزیرەی گەشتیاری موسڵ زیاتر لە 103 كەس گیانیان لەدەستدا و دەیانی تریش بێسەروشێون بوون، ناڕەزایەتی گەورەی دژ بەپارێزگاری لێكەوتەوە كە كەمتەرخەمبووە، دواتریش لەكاتی سەردانیدا بۆ شوێنی ڕووداوەكە لەلایەن كەسوكاری قورنیانی ڕووداوەكە و خەڵكی موسڵەوە كاروانی ئۆتۆمبێلەكانی پارێزگاری پێشووی نەینەوا بەردباران كرا.

دوای رووداوەكەش، ئەنجومەنی نوێنەرانی عیراق لەكۆبوونەوەی خۆیدا كە ڕۆژی 24ی ئادار بەڕێوەچوو، لەسەر داوای عادل عەبدولمەهدی سەرۆك وەزیرانی ئەوكاتەی عیراق بەزۆرینەی دەنگی نوێنەران متمانەی لە نەوفەل عاكوب و جێگرەكەی وەرگرتەوە و پارێزگار و جێگرەكەی لەپۆستەكانیان دورخرانەوە و دواتر بۆ هەولێر هەڵهات.

هەر لەسەر ئەو دۆسیەی گەندەڵیانەی لەسەر پارێزگای پێشووی نەینەوا ئاشكرابوون كە پۆستەكەی بۆ بەرژەوەندی خۆی بەكارهێنابوو، دادگای پێداچوونەوەی پارێزگای نەینەوا دووجار لە ڕۆژانی 26ی ئادار و 2ی نیسانی 2019دا داواكاری فەرمانی دەستگیركردنی پارێزگاری پێشووی نەینەوای ئاڕاستەی دادگای پێداچوونەوەی هەولێر كرد كە فەرمانەكە جێبەجێ بكەن و پارێزگارە هەڵهاتووەكە دەستگیربكەن و ناونیشانی نیشتەجێبوونیشیان لەهەولێر دیاریكرد بوو تا ڕادەستی دادگای نەینەوای بكەنەوە بەهۆی ئەوەی دۆسیەی گەندەڵی و بەهەدەردانی پارەی گشتی و بەكارهێنانی پۆستەكەی بۆ بەرژەوەندی تایبەتی لەسەر كراوەتەوە.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان