ئێمە لە تۆرە کۆمەڵایەتیەکان

جیهان

جیهان؛ ژمارەی توشبووان بە کۆرۆنا گەیشتە نزیکەی 61 ملیۆن کەس

خەڵک – بەشی هەواڵ

ژمارەی توشبووان بە ڤایرۆسی کۆرۆنا لە جیهاندا گەیشتە 60 ملیۆن و 868 هەزار کەس و گیانلەدەستدانیش بۆ 1ملیۆن و 430  هەزارو 389 کەس بەرز بووەوە.

 

بەپێی ئامارە فەرمییەکان، ویلایەتە یەکگرتووەکانی ئەمریکا ریزبەندی یەکەمی ئەو وڵاتانەیە کە زۆرترین زیانیان بەو پەتایە بەرکەوتووە، لە ئێستادا 264 هەزار کەس گیانیان لەدەستداوە و 12 ملیۆن و 879 هەزار و 861 حاڵەتی توشبوونیشی هەیە.

 

هاوکات لە بەرازیل بەهۆی کاریگەرییەکانی ڤایرۆسەکە، 171 هەزار کەس گیانیان لە دەست داوە، لە کاتێکدا کە هەندێک 6.2 ملیۆن حاڵەتی توشبوون هەیە.

 

لە هندستان ژمارەی مردووان بۆ زیاتر لە 135 هەزار کەس بەرز بووەتەوە، کە تا ئێستا نزیکەی 9.3 ملیۆن کەس تووشی ڤایرۆسەکە بوون.

 

بەپێی دوایین ئامارەکانی زانکۆی جۆنز هۆپکینز، ئەمڕۆ هەینی لە مەکسیک ئامارەکانی توشبوون بۆ زیاتر لە 104 هەزار کەس بەرزبووەوە، ژمارەی مردووانیش لە 1700 هەزار کەس زیاتر بووە.

 

لە بەریتانیا، کە کاریگەرترین وڵاتی سەر ئاستی ئەوروپایە بە ڤایرۆسی کۆرۆنا، زیاتر لە 57 هەزار کەس گیانیان لەدەستداوە، هەروەها ژمارەی توشبووان بۆ دەوروبەری 1.6 ملیۆن کەس بەرز بووەتەوە.

 

لە ئیتالیا ڤایرۆسی کۆرۆنا تا ئێستا 53 هەزار کەسی کردووەتە قوربانی، زیاتر لە 1.5 ملیۆن حاڵەتی توشبوون بە ڤایرۆسەکە هەیە ، بەدوایدا فەرەنسا زیاتر لە 51 هەزار کەس گیانیان لە دەستداوە و زیاتر لە 235 هەزار حاڵەتی توشبوون هەیە .

 

هاوکات لە ئەڵمانیاش ڕۆژی هەینی حاڵەتەکانی توشبوون یەک ملیۆنی تێپەڕاندووە.

 

بەپێی راگەیەنراوی ڕێکخراوی تەندروستی جیهانی، لەم ڕۆژانەی دواییدا ڕێژەی توشبوون بە ڤایرۆسی کۆرۆنا بە شیەوەیەکی بەرچاو بەرزبووەتەوە .

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان