ئێمە لە تۆرە کۆمەڵایەتیەکان

جیهانی

خراپترین دەستپێک… زیدان لە بێتوانایی تیپەکەی نیگەرانە

 

خەڵک – وەرزش

پاش شکستەکەیان لەسەر دەستی یانەی ئالاڤێس، زیندین زیدان ڕاهێنەری یانەی ڕیاڵ مەدریدی ئیسپانی ڕایگەیاند؛ نیگەرانە لە بێتوانایی تیپەکەی و ئەنجامیان بەرامبەر یانە ئسپانییەکەش  کە بە 2 -1 دۆڕان بە سەرەتایەکی خراپ ناو دەبات .

وا چاوەڕوان دەکرا دوای بردنەوەی بە 2 – 0 لەیانەی ئینتەر میلان لەخولی یانە پاڵەوانەکان، یاریزانانی یانەی شاهانە بەو پەڕی متمانەوە یاری بکەن و تامی شکست بە ئالاڤێس بچێژن، بەڵام لۆکاس پێرێز، لە دەستپێکی یارییەکەدا گورزی وەشاند و بە لێدانی سزا گۆڵێکی لە ڕیاڵ مەدرید تۆمار کرد.

 

پاش ئەو گۆڵە چاند جارێک نزیک بوو تۆڕی گۆڵی ریاڵ بهەژێت کاتێک پێرێز بەربەستی بەرگریکارانی شکاند، بەڵام گۆڵپارێز تیبۆ کۆرتوا تیپەکەی رزگار کرد.

 

هەڵەی گۆڵپارێزەکەی ڕیاڵ لەسەرەتای نیوەی دووەمدا دۆخێکی کارەساتباری خوڵقاند لە کاتی گەڕانەوەی تۆپدا، کە یاریزان خۆسێلۆی هێرشبەر بە خێرایی سوودی لەو گێڕانەوەی تۆپە بینی و لەسەر تۆپەکە ئامادە بوو توانی بە ئاسانی گۆڵی دووەم بۆ یانەکەی تۆمار بکات .

 

سەبارەت بە شکستەکەیان، زیدانی ڕاهێنەر، وتی:”هیچ ڕونکردنەوەیەکم نییە، شکستەکە هیچ پەیوەندی بە رەفتارو ئەدای باشی هەفتەی رابردوومان نییە، ئەمە خراپترین دەستپێکی وەرزەکەمانە”.

 

ئەو ڕاهێنەرە فەرەنسییە وتیشی ” نەمانتوانی ئاراستەی یارییەکە بگۆڕین، هەر ئەوەشە کە زۆر بێزاری کردووم، لەنیوەی دووەمدا کەمێک باشتر بووین ، بەڵام ئەوەی کردمان بەس نەبوو ، زۆرمان نەکرد بۆ گۆڕینی یارییەکە لەبەرژەوەندی خۆمان “.

 

یانەی ریاڵ مەدرید، بە هۆی پێکانەوە شەش یاریزانی لە دەستداوە، کە لەنێویاندا سیرجیۆ رامۆس و کەریم بنزیمە و ئێدن هارازد، هەن .

 

بە وتەی زیدان؛ پاش گەڕانەوەی یاریزانە پێکراوەکانی پێشبینی دەکات توانای تیپەکەی باش بێت و بگەڕێنەوە سەر تۆماری ئەنجامە باشەکانیان.

 

وتیشی:” بەدوای بیانوودا ناگەڕێین، بەڵام ئەمە ڕاستییەکە، پێکانی یاریزانەکانمان کاریگەریی هەیە لەسەر توانای تیپەکە”.

جیهانی

ریزبەندی گۆڵکارانی سەدەی 21 لە (2001 – 2020) ڕاگەیەنرا

 

خەڵک

فیدراسیۆنی نێودەوڵەتی ئامار و مێژووی تۆپی پێ (IFFHS ) رێزبەندی باشترین گۆڵکارانی لە سێ دەیەی کۆتایی سەدەی 21  لە نێوان ساڵانی( 2001 – 2020 ) دا بڵاو کردەوە .

بەپێی ڕیزبەندییەکە، کریستیانۆ ڕۆناڵدۆی پورتوگالی و هێرشبەری یانەی یۆڤانتۆس بە 756 گۆڵ لە پلەی یەکەمدایەو دوای ئەو، لیۆنێل میسی ئەرجەنتینی دێت کە 715 گۆڵی بۆ بەرشەلۆنە و هەڵبژاردەی وڵاتەکەی تۆمارکردووە.

زلاتان ئیبراهیمۆڤیچی سویدی و هێرشبەری یانەی ئەی سی میلان بە 543 گۆڵ لە پلەی سێیەمدایە، هاوکات گۆڵکاری یانەی ئاتلەتیکۆ مەدرید، لویس سوارێزی ئۆرۆگوای بە 489 گۆڵ چوارەمی ڕیزبەنییەکەیە، بەدوایدا ئەستێرەی بایرن میونشن ڕۆبێرت لیڤاندۆڤسکی  دێت بە پلەی پێنجەم کە 473 گۆڵی تۆمارکردووە.

هاوکات فیراس ئەلخەتیبی سووری لە ڕیزبەندی باشترین گۆڵکارانی سەدەی 21 دا پلەی نۆزدەیەمی جیهانی و یەکەمی نێو یاریزانانی وڵاتانی عەرەبی گرتووە بەتۆمارکردنی 344 گۆڵ، دوای ئەو ئەفسانەی تۆپی پێی کوێتی بەدر ئەلمتوع لە ڕیزبەندی دووەمی جیهانی عەرەبی و بیست و حەوتەمی جیهانیدا دێت، کە لەماوەی تەمەنی یاریکردنیدا 322 گۆڵی تۆمار کردووە.

ریزبەندی  10 گۆڵکاری سەدەی 21؛

1- کریستیانۆ رۆناڵدۆی پورتوگالی – 756 گۆڵ

2- لیۆنێل میسی ئەرجەنتینی – 715 گۆڵ

3- زلاتان ئیبراهیمۆڤیچی سویدی  – 543 گۆڵ

4- لویس سوارێزی ئۆرۆگوایی – 489 گۆڵ

5- ڕۆبێرت لیڤاندۆڤسکی پۆڵەندی – 473 گۆڵ

6- عەلی شەفەقی مالدیڤ – 465 گۆڵ

7- سیرجیۆ ئەگوێرۆی ئەرجەنتینی  – 421 گۆڵ

8-ساموێل ئیتۆی کامیرۆنی – 409 گۆڵ

9- ئیدینسۆن کاڤانی ئۆرۆگوای – 408 گۆڵ

10-ئەلێکساندار دورشی سەنگافوری – 408 گۆڵ

جێی باسە ئامارەکان تەنیا ئەو گۆڵانەی لەخۆ گرتووە کە لەنێوان ساڵەکانی 2001 بۆ 2020 تۆمار کراون.

سەرچاوە : فیدراسیۆنی نێودەوڵەتی ئامار و مێژووی تۆپی پێ

بەردەوام بە لە خوێندنەوە

جیهانی

میسی گۆڵەکانی لەگەڵ پێلێی ئەفسانەی بەرازیل، هاوتا کرد

 

خەڵک – وەرزش

بەتۆمارکردنی 643 گۆڵ، لەگەڵ یەک یانەدا، لیۆنێل میسی ئەرجەنتینی و هێرشبەری یانەی بەرشەلۆنەی ئیسپانی گۆڵەکانی هاوتای پێلێ ئەفسانەی بەرازیلی کرد، دوای ئەوەی تۆڕی گۆڵی یانەی ڤالانسیای هەژاند.

ساتی تۆمارکردنی گۆڵە مێژووییەکەی میسی بەرامبەر ڤالانسیا

 

دوای ئەوەی لێدانێکی سزای لەدەستدا، میسی تەمەن 33 ساڵ لەسەر حسابی ڤالانسیا، بە لیدانی سەر، تۆاری گۆڵەکانی لەگەڵ یەک یانە هاوتای گۆڵەکانی پێلێ کرد.

جێی باسە، پێلێی بەرازیلی 643 گۆڵی تۆمار کردووە لە ماوەی 19 وەرزدا لەگەڵ یانەی سانتۆسی بەرازیلی.

 

هاوتاکردنی ئەم تۆمارە لەکاتێکدایە، کە میسی خەڵاتی ساڵی 2020ی باشترینی ساڵی بەدەستنەهێناو ڕۆبێرت لیڤاندۆڤسکی پۆڵەندی و هێرشبەری یانەی بایرن میونخی ئەڵمانی بووە خاوەنی ئەو خەڵاتە.

 

 

 

بەردەوام بە لە خوێندنەوە

جیهانی

لیڤا، خەونی میسی و دۆنی ئاڵۆزکاند و بووە باشترین

خەڵک ـ وەرزش

لیڤاندۆڤێسکی بووە باشترین یاریزانی جیھان

ڕۆبێرت لیڤاندۆڤسکی، ئەستێرەی پۆڵەندی و یانەی بایرن میونشنی ئەڵمانی بووە باشترین یاریزانی جیهان بۆ ساڵی 2020 و خەڵاتی زەبێست-ی بردەوە و سەردەمی قۆرخکاری میسی و دۆنی تێپەڕاند.

بەردەوام بە لە خوێندنەوە

کوردستان