ئێمە لە تۆرە کۆمەڵایەتیەکان

عێراق

ئەنبار.. حەشدی شەعبی بارەگای گشتی ئۆپراسیۆنەكان بۆردوومان دەكات

خەڵك – بەشی هەواڵ

دوای ئەوەى فەرماندەیی ئۆپراسیۆنەكانی ئەنبار بڕیاریدا وێنە و ئاڵای سەرجەم لایەنەكان لە پارێزگاكە لابردێت و تەنها ئاڵای عیراق بمێنێتەوە، كێشە دەكەوێتە نێوان حەشدی شەعبی و فەرماندەییەكە و كەمێك لەمەوبەر بە مووشەكی كاتیۆشا بارەگای ئەو فەرماندەییە كرایە ئامانج و 4 سەربازی برینداربوون.

لەچەند ڕۆژی ڕابردوودا تۆماری دەنگیی پەیوەندییەكی تەلەفۆنی فەرماندەیەكی حەشدی شەعبی لە ئەنبار كە هەڕەشەی دەستبڕین لە فەرماندەی گشتی ئۆپراسیۆنەكانی ئەنباری سوپای عیراق دەكات بڵاوبووەوە، بەهۆی ئەوەی بڕیاریداوە هەموو ئاڵا و وێنەكان لاببرێن و تەنیا ئاڵای عیراق بمێنێتەوە، ئەو تۆمارەش كاردانەوەی زۆری لێكەوتەوە تا ئەو ئاستەی مستەفا كازمی، سەرۆك وەزیرانی عیراق و فەرماندەی گشتیی هێزە چەكدارەكان، هاتە دەنگ و بڕیاریدا لیژنەیەكی لێكۆڵینەوە پێكبهێنرێت.

لە پەیوەندییە تەلەفۆنییەكەدا، ئەحمەد نەسڕوڵا كە فەرماندەیەكی حزبوڵایە و خۆی وەك یاریدەدەری فەرماندەی حەشدی شەعبی لە پارێزگای ئەنبار دەناسێنێت، گفتوگۆ لەگەڵ عەمیدی ڕوكن زیا محەمەد، سوپاسالاری فەرماندەیی ئۆپراسیۆنەكانی پارێزگای ئەنبار دەكات، تێیدا داوای لێ دەكات كە پەیامێك بگەیەنێت بە فەرماندەكەی، كە لیوا ڕوكن ناسر غەننامە و فەرماندەی گشتی ئۆپراسیۆنەكانی پارێزگای ئەنبارە لە سوپای عیراق و پێی دەڵێت:”گوێبگرە، فەرماندەكەت ئاگاداربكەوە، پێی بڵێ هەر دەستێك ببرێت بۆ وێنەی ئەبومەهدی موهەندیس یان هەر دەستێك ببرێت بۆ سەر تابلۆكانی ئێمە، دەیبڕینەوە و بۆتانی دەنێرین بۆ ئەنبار، تكات لێدەكەم ئەم پەیامە بگەیەنە فەرماندە، سوێند بەخودا و كتێبەكانی و پێغەمبەرەكانی، دەیبڕمەوە و بۆتانی دەنێرمەوە. ئەگەر فەرماندەكەت پیاوە، با كەسێك بنێرێت تابلۆكان لابدات. تابلۆكانی ئەبومەهدی موهەندیس و حەشدی شەعبی، قەدەغەیە كەس دەستیان بۆ ببات”..

لەبەردەوامی ئەو كێشەیە، كەمێك لەمەوبەر، لەلایەن لیوای ٤٥ی كەتیبەكانی حزبوڵای سەر بە حەشدی شەعبی، شوێنی مانەوەی لیوا ڕوكن ناسڕ غەننام فەرماندەی گشتی ئۆپراسیۆنەكانی ئەنبار بە مووشەكی كاتیۆشا كرایە ئامانج بەوهۆیەوە 4 پاسەوانی تایبەتی برینداربوون.

 

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

بەردەوام بە لە خوێندنەوە

کوردستان