ئێمە لە تۆرە کۆمەڵایەتیەکان

خۆشەویستی

چەند هۆکارێکی سەیر کە ئەگەری تەڵاق زیاتر دەکات و تۆ هەر حسابیشت بۆ نەکردووە

خێزان

ئەمەی خوارەوە چەند هۆکارێکی سەیرە کە توێژینەوەکان سەلماندویانە ئەگەری تەڵاق لەنێوان هاوسەرەکان زیاتر دەکات و تۆ هەر حسابیشت بۆ نەکردووە:

 

زەردەخەنە لە وێنەی منداڵیدا

بەپێی توێژینەوەیەک ڕێژەی تەڵاق لەو کەسانەدا کەمترە کە لە منداڵیدا لە وێنەکانیاندا پێکەنیوون و دڵیان خۆشە

 

کارکردن لە نێو ژناندا

توێژینەوەیەک ئەوەی سەلماندووە کە ئەو پیاوانەی لە نێو ژناندا کاردەکان (بەپێچەوانەشەوە)، ئەوا بەڕێژەی ١٥٪ ئەگەری تەڵاق و جیابوونەوە تێیاندا زیاترە.

 

دایک ببینە و کچ بخوازە

توێژینەوەکان ئەوەیان سەلماندووە کە ئەو دایکانەی لە ژیانی هاوسەرگیری شکستیان خواردووە، ئەگەر زۆرە کچەکانیشیان هەمان شێوە بن

 

خەوتن کەمێک بە جیا

توێژینەوەیەکی دیکە سەلماندویەتی کە ئەو هاوسەرانەی لەسەر یەک سیسەم کەمێک دوور لەیەک دەخەون کەمتر جیادەبنەوە، چونکە خەوتنیان ئاسوودەترە

 

 

عاشقە و ماشقەی تازە

بەپێی دەرئەنجامی توێژینەوەی زانستی ئەو ژن و مێردە تازانەی لەسەرەتای هاوسەرگیریان زیاد لە پێویست خۆشەویستی و ڕۆمانسیەت بۆیەک دەردەبڕن، ناتوانن تا سەر لەو کارە بەردەوام بن و ساردبوونەوەشیان لەوە دەبێتە هۆی جیابوونەوەیان.

 

ریکلام

خۆشەویستی

چەند بیرکردنەوەیەکی هەڵەی جێندەریی، کە باشترە ئیتر وازی لێبهێنیت!

خێزان

ئەمەی خوارەوە چەند بیرکردنەوەیەکی هەڵەی جێندەرییە، کە باشترە ئیتر وازی لێبهێنیت، چونکە بۆچونێکی هەڵەیە لەسەر ڕۆڵی ژن و پیاو و جیاوازیەکانیان:

 

– هەر پیاو دەبێت پارە بدات! 

کاتێک ژنان دەیانەوێت ڕۆڵیان هەبێت و زیاتر بتوانن قسەڕۆشتوو بن، پێویستە بەرپرسیارێتی زیاتریش لەئەستۆ بگرن.

 

– پیاو ناتوانێت چاوی خۆی بگرێت! 

زۆرجار پیاوان لەگەڵ هاوسەرەکانیاندان و هەر تەماشای کچ و ژنی دیکە دەکەن و دەڵین چاو ناگیرێت، ئەمە بۆچونیکی هەڵەیە و ژنان پێویستە ڕێگەی پێنەدەن!

 

– ژن و بەڕێوەبردنیان نەوتووە! 

ئەمەش یەکێکە لە خراپترین و هەڵەترین بۆچونەکان، چونکە توانای بەڕێوەبردن بە خوێندن و ئەزموون و لێهاتوویە نەک ڕەگەز!

 

– پیاو نابیت بگری! 

بەپێی توێژینەوەکان پیاویش بەهەمان ڕێژەی ژنان خەفەت و بێزاری و توڕییان هەیە، بەڵام ئەوان زیاتر هەستەکانیان دەشارنەوە، لەکاتێکدا گریانی ئەوانیش شتێکی زۆر ئاساییە!

 

بەردەوام بە لە خوێندنەوە

خۆشەویستی

٥ تاکتیک کە بەکاردەهێنرێت بۆ کۆنتڕۆڵکردنت لە پەیوەندیدا

خێزان

ئەمەی خوارەوە کۆمەڵێک نیشانەی ئەو کەسانەن کە دەیانەوێت لە پەیوەندی خۆشەیوستیدا هەموو شتێک لە ژێر کۆنتڕۆڵ و دەسەلاتی خۆیاندا بێت جا هەندێکجار پیاوان وا دەکەن و هەندێکجاریش ژنەکان:

 

– بەناوی گرنگیپێدانەوە چاودیری وردت دەکەن و دەیانەوێت بزان چرکە بە چرکە لەکوێیت و چی دەکەیت.

– کارە خراپەکانی خۆیان بە ناوی خۆشەویستیەوە دادەپۆشن.

– هەوڵدەدات ستایل و جۆری جلوبەرگ و شتەکانت بەو جۆرە لیبکەن کە خۆیان دەیانەوێت.

– هەوڵدەدات بە خێزانەوە بتبەستێتەوە و نەهێڵێت لە بوار پیشەییەکانی خۆتدا پێش بکەویت، بۆنمونە منداڵێکی نوێ دەخاتەوە تا زیاتر سەرقاڵ ببیت و لەکارەکەت پێش ئەو نەکەویت

 

– کۆنتڕۆڵی ئەکاونت و سۆشیال میدیاکانت دەکات و ناچاریشت دەکات زوو زوو وێنەی خۆتان دابەزێنیت، بۆ ئەوەی هەموان بیبینن کە چەند ئەوت خۆش دەوێت.

بەردەوام بە لە خوێندنەوە

خۆشەویستی

١١ کاری زۆر گەمژانە کە لەژێر ناوی خۆشەویستدا ئەنجام دەدرێت

خێزان

هەستی خۆشەویستی گەورەیە و مانای تایبەتی خۆی هەیە، بەڵام زۆرجار کەسانێک لە ئاستێکی هەرزەکارانەدا خۆشەویستی دەکەن کە دواتر هەست بە زیانەکەی دەکەن، ئەمەی خوارەوە بەشێکە لەو هەڵە گەمژانانەی بەناوی خۆشەویستیەوە دەکرێت:

 

-لە دەستدانی هەل

هەندێکجار لەپێناو خۆشەویستدا زۆر هەلی گرنگی ژیان لەدەستدەدەن، بۆنمونە ئامادەنیت پیشەیەکی گرنگ قبوڵبکەیت تا لە خۆشەویستەکەت دوور نەکەویتەوە، زۆرجار لە کۆتایدا هەردووکیان لەدەستدەدەیت.

 

-چاودێری

کاتێک دەکەویتە داوی خۆشەویستیەوە دەبیتە دەزگایەکی هەواڵگری و چاودێری لایک و کۆمێنت و هەموو شتێکی خۆشەویستەکەت دەکەیت، لەکاتێکدا بونی متمانە و هەبونی تایبەتمەندی کەسێتی زۆر گرنگە.

 

-تاتۆ

نوسینی ناوی خۆشەویستەکەت بە تاتۆ بەجۆرێک کە لانەبرێت یەکێکی دیکەیە لە هەڵە گەمژانەکان کە زۆرجار باجی قورسی هەیە.

 

-کڕینی دیاری

ئاساییە کە دیاری بۆ خۆشەویستەکەت بکڕیت، بەڵام کڕینی دیاری زۆر و گرانبەها کارێکی گەمژانەیە.

 

 

-پەیوەندی بەردەوام

نامەناردن و تەلەفوون کردن هەموو ٥ خولەک جارێک کارێکی هەڵە و بێزارکەرە.

 

 

-وێنەی ڕووت

ناردنی وێنەی ڕووت بۆ یەکدی یەکیکی دیکەیە لە هەڵە گەورەکان، کە زۆرجار بەبێ ویستی هیچلایەک کێشەی گەورەی لێکەوتۆتەوە یاخود دواتر بۆ تۆڵەسەندنەوە بەکار هاتووە.

 

-لەبیرکردنی هاوڕێکانت

وازهێنان لە هاوڕێکانت لەپێناو خۆشەویستەکدا یەکیکی دیکەیە لە هەڵە گەمژانەکان.

 

 

-پاسۆڕد

دانانی پاسۆڕدی هاوبەش بۆ تۆڕە کۆمەڵایەتیەکان یەکیکی دیکەیە لە هەڵە نەفامانەکان، چونکە متمانە ناهێڵێت لە پەیوەندیدا.

 

 

-خۆگونجاندن لەگەڵ هەموو حەزەکانی خۆشەویستەکەت

ئەمەش یەکیکی دیکەیە لە هەڵەکان کە تێیدا کەسیاتی خۆت وندەکەیت.

 

 

-نەخەوتن

کەمبونەوەی خەوت بەهۆی قسەکردن لەگەڵ خۆشەویستەکەت زیانی تەندروستی هەیە.

 

 

-لەدەستدانی ڕێز

قبوڵکردنی هەموو شتێک لە خۆشەویستەکەت لەپێناو لەدەستنەدانی وادەکات کە ڕێزی خۆت لەدەست بدەیت.

بەردەوام بە لە خوێندنەوە

کوردستان