ئێمە لە تۆرە کۆمەڵایەتیەکان

ژینگە

شەپۆلێكی بەفر و باران و سەرما ڕوودەكاتە هەرێم

خەڵك- بەشی هەواڵ
بەپێی پێشبینییە كەشناسییەكان، شەپۆلێكی بەفر و باران ناوچەكانی هەرێمی كوردستان دەگرێتەوە و پلەكانی گەرما 4 بۆ 7 پلەی سیلیزی دادەبەزن و دەچنە ژێر سفری سیلیزی.

ئاراس جەبار، شارەزای كەشناسی بۆ (خەڵك) ئاماژەی بەوەكرد، لە ئەنجامی كاریگەری نزمەپاڵەپەستۆیەك لە باكوری دەریای (سپی ناوەڕاست)ەوە بەرەبەیانی ڕۆژی چوار شەممە ٢٣ی١٢ی٢٠٢٠ ھەرێمی كوردستان دەكەوێتە ژێر كاریگەری شەپۆلێكی مامناوەند و پچر پچری بارانبارین و ھاوكات بەھۆی بوونی بارستە ھەوایەكی ساردیش بەفر بارین ناوچە شاخاوییەكان و ناوچە سنوریەكان دەگرێتەوە.

ڕاشیگەیاند، پلەكانی گەرما بەڕێژەیەكی بەرچاو ڕوو لەنزمبوونەوە دەكات بەڕێژەی ٤-٧ پلەی سیلیزی لەناوچە شاخاوییەكان پلەكانی گەرما بۆ سفر و ژێر سفری سەدی نزم ئەبنەوە.

ئاماژەی بەوەشكرد، بەفر ئەو ناوچە شاخاویانە ئەگرێتەوە، كە بەرزیان زیاترە لە ١٥٠٠ مەتر لەڕووی ئاستی دەریا و ھەندێك ناوچەش بەھۆی نزیكیان لەناوچەی شاخاوییەوە بەھەمان شێوە بەفر بارین بەتێكەڵی لەگەڵ باران ئەگەری ئەبێت.

پێشبینی ئەوەشی كرد، “كاریگەری ئەم شەپۆلە تا ئێوارەی ڕۆژی پێنج شەممە ٢٤ی١٢ی٢٠٢٠ بەردەوامی ئەبێت”.

ئەمە لەكاتێكدایە، كە مەحمود عەبدوللەتیف، بەڕێوەبەری ژینگە لە دەستەی گشتی كەشناسی عیراقی ڕایگەیاندووە، لەڕۆژانی داھاتوودا شەپۆلێكی بەفر و بارانبارین ڕوو لە عیراق و ھەرێمی كوردستان دەكات و لە ھەندێك ناوچە پلەكانی گەرما چەند پلەیەك بۆ ژێر سفری سیلیزی دادەبەزن.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان