ئێمە لە تۆرە کۆمەڵایەتیەکان

ژینگە

بەهۆی بەفر و بەستەڵەكەوە هۆشداری بە شۆفێران دەدرێت

خەڵك- بەشی هەواڵ
بەڕێوەبەری ڕاگەیاندنی هاتووچۆی هەولێر هۆشداری دەدات بە شۆفێران لەكاتی هاتنەدەرەوەیان لە دەرچەی تونێلەكان بە وریاییەوە شۆفێری بكەن و دەشڵێت: “لەم وەرزەدا شەقام و ڕێگاكان مەترسیدار دەبن”.

مقەدەم فازڵ حاجی، بەڕێوەبەری ڕاگەیاندنی هاتووچۆی هەولێر بۆ (خەڵك) ڕایگەیاند، ئێستا ئێمە لەناوەندی وەرزی بەفر و بارانین، كەبەگشتی لەو وەرزە شەقام و ڕێگاكان مەترسیدار دەبن و مەترسیدارترین شوێن لەو كاتانە دەرچەی تونێلەكانە.

ڕاشیگەیاند، پێویستە زۆر بەوریایی لەدەرچەكان شوفێری بكەن، چونكە لەهاتنە دەرەوەی دەرچەكان ڕاستەوخۆ شوفێر دەكەوێتە سەر شەقامێكی تەڕ و هەڵخلیسكاو لەشەقامێكی وشكی ناو تونێلەوە بەمەش تووشی هەلخلیسكان دەبێت.

ئەو ئەفسەرەی هاتووچۆ “تكا لە شۆفێران” دەكات، بەخێرایی زۆر كەم لەدەرچەی تونێلەكان بێنە دەرەوە و بەبینینی بەفر ڕاماڵین و تیمەكان نەخەڵەتێن، كە مەترسی نەماوە، چونكە ئەوەی بەفر ماڵ دەیكات هەڵگرتنی چینێكە و جێهێشتنی چینێكی بچوكە كەزۆر مەترسیدارە”.

دەشڵێت: “ئەو شینە كەمە بەفرەی دوای ڕاماڵین دەمێنێتەوە بەحوكمی پەستانەوە و ڕەقبونی ئەگەر ژێرەكەی شەختە و بەستەلەك بێت ئەوە مەترسیدارتریش دەبێت”.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان