ئێمە لە تۆرە کۆمەڵایەتیەکان

جیهان

چی لە 2021 دا ڕوودەدات؟

خەڵک

دوای بیست و چوار ساڵ لە مردنی، تا ئێستاش پێشبینییەکانی پاپا ڤانجای بولگاری بەردەوام جێی مشتومڕە.

 

بەپێی ڕاپۆرتێکی ڕۆژنامەی ” دەیلی مەیڵ ” ی بەریتانی، کە دیارترین پێشبینییەکانی خاتوونە فاڵگرەوە نابینا بولگارییەکەی خستووەتەڕوو کە  بۆ ساڵی 2021 ئەگەر هەن ڕوو بدەن، ڤانگا، پێشبینی کردووە هەیمەنەی جیهان لە ساڵی داهاتوودا دەکەوێتە دەست چین.

 

هاوکات یەکێک لە پێشبینیە دیارەکانی پاپا ڤانجا بۆ ساڵی 2021، کە پێش مردنی لە ساڵی 1996 ڕایگەیاندووە، چارەسەری نەخۆشی شێرپەنجە بووە، ئەو وتوویەتی:”ئەو ڕۆژە دێت کە شێرپەنجە بە زنجیرێکی ئاسنین کۆت وبەند دەکرێت”.

 

هەر بەپێی پێشبینییەکانی پاپا ڤانجا، دۆناڵد ترامپ تووشی نەخۆشی یەکی مەترسیدار دەبێت، هاوکات ڤلادیمیر پوتین سەرۆکی ڕوسیاش و هەوڵی کوشتنی دەدرێت و ئەوروپاش ڕووبەڕووی هێرشێکی کیمیایی دەبێتەوە.

 

پاپا ڤانجا کە لەساڵی 1996 لە تەمەنی 85 ساڵیدا کۆچی دوایی کرد، لە پێشبینیکردنی هێرش بۆ سەر ئەمەریکا لە ساڵی 2001 و هەڵبژاردنی باراک ئۆباما وەک سەرۆکی ئەمەریکا لە ساڵی 2008 دا پێشبینییەکانی ڕاست دەرچوون.

 

بەپێی هەندێک سەرچاوە، پاپا ڤانجا لە تەمەنی 12 ساڵیدا بینایی لەدەستداوە و دوای سەرهەڵدانی زریانێکی بەهێز بۆ ماوەیەک دیار نەماوەو  دواتر دەرکەوتووەتەوە و لەو کاتەوە پێشبینی ڕووداوەکانی کردووە.

لە بەناوبانگترین پێشبینییەکانی پاپا ڤانگا بۆ ساڵانی داهاتووتر، بریتین لە؛ کۆتایی هێنان بە برسێتی لە جیهاندا تا ساڵی 2028، هاوکات هەسارەی زەوی لە ساڵی 2341، بە کەڵکی نیشتەجێبوون نامێنێ.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان