ئێمە لە تۆرە کۆمەڵایەتیەکان

ژیاندۆستی

د. عەلی قەرەداغی: پیرۆزبایی كردن بەبۆنەی كریسمس ڕێگەپێدراوە

خێزان

د. عەلی قەرەداغی سەرۆکی یەکێتی زانایانی جیهان لە فەتوایەکیدا  ڕایدەگەیەنێت کە پیرۆزبایی كردن بەبۆنەی كریسمس ڕێگەپێدراوە بەڵام  ڕەوا نییە مسوڵمان بەشداری بۆنەکە بکات و ئاهەنگ بگێڕێت:

 

دەقی فەتواکە:

فەتوای پیرۆزبایی كردن لە غەیری موسڵمانان بەبۆنەی جەژنەكانیانەوە..
دەربارەی زەرورەتی راگیركردنی پەیوەندیی لایەنی كۆمەڵایەتیی و مرۆیی لە نێوان موسڵمانان و ئەوانیتردا، هەروەها رێگادان بە پیرۆزبایی لێكردنیان بەبۆنەی جەژنە غەیرە ئاینییەكانەوە.
سوپاس و ستایش بۆ پەروەردگاری جیهانیان، درودو صەڵەوات و سەلام لەسەر پێغەمبەر كە بە بەزەیی رەوانەكراوە بۆ جیهانیان، گەورەمان پێغەمبەر موحەممەد صلى الله عليه وسلم، هەروا لەسەر خانەوادەو هاوەڵانی، پاشان:
گومانی تێدا نیە كە ئاینی ئیسلام لە رێگای پەڕاوە مەزنەكەی (قورئانی پیرۆز) و سوننەتی پێغەمبەرە رێزدارەكەی موحەممەد صلى الله عليه وسلم و ژیننامە پاك و بێگەردەكەیەوە، جەخت دەكات لەسەر هەڵسوكەوتی دادپەروەرانە، لەسەر چاكەكردن و چاكەكاریی لەگەڵ غەیری موسڵمانان، مادامێ‌ ناجەنگن لەگەڵماندا، خوای گەورە دەفەرموێ‌: (لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ) (الممتحنة: 8)، بەهەمانشێوە پەروەردگارمان فەرمانمان پێدەكات بە پێكەوە ژیانێكی ئاشتییانە لەگەڵیاندا، چارەسەركردنی تەواوی كێشەكان بە دایەلۆگ بە باشترین شێوازی لێكتێگەیشتن، خوای گەورە دەفەرموێ‌: (وَجَادِلْهُم بِالَّتِي هِيَ أَحْسَنُ) (النحل: 125)، هەروەها دەفەرموێ‌: (وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ) (العنكبوت: 46)، هەروەها ئیسلام جەختدەكات لەسەر راگیركردنی پەیوەندی لایەنی كۆمەڵایەتیی و مرۆیی لە نێوان موسڵمانان و ئەوانیتردا بەتایبەتی پەیڕەوانی كتێبە ئاسمانییەكان، لەبەرئەوە رێگادراوە بە خواستنی ئافرەت لێیان، بەم پێیەش ئافرەتی خاوەن پەڕاو دەبێتە دایكی منداڵی موسڵمان، دایك و باوكیشی دەبنە باپیرەو داپیرە، براكانی دەبنە خاڵۆی ئەو منداڵانە، لێرەوە پەیوەندی خزمایەتی و ژن و ژنخوازیی دروست دەبێت، هەروەها رێگادراوە بە خواردنی خۆراكیان، ئەوانیش لە خواردنی ئێمە بخۆن، هەموو ئەمەش بۆ بەهێزكردنی لایەنی كۆمەڵایەتییە، ئیتر چۆن رێگری لە موسڵمان دەكرێ‌ ئەو لایەنە بەهێز نەكات؟
لەم بەشەدا مەسەلەی پیرۆزباییكردن بەبۆنەی جەژنەكان دێت كە ناودەبرێ‌ بە كریسمس، واتە سەری ساڵی زایینی، چونكە جەژنەكانی سەری ساڵی زایینی لەوە دەرچوون جەژنی ئاینی مەسیحی بن، بەڵكو چەند ئاهەنگێكی ئاسایین كە عەلمانییەكان و مەسیحییەكان لە خۆرئاواو خۆرهەڵاتدا ئەنجامیان دەدەن، هەروەها تەنها لە كەنیسەكاندا ناگێڕدرێن، بەڵكو لە شەقام و شوێنە هاوشێوەكانیشدا، جگە لەوەش بەرواری لەدایكبوونی گەورەمان مەسیح (سەلامی خوای لەسەر بێت) لە سەرەتای ساڵدا نەبووە، چونكە ڕاجیاوازییەك لەسەر بەرواری لەدایكبوونی هەیە، قورئانی پیرۆزیش باسیكردووە كە خاتوو مەریەم (سەلامی خوای لەسەر بێـت) كاتی ژانی منداڵبوونی بۆهات پەنای بردە بەر قەدی دارخورمایەك كە خورمای تەڕی پێوەبوو، خوای گەورە دەفەرموێ‌: (وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَباً جَنِيّاً فَكُلِي وَاشْرَبِي وَقَرِّي عَيْناً) (مريم: 25-26) . هەربۆیە هەندێ‌ لە زانایان وەها لێی تێگەیشتوون كە لەدایكبوون لە وەرزی زستاندا نەبووە، تەنانەت مەسیحییەكان خۆشیان ڕاجیاوازن لەو مەسەلەیەدا، مەسیحییە خۆرئاواییەكان دەڵێن: مەسیح لە (25) كانونی یەكەم لەدایكبووە، یان لە مانگی كانونی دووەم وەك مەسیحییە خۆرهەڵاتییەكان دەڵێن، لە ئینجیلی لۆقا إصحاح 2 ژمارە 8-9-10-11 دا بەسەرهاتێك لەبارەی لەدایكبوونی مەسیحەوە (سەلامی خوای لەسەر بێت) هاتووە، ئەو تێگەیشتنەی لێدەكرێ‌ كە كاتی لەدایكبوونی كەوتووەتە كاتێ‌ كە لەوەڕاندن لە كێڵگەكاندا لە سەرەتای زستاندا لە توانادا بووە، قەشە (بارنز) ئەم رایەی پەسەندە، بەهەمانشێوە (ئینسكلۆپیدیای بەریتانی بەرگی 5 لاپەڕە 642-643) ئەم رایە دووپاتدەكاتەوە بەوەی كە: گەورە زانایانی كەنیسە لە ساڵی 240ز دا بۆ دیاریكردنی بەرواری ئاهەنگێڕان بە جەژن رۆژی كودەتای خۆریی زستانیان هەڵبژارد كە رۆژی 25 كانونی یەكەمە، دكتۆر (بیك) یش لە راڤەكردنی پەڕاوی پیرۆزدا لاپەڕە 727 جەخت لەوە دەكات كە: مەسیح لە مانگی ئاب دا لەدایكبووە، دكتۆر (جۆن ئەفیر) لە كتێبەكەیدا بەناوی فەرهەنگی پەڕاوی پیرۆز لاپەڕە 117 دەڵی: خورمای تەڕ لە مانگی ئەیلولی یەهودی دا پێدەگات، ئەم بەروارەش رێكەوتە لەگەڵ مانگی ئاب و ئەیلول.
لەلایەكی ترەوە پیرۆزباییكردن نە لە رووی زمانەوانیی و نە لە رووی شەرعەوە بە مانای رازیبوون نیە لەو كارە كە ئەو كەسە غەیرە موسڵمانە دەیكات، یان چووبیتە سەر باوەڕی ئەو، بەڵكو تەنها بەشدارییەكی كۆمەڵایەتییە، خۆشدوانییەكی مرۆییە بۆ هاوڕێكەت، بۆ دراوسێیەكەت، هۆكارێكیشە بۆ نزیككەوتنەوەو پێكەوەژیان.
بە پشتبەستن بەم خوێندنەوەیەی پێشەوە ئەوا ئەو موسڵمانانە كە لەگەڵ غەیرە موسڵمانەكاندا دەژین، بۆیان هەیە لەمجۆرە بۆنانەدا پیرۆزبایی لە دراوسێیان و هاوڕێیان و ناسراوەكانیان لە غەیرە موسڵمانان بكەن، كە مەبەست پێیان زیندووكردنەوەی سروتی ئاینی تایبەت بەوان نیە، ئەم بەشدارییە دەچێتە خانەی ئەو چاكەیەوە كە فەرمانی پێدراوە، چاكەیەكی خوازراوە، بەڵام بە مەرجێك كەسی پیرۆزباییكەر مەبەستی پشتگیریكردن نەبێت لەو گوناهانە كە لەو ئاهەنگانەدا دەكرێن، رازیبوون نەبێت بەو سەرپێچییانە كە ئەنجامیان دەدەن، رازیبوون نەبێت بە بێباوەڕیی و شتە هاوەڵگەرییەكان، بەڵكو نیەتی تەنها بۆ بەهێزكردنی رایەڵەكانی پەیوەندی بێت لە نێوان موسڵمانان و ئەوانەدا، ئەوەش بە مەبەستی خزمەتكردن بە ئیسلام و موسڵمانان لە ناوچەكەدا، چونكە ئەوان زۆربەیجار پیرۆزبایی لە موسڵمانان دەكەن تەنانەت لە جەژنی ئاینییاندا، كەواتە هیچ رێگرییەك نیە لەوەی وەڵامی پیرۆزباییان بدرێتەوە بەو مەستە كە پێشتر باسمانكرد، خوای گەورە دەفەرموێ‌: (وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا) (النساء: 86). بەڵام نابێت پیاوی موسڵمان یان ئافرەتی موسڵمان هاوكاربێت لەسەر گوناهكاریی، نابێت بەشداربێت لە شتە حەرامكراوەكاندا یان لەو ئاهەنگانەدا كە كردەی حەرامكراویان تێدایە.
ئەمەش رای ئەنجومەنی ئەوروپییە بۆ فەتواو توێژینەوەكان، كە لە فەتواكەیدا هاتووە: (پیرۆزبایی كردن لەوانیتر لەم بۆنەیەدا رێگاپێدراوە ئەگەر ئەوان -هەروەك كەسی پرسیاركەر باسیكردووە- دەستپێشخەربن لە پیرۆزباییكردن لە موسڵمان بە بۆنەی جەژنە ئیسلامییەكانەوە، چونكە فەرمانمان پێكراوە بە چاكە پاداشتی چاكە بدەینەوە، وەڵامی سڵاویان بە سڵاوی باشتر لەو بدەینەوە، یان وەك خۆی بەلانیكەمەوە، خوای گەورە دەفەرموێ‌: (وَإِذَا حُيِّيْتُم بِتَحِيَّةٍ فَحَيُّواْ بِأَحْسَنَ مِنْهَا أَوْ رُدُّوهَا) (النساء: 86)، شتێكی باش نیە رێز و بەخشندەیی موسڵمان لە هی ئەوان كەمتر بێت، رەوشت جوانیی لەوانیتر نزمتر بێت، ئەسڵا ئەوەیە كە دەبێت موسڵمان پشكی لەم ئاكارانەدا زۆرتر بێت، رەوشتی كامڵتر بێت، هەروەك لە فەرموودەیەكدا هاتووە دەفەرموێ‌: ((ئەو باوەڕدارەی خاوەنی باشترین رەوشتە ئەوە باوەڕی كامڵترە))، هەروەها دەفەرموێ‌: ((من بۆ ئەوە رەوانەكراوم رەوشتە بەرزو رێزدارەكان تەواوتر بكەم)). ئەم پرسە زیاتر جەختی لەسەر دەكرێت كاتێ‌ بمانەوێ‌ بانگهێشتیان بكەین بۆ لای ئیسلام و نزیكیان بكەینەوە لێی، موسڵمانانیان لا جوان بكەین، ئەمە ئەركی سەرشانمانە، ئەم ئەركەش بە هەبوونی ساردوسڕی لە نێوان ئێمەو ئەواندا نایەتەدی، بەڵكو بە سەردانكردن بە چاكە دەستەبەر دەبێت.
رەوشتی پێغەمبەری خوا (صلى الله عليه وسلم )باڵاترین رەوشت بووە، خۆش مەشرەب بووە، تەنانەت لەگەڵ بێباوەڕانی قورەیشدا، ئەمە لە كاتێكدا كە بەدرێژایی سەردەمی مەككی ئەوان ئازاریان دەدا، گەلەكۆمەیان لەسەر خۆی و لەسەر هاوەڵانی كرد، تەنانەت لەبەرئەوە ئەوان –متمانەی تەواویان بە پێغەمبەر(صلى الله عليه وسلم )هەبوو- هاتن شتە نەختینەكانی خۆیان ئەوانەی ترسیان لە بردنیان هەبوو لای ئەو دایاننابوون، ئەم ئەمانەتپارێزییەی  وابلێكرد كاتێ‌ كۆچیكرد بۆ مەدینە پێشەوا عەلی -خوا لێی رازی بێت- لە جێگای خۆی دانا، فەرمانی پێدا بە گێڕانەی ئەو ئەمانەتانە بۆ خاوەنەكانیان.
كەواتە هیچ رێگرییەك نیە لەوەی تاكی موسڵمان، یان دەوڵەتی موسڵمان یان ناوەندی ئیسلامی گرنگی بەو بۆنەیە بدات، ئیتر بە دەمی بێت یان كارت ناردن یا لە رێگای نامەی ئاساییەوە بێت.
ئەو وشانەش كە لەو جۆرە بۆنانەدا بەكاردەهێنرێن وشەی ئاسایین كە خەڵكی راهاتوون لەسەریان، هیچ جۆرە دانپێدانانێكی تێدا نیە بۆیان، یان رازیبوون بەو كارەیان، بەڵكو كۆمەڵە وشەیەكی خۆشدوانین كە لەناو خەڵكیدا بەكاردەهێنرێن.
هەروەها رێگری نیە لە وەرگرتنی دیاری لێیانەوە، پاداشتدانەوەیان لەسەریان، پێغەمبەری خوا (صلى الله عليه وسلم )دیاری لە غەیری موسڵمانانیش وەرگرتووە، وەك مەقۆقس گەورەی قیبیتییەكانی میسر و هیتریش، بە مەرجێ‌ ئەو دیارییانە شتانێك نەبن كە بۆ موسڵمان حەرام بن وەك ئارەق و گۆشتی بەراز).
لە كۆتاییدا برایان و خوشكانمان رادەسپێرین كە پابەندبن بە رەوشت و بە بەها ئیسلامییەكانەوە، وەك بەزەیی و چاكە و چاكەكاریی و دادگەریی لە هەڵسوكەتكردنیان لە نێوان خۆیان و نێوان غەیری خۆشیان، تا ببنە پێشەگ و نمونەیەكی باش بۆ ئاینەكەیان.
ئەمە بوو ویستمان بیگەیەنین خوای گەورەش زاناترە، كۆتا نزاو پاڕانەوەمان سوپاس و ستایش هەر بۆ پەروەردگاری جیهانیانە.
درود و صەڵەوات لەسەر گەورەمان موحەممەد و لەسەر خانەوادەو هاوەڵانی
……………..
روونكردنەوەیەكی گرنگ…
دەربارەی فەتوای پیرۆزبایی كردن لە غەیری موسڵمانان بەبۆنەی جەژنەكانیانەوە..
برایانی بەڕێزم، خوشكانی رێزدارم
فەتواكە بنەمادۆزیی شەرعیی بۆكراوە، تایبەتە بە جەژنە غەیرە ئاینییەكانەوە، هەروەها بە پیرۆزبایی لێكردن، فەتواكە بە وردی بخوێننەوە، تاقە سەرپێچییەك بە حوكمە شەرعییەكانی تێدا نیە، چ جای سەرپێچی باوەڕیی.
چۆن بەبێ‌ زانست لەفزی بێباوەڕیی و پەڕگیریی و خۆبەریكردن دەدەن بەسەردا!؟ چونكە ئەوە لە ئەدەبی هەڵسوكەوتكردن لەگەڵ زانایاندا سەرپێچییەكی روونە، بۆچی دەبێت تۆمەتی بێباوەڕكردن و بیدعە داهێنان و ناپاككردن ئەوەندە بەردەست بێت و خرابێتە قاڵبی ئامادەكراو؟! بەڕاستی ئەمە ئەو تیرۆرە فیكرییەیە كە راستبووەتەوە لەبەردەم ئیجتیهادی هاوسەنگدا…لە كاتێكدا كە فەتواكە تەنها لە پرسی پیرۆزباییكردندایە، نەك ئامادەبوون و بەشداریكردن لە سروتە ئاینییەكاندا.
لێرەدا پێمخۆشە هەندێ‌ مەرج و كۆت و بەند بخەمە سەر فەتواكە تا وێنەكە زیاتر روونبێتەوە، ئەوانیش بریتین لە:
یەكەم: من بە رەوای نازانم و رێگانادەم موسڵمانان بەبۆنەی جەژنەكانی سەری ساڵی زاینییەوە ئەمجۆرە ئاهەنگانە بگێڕن، فەتواكە تایبەتە بە پیرۆزبایی لێكردنیان و بەس.
دووەم: تێكەڵاویی ناشەرعی لە هەموو حاڵەتەكاندا رەوا نیە.
ویستم ئەم روونكردنەوە بگەیەنم، خوای گەورە پشت و پەناو یارمەتیدەر بێت.
نوسینی بەندەی ئاتاج بە بەزەیی پەروەردگاری
پ. د. عەلی محیەدین قەرەداغی
ئەمینداری گشتی یەكێتی جیهانیی زانایانی موسڵمان
دەوحە لە 11 جەمادی یەكەم ساڵی 1442ك
بەرانبەر 26 كانونی یەكەمی ساڵی 2020ز
ریکلام

ژیاندۆستی

٨ جۆری جلوبەرگ کە خانمان لە هەر تەمەنێکدا بن دەتوانن لەبەری بکەن و هەر جوانە

خێزان

ئەمەی خوارەوە کۆمەڵێک ستایلی ناوازەی جلوبەرگە کە خانمان دەتوانن بەبێ ڕەچاوکردنی تەمەن لە ٢٠ ساڵی و ٣٠ ساڵی ٤٠ ساڵیشدا لەبەری بکەن و کەشخەو جوان دەربکەون.

 

-چاکەتی Blazers  ستایلێکی فەرمی و جوانی هەیە و وەک خانمە خاوەنکارێک دەرت دەخات

-چاکەتی خوری درێژ، لە هەموو کاتێکدا جوان و سەرنج ڕاکێشە و دەتوانیت لەبەری بکەیت

– کراس و تیشێرتی نەخشی شەترەنجی بۆ هەموو تەمەنەکان جوان و گونجاوە

– کڵاو و شەپقە هەمیشە ناوازە دەرت دەخات

-چاکەتی کابۆ یەکێکی دیکەیە لەو جلوبەرگە ناوازانەی لە هەموو تەمەنێکدا دەتوانیت لەبەری بکەیت

-بەدلە ستایلێکی قەشەنگ و جوانە بۆ هەموو تەمەنێک، کچانی گەنج گەورەتر دەردەخات و خانمانی بەتەمەنتریش جوان و کەشخە

-بەکارهێنانی ملپێچ لەگەڵ پانتۆڵدا یەکێکە لە ستایلە جوانەکان

-پانتۆڵ یان کابۆی سپی یەکێکی دیکەیە لەو جلوبەرگە کەشخانەی کە دەتوانیت لەبەریان بکەیت

-کۆتی کلاسیکی بەهەمان شێوە یەکێکە لە ستایلە جوانەکان

 

-ئەو جلوبەرگانەی کە پشتێنی لەسەرەوە دەبەستیت بەهەمان شێوە بۆ هەموو تەمەنەکان گونجاوە

بەردەوام بە لە خوێندنەوە

ژیاندۆستی

١١ زانیاری لەسەر شانشینی بووتان … ئەو وڵاتەی خانوو بە بەلاشە و زاوا دەچێتە سەر ماڵی خەزوور

خێزان

شانشینی بووتان وڵاتێکە لە باشووری کیشوەری ئاسیا، پایتەختەکەی شاری “تیمفوویە”، بەپێی ئامارەکانی ساڵی ٢٠١٤ ژمارەی دانیشتوانی  بووتان ٧٦٥،٥٥٢ کەس بووە، ئەمەی خوارەوەش چەند زانیارییەکە لەسەر ئەم شانشینە:

 

-هەتا ساڵی ١٩٩٩ لەو وڵاتەدا تەلەفیزیۆن و ئینتەرنێت نەبووە و پادشا قەدەغەی کردبوو، تا دواتر ئەو یاسایەی لابرد و ئێستا لە وڵاتەکە بەردەستە.

 

 

View this post on Instagram

 

A post shared by Dragon Cultural Tours (@dragonculturaltours) on


-لە ساڵی ٢٠٠٨ەوە لەو وڵاتە وەزارەتی بەختەوەری هەیە، کە ئەرکی ئەوەیە دڵنیابێت لە دڵخۆشی خەڵکی وڵاتەکە.

-لە بووتان خەڵکی بێلانە بوونی نییە، چونکە گەر ماڵ و حاڵت نەما، دەتوانیت بچیتە لای پادشا و ئەویش خانوو و کێڵگەیەکت پێدەدات لە دەرەوەی شارەکان بۆ ئەوەی تێیدا بژیت و کاری تێدا بکەیت.

-لە بووتان سیستمی تەندروستی بۆ خەڵک بە خۆڕاییە و بە شێوازی کۆن و شێوازی نوێ چارەسەر بەردەستە و خۆت دەتوانیت هەڵی بژێریت کە بۆ کامیان دەچیت.

 

View this post on Instagram

 

A post shared by Miguel Castela🇵🇹🇲🇽Exploratours (@explora_world) on


-خەڵکی ئەو وڵاتە بە ژن و پیاوەوە زیاتر جلوبەرگی نیشتمانی خۆیان لەبەردەکەن.

 

View this post on Instagram

 

A post shared by Hi. I’m Valerie (@no___boundary) on

-بەهۆی ئەوەی زۆربەی خەڵکەکەی بوزین، خواردنەکانیان زیاتر ڕووەکییە، جگەرەش بە هەموو جۆرێک قەدەغەیە و وەک شتێکی قاچاخ مامەڵەی لەگەڵدا دەکرێت.

 

View this post on Instagram

 

A post shared by Spiceafffairs (@spiceafffairs) on


-وڵاتەکە زۆر کراوە نییە بەڕووی گەشتیاردا و لە پاش ساڵی ١٩٧٤، ڤیزەی گەشتیاری کرایەوە، بەڵام تا ئێستاش بۆ وەرگرتنی ڤیزا پێویستە لە ڕێگەی یەک کۆمپانیای گەشتیاریەوە داوا بکەیت و گەشتەکەت بە گرووپ بێت.

-ژنان لە کلتووری بووتانیەکان پێگەی تایبەتیان هەیە و لە پاش باوک کچی گەورە دەبێتە جێگرەوە نەک کوڕ.

-هاوسەرگیری لەگەڵ کەسێک کە بووتانی نەبێت قەدەغەیە، بۆیە دەبێت هەر لەنێو خۆیاندا هاوسەرگیری بکەن، لە پاش هاوسەرگیری کوڕەکە دێت لە ماڵی کچەکە دەژی تا ئەو کاتەی پارەی پێویستی خۆی کۆدەکاتەوە و دەچێت ماڵ جیادەکاتەوە.

 

View this post on Instagram

 

A post shared by Bhutan Traveller (@bhutantraveller) on


-لە شارەکانی وڵاتەکەدا ترافیک لایت بوونی نییە و فولکەکان بە شێوازی کلتووری درووستکراون.

 

View this post on Instagram

 

A post shared by Sam Jai Travel Diary (@onthesameplanet) on

-خانو و دوکان  و بازاڕیان بە شێوازی هەمەڕەنگ و جۆراجۆر دەڕازێننەوە.

بەردەوام بە لە خوێندنەوە

ژیاندۆستی

چەند ڕێگایەکی سەیر و ئاسان بۆ کێش دابەزاندن کە سەلماوە زۆر کاریگەرە

خێزان

ئەمەی خوارەوە چەند ڕێگایەکی سەیر و ئاسانە بۆ کێش دابەزاندن کە سەلماوە زۆر کاریگەرە:

– بەر لەوەی نان بخۆیت بۆنی مۆز و سێو بکە، حەزی خواردنت کەمدەکاتەوە.

– دەوری شین بکڕە، چونکە خواردن لە دەوری شیندا حەزی خواردن کەمدەکاتەوە

– بەر لە خواردن وێنەی خواردنەکەت بگرە، ئەمە هەم وادەکات دواتر حەزت بۆ خواردنی کەمتر بێت هەم وردتربیت لەوەی کە ئەو شتانە نەخۆیت کە کێش بەرز دەکاتەوە.

– بەیانیان هێلکە بخۆ چونکە تاماوەیەکی زۆر تێرت دەکات، بۆ نیوەڕوانیش شتی توون بخۆ

– کاتێک شتێکی قورس دەخۆیت لەبەرامبەردا بڕیاری ئەوە بدە کە دایببەزێنیت، بۆنمونە بۆ خواردنی نەستەلەیەک ١٠ خولەک ڕابکە.

– لە ژوری سارددا بخەوە، جەستەت وادەکات کالۆری بسوتێنیت بۆ گەرمکردنەوە

– بەهێواشی نان بخۆ و جوان خواردنەکە بجوو، ئەمە وادەکات گەدەت بە بڕە خواردنێکی کەمتر هەست بە تێری بکات.

 

بەردەوام بە لە خوێندنەوە

کوردستان