ئێمە لە تۆرە کۆمەڵایەتیەکان

جیهان

پسپۆڕێك: ڕەنگە ڤاكسینەكان نەتوانن چارەسەری جۆرە نوێیەكەی كۆرۆنا بكەن

خەڵك- بەشی هەواڵ
پسپۆڕێكی تەندروستی بەریتانی پێیوایە، جۆرە نوێیەكەی ڤایرۆسی كۆرۆنا كە لە باشووری ئەفریقا بڵاوبۆتەوە، رەنگە ڤاكسینەكان نەبنە مایەی لەناوبردنی و بەهێزكردنی بەرگری ئەو كەسانەی لەئێستادا لە دژی پەتاكە وەریدەگرن.

جۆن بێڵ، مامۆستای كۆلێژی پزیشكی لە زانكۆی ئۆكسفۆرد ڕاگەیاندووە، چارەسەرنەكردنی ڤایرۆسی كۆرۆنا بە ڤاكسینەكانی ئێستا، پێناچێت سیناریۆیەكی تەواو تۆقێنەر بێت، چونكە لە حاڵەتی زاڵنەبوونی ڤاكسینەكاندا بەسەر جۆرە نوێیەكەی كۆرۆنا، ئەوا تەنیا لەماوەی شەش هەفتەدا دەكرێت پەرەی پێبدرێت و ڤاكسینێكی نوێ‌ بەرهەم بهێنرێت.

بە وتەی ئەو پسپۆڕە، ئەگەر هەیە ڤاكسینەكان نەتوانن بەسەر ئەو جۆرە نوێیەی كۆرۆنادا زاڵ ببن كە لە بەریتانیا هەیە، بەڵام ئەم ڤاكسینانەی پەرەیان پێدەدرێت و ڕادەگەیەنرێن لەئێستادا، دەتوانن لەگەڵ بازهەڵدانی ڤایرۆسەكەدا هەڵسوكەوت بكەن.

لەبارەی جۆرە نوێیەكەی كۆرۆناش لە باشووری ئەفریقا، جۆن بێڵ دەڵێت”زۆری لەبارەوە نازانێت، نیشانەیەكی گەورەى سەرسوڕمان لەو بارەیەوە هەیە”.

لە هەفتەی ڕابردوودا باشووری ئەفریقا، كەرەنتینەی سەپاند دوای ئەوەی سیریل رامافوزای سەرۆكی وڵاتەكە ڕایگەیاند، ڤایرۆسە نوێیەكە كە ناوی زانستی 501 V2 ، بەشێوەیەكی خێراتر بەراورد بە كۆرۆنا كە یەكەمجار دەركەوت، بڵاودەبێتەوە.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان