ئێمە لە تۆرە کۆمەڵایەتیەکان

ژینگە

ئاژەڵی كێوی لەسلێمانی زیادیكردووە

سلێمانی ـ نزار جەزا

 

بەڕێوەبەرایەتی پۆلیسی دارستان و ژینگەی سلێمانی ئاماری كار و چالاكییەكانی ساڵی ڕابردووی خستەڕوو، بەپێی ئامارە بەردەستەكانیش ڕێژەی ئاژەڵە كێوییەكان ڕوویان لەزیادبوون كردووە.

هێمن كەمەرخان بەڕێوەبەری ڕاگەیاندن و پەیوەندییەكانی پۆلیسی دارستان و ژینگەی سلێمانی لەكۆنفڕانسێكی ڕۆژنامەوانیدا ڕایگەیاند، لەماوەی ئەمساڵدا 536 تۆمەتبار بە بەتۆمەتی ئەنجامدانی سەرپێچی جۆراوجۆر دەستگیركراون، كە بەراورد بەساڵی ڕابردوو سەرپێچیكاری كەمتر دەستگیركراون، بەهۆی ئەوەی سەرپێچییەكان كەمبوونەتەوە.

ئاماژەی بەئەوەشدا، 13 هەزار و 700 داری سروشتی سووتاون، هاوكات زیاتر لە پەنجا هەزار دۆنم دارستان و پووش و پاوان سووتاون، كە بەراورد بەساڵی پێشوو كەمتر سووتاوە.

ئەوەشی خستەڕوو، بەراورد بەساڵی ڕابردوو ڕێژەی ئاژەڵە كێوییەكان ڕوویان لە زیادبوون كردووە، ئەمەش بەهۆی هەوڵ و ماندووبوونی هێزەكانیان و زیاتر هۆشیاربوونەوەی هاووڵاتییان.

ئەمە لەكاتێكدایە، لەماوەی ساڵی 2020دا زۆرترین قسەوباس لەبارەی سووتانی دارستانەكانەوە كرا، بەهۆی سووتانی بەشێكی چیای گۆیژە و سوتانی دارسنەوبەرەكانی ڕێگای ڕاپەڕین، كە بووە هۆی سووتانی دارەكان و لەناوچوونی ژمارەیەك ئاژەڵی كێوی.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان