ئێمە لە تۆرە کۆمەڵایەتیەکان

جیهان

بەڤیدیۆ..چاو بادامییەكان گەورەترین و جوانترین شاری سەهۆڵیان بنیاتنا

خەڵك-بەشی هەواڵ

 

فیستیڤاڵی ساڵانەی بەفر و سەهۆڵ لە شاری هاربینی وڵاتی چین لەگەڵ بوونی ڤایرۆسی كۆرۆنا كرایەوە.
تۆڕی (سپوتنیك) بڵاویكردەوە، سی و حەوتەمین فیستیڤاڵی نێودەوڵەتی سەهۆڵ و بەفر لە شاری هاربینی چین لەكاتێكدا دەستیپێكردووە، كە چەندین هەفتەیە لە خانو و بینا بەرزەكان سەرقاڵی كاركردن و بە سەهۆڵكردنی ئەو شارەن تاكو بۆ فیستیڤاڵەكە ئامادە بێت.

ئەم شارە لە چین زۆر جوان و سەرنجڕاكیشە و سەرنجی ژمارەیەكی زۆر لە هاووڵاتیانی بۆخۆی ڕاكێشاوە، هەر كەسێكیش بیەوێت سەردانی ئەو شارە بكات سەرەتا پشكنینی كۆرۆنای بۆ دەكرێت.

ئەم فیستیڤاڵە ساڵانە لە شاری هاربین لە پارێزگای هیلونگ جیانگ لە باكوری ڕۆژهەڵاتی چین دەكرێتەوە و شارێك بە درێژی 300 هەزار مەترسی چوار گۆشە لە بەفر و سەهۆڵ كە خۆی لە چەندین بینا و بابەتی جوان دەبینێتەوە دروست دەكەن و لە 5ی هەموو مانگێكی یەك دەستپێدەكات و بۆ ماوەی مانگێك بەردەوام دەبێت.

بینا سەهۆڵییەكانی ئەم فیستیڤاڵە، كە زیاتر لە سەهۆڵەكانی ڕووباری سونگا دروست كراون لە گەورەترین موجەسەمەكانی شارە سەهۆڵییەكەن.

زۆرێك لە هاووڵاتیان پێشوازی لە كردنەوەی شارەكە دەكەن و هاوكات بەشێكی دیكەش ڕەخنەی ئەوە دەگرن، كە وڵاتی چین بە ناردنی ڤایرۆسی كۆرۆنا پیشەسازی خۆی خراپ كردووە و تەنها چینییەكانی دەتوانن سەردانی شارەكە بكەن، هاوكات بەشێكی دیكەش دەڵێن، چینییەكان هەموو دونیایان تووشی كۆرۆنا كرد، ئێستاش خۆیان سەرقاڵی فیستیڤاڵ و خۆشییەكانی خۆیانن و دەشڵێن، ئەو چاوبادەمیانە تەنها خۆشییان بۆ خۆیان دەوێت و بەم كارەشیان ئەوەیان نیشاندا ئەوان كاری بە كۆمەڵیان قبوڵ نییە.

جیهان

گردبوونەوەی چەكداری لایەنگرانی ترەمپ دەستیپێكرد

خەڵك- بەشی هەواڵ

رۆژنامەی واشنتن پۆست ئاشكرایكرد گردبوونەوەی چەكداری لایەنگرانی دۆناڵد ترەمپ سەرۆكی ئەمریكا لە پێش باڵەخانەی كۆنگرێس لە شاری ئۆستن لە ویلایەتی تێكساس دەستیپێكرد.

بەپێی راپۆرتی رۆژنامە ئەمریكاییەكە، بەشداربووانی گردبوونەوەكە چەكیان پێیە لە جۆری دەمانچە و بۆمب و ئەمەش ترس و دڵەڕاوكێی دروستكردووە.

ئەمە هاوكاتە لەگەڵ ئامادەكارییە ئەمنییەكان لە ویلایەتی تێكساس بۆ بەرەوڕوبوونەوەی شەپۆلی ناڕەزایەتییەكان.

رۆژی هەینی نوسینگەی لێكۆڵینەوەی فیدراڵی هۆشداری دا لە ئەگەری بوونی بۆمب لەنێو خۆپیشاندەرانی دژی دانانی جۆ بایدن بە سەرۆكی ئەمریكا لە رۆژی چوار شەممە.

بەپێی بڵاوكراوەی نوسینگەی لێكۆڵینەوەی فیدراڵی ئێف بی ئای كە تۆڕی دەنگۆباسی ئەی بی سی نیوز بڵاویكردووەتەوە، مەترسیەكی گەورە لەسەر پیاوانی ئاسایش و رەوشی گشتی هەیە لە حاڵی بەركارهێنانی بۆمب لەلایەن خۆپیشاندەرانەوە لە كاتی رێوڕەسمی دەستبەكاربوونی جۆ بایدن لە 20ی ئەم مانگەدا.

بەپێی بڵاوكراوەیەكی دیكەی ئێف بی ئای كە تۆڕی سی ئێن ئێن بڵاویكردەوە، خۆپیشاندەران پلانیان داناوە بۆ گردبوونەوەی چەكداری لە نزیك نوسینگەكانی كۆنگرێس لە سەرانسەری ئەمریكا لە 17ی كانوونی دووهەم.

لە ئەمریكا رێوشوێنی توند گیراوەتەبەر بە تایبەت لە واشنتن بە هەزاران ئەندامی پاسەوانی نیشتمانی بڵاوەیان پێكراوە.

هاوكات شەوی رابردوو چەكدارێكی لایەنگری دۆناڵد ترەمپ كە دەمانچەی پێبووە لە كاتی هەوڵی تێپەڕاندنی خاڵێكی پشكنینی كۆنگرێس دەستگیركرا.

بەردەوام بە لە خوێندنەوە

جیهان

ئێران مووشەكێكی ئاڕاستەی نزیك هێزە ئەمریكاییەكان كرد

خەڵك- بەشی هەواڵ

تۆڕی هەواڵی فۆكس نیوزی ئەمریكایی ئاشكرایكرد مووشەكێكی ئێرانی لە زەریای هیندی لە دووری 100 میل لە فڕۆكەهەڵگری ئەمریكایی نیمیتز كەوتووەخوارەوە.

كاربەدەستانی ئەمریكایی رونیانكردەوە كە مووشەكە ئێرانییەكە بە لای كەمەوە 20 میل لە دووری كەشتییەكی بازرگانی كەوتووەتەخوارەوە، بەڵام وردەكاری دیكەیان ئاشكرانەكردووە.

فڕۆكەهەڵگری ئەمریكایی نیمیتز نزیكەی 100 میل لە دووری شوێنی كەوتنەخوارەوەی مووشەكە ئێرانییەكە بووە كە لە جۆری بالیستی بووە.

كەوتنەخوارەوەی ئەو مووشەكە ئێرانییە لە نزیك فڕۆكەهەڵگرە ئەمریكاییەكە، هاوكاتی بەڕێوەچوونی مانۆڕێكی سەربازی ئێرانە لە ناوچەی بیابانی ئێران لە نێوەڕاستی وڵات.

ئەم رووداوە هاوكاتی توندكردنەوەی فشارەكانی ئەمریكایە لەسەر ئێران و زیادبوونی مەترسی بەریەككەوتنی هەردوو وڵات بەتایبەت لە رۆژەكانی كۆتایی بەڕێوەبەرایەتییەكەی ترەمپدا.

بەردەوام بە لە خوێندنەوە

جیهان

لە نزیكی كۆنگرێس چەكدارێك دەستگیركرا

خەڵك- بەشی هەواڵ

پۆلیسی ئەمریكا لەنزیك گۆنگرێس لە واشنتنی پایتەختی ئەمریكا چەكدارێكی دەستگیركرد.

تۆڕی هەواڵی سی ئێن ئێن-ی ئەمریكایی ئاشكرایكرد هێزەكانی پۆلیس پیاوێكیان دەستگیركردووە كە ویستوویەتی یەكێك لە خاڵەكانی پشكنینی كۆنگرێس ببڕێت.

ئاشكراشیكرد ئەو كەسە چەكێكی لە جۆری دەمانچە پێبووە و گومانلێكراو بووە.

چەند رۆژێكە نوسینگەی لێكۆڵینەوەی فیدراڵی ئەمریكا هۆشداری داوە بە هێزەكانی پۆلیس كە لەگەڵ نزیكبوونەوەی وادەی دەستبەكاربوونی سەرۆكی نوێ جۆ بایدن لە ئەمڕۆ تا چوار شەممە ئەگەری دروستبوونی ناڕەزایەتی و جوڵانەوەی چەكداری هەیە لە سەرانسەری ئەمریكادا بەتایبەت لە پایتەختی ویلایەتەكان بەتایبەتتر واشنتن.

بۆ رێگری لە روودانی هەر رووداوێكی نەخوازراو لە بە هەزاران ئەندامی هێزەكانی پاسەوانی نیشتمانی لە واشنتن بڵاوەیانپێكراوە و باری نائاسایی راگەیەنراوە.

بەردەوام بە لە خوێندنەوە

کوردستان