ئێمە لە تۆرە کۆمەڵایەتیەکان

ژینگە

كەشوهەوای بەهاری كۆتایی دێت و سێ‌ شەپۆلی بەفر و باران هەرێم دەگرێتەوە

خەڵك- بەشی هەواڵ
بەپێی پێشبینییە كەشناسییەكان ئەو كەشوهەوا بەهارییەی ناوچەكانی هەرێمی كوردستانی گرتۆتەوە كۆتایی دێت و سێ‌ شەپۆلی بەفر و باران لەم مانگەدا ناوچەكانی هەرێم دەگرێتەوە.

ئاراس جەبار، شارەزای كەشناسی بۆ (خەڵك) ڕایگەیاند، سبەینێ چوار شەممە ١٣ی١ی٢٠٢١ لە ئەنجامی كۆتا كاریگەری بارستە ھەوای گەرمی بیابانی (ڕۆژئاوای ئەفریقا ) پلەكانی گەرما بەرێژەی ٢ تا ٤ پلەی سلیزی لە تەواوی ناوچەكانی ھەرێمی كوردستان و ناوچە شاخاوییەكانیش ڕوو لەبەرزبوونەوە دەكات و بەمەش كۆتا ڕۆژ لەو كەشە نیمچە بەھارییە بەڕێ دەكەین، كە ماوەی ٢٠ رۆژە لە ئەنجامی بێبارانی كاریگەری ناوچە پەستان بەرزەكانەوە دروستبووە.

ڕاشیگەیاند، لە ڕۆژانی پێنج شەممە و ھەینیەوە ھەرێمی كوردستان پێدەنێتەوە كەشی زستانەی خۆی و بارانبارین و سەرما قۆناغ بە قۆناغ دەستپێدەكاتەوە.

ئاماژەی بەوەشكرد، دوابەدوای شەپۆلێکی بارانبارین لە ڕۆژانی ١٤-١٥-١٦ی ئەم مانگە شەپۆلێکی دیکەی بارانبارین و بەفر بارین لە مەودای ڕۆژانی ١٧ بۆ ٢١ی ئەم مانگە ناوچەکانی ھەرێمی کوردستان دەگرێتەوە بەھەمان سەرچاوەی نزمە پاڵەپەستۆیەکانی دەریای ناوەراست و کاریگەری بارستە ھەوایەکی ساردیشی لەگەڵ ئەبێت.

ئەو شارەزایەی بواری كەشناسی وتیشی، “سێھەم شەپۆلی بارانبارین و بەفر بارین بە ئەگەرێکی ناجێگیر دەکەوێتەوە مەودای ڕۆژانی ٢٥ بۆ ٢٧ ی کۆتایی مانگ و لەم شەپۆلەدا پێشبینی بەفر بارین بۆ سەنتەری شارەکانیش دەکرێت”.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان