ئێمە لە تۆرە کۆمەڵایەتیەکان

ژینگە

شەپۆلێكی بەفر و باران هەرێم دەگرێتەوە و ڕەشەبای لەگەڵ دەبێت

خەڵك- بەشی هەواڵ
ئەو بێ‌ بارانییەی ماوەی نزیكەی مانگێكە عیراق و هەرێمی گرتۆتەوە كۆتایی دێت و بەپێی ڕاپۆرتە كەشناسییەكان، لە ئێوارەی سبەینێوە ناوچەكانی هەرێمی كوردستان دەكەونە ژێر كاریگەری شەپۆلێكی بەفر و باران و هەندێك كات ڕەشەبای لەگەڵ دەبێت و پلەكانی گەرما ڕووو لە نزمبوونەوە دەكەن.

محەمەد كەمال، شارەزای كەشناسی بۆ (خەڵك) ئاماژەی بەوەكرد، بەهۆی كاریگەری ناوچەیەكی پەستان نزمی دەریای ناوەڕاست پێشبینی دەكەین لەسبەینێ پێنج شەمكە 2021/1/14 بەفر و باران لەناوچەكانمان دەست پێبكات، سەرەتاش لە سنوری دهۆك و زاخۆ و بەگشتی بادینان دەست پێدەكات بەبارانێكی مام ناوەندی زستانی و بۆ كاتەكانی نزیك ئێوارە دەگاتە سنوری هەولێر و سلێمانی و كەركوك و سۆران و ڕاپەڕین و دواتریش هەڵەبجە و گەرمیان بەشێوەی بارانی ناوبەناوی مام ناوەند دەست پێدەكات.

ئاماژەی بەوەشكرد، لەكاتەكانی درەنگانی سبەی شەو بۆ بەرەبەیانی هەینی قوڵایی شەپۆلەكەیە و لەگەڵ دەستپێكی سەرەتای شەپۆلەكە بارستە هەوایەكی سارد تێكەڵی شەپۆلەكە دەبێت و بەڕێژەی 5 پلەی سیلیزی پلەی گەرما دادەبەزێت.

دەشڵێت: “هەربۆیە ئەگەری بەفربارین هەیە بۆ (سیدەكان، چۆمان، حاجی ئۆمەران، پێنجوێن، بەشێكی سۆران، چوغماغ، ماوەت، چوارتا، بەرزایەكانی سلێمانی، سەفین، كۆڕەك، حەسەن بەگ، مێرگەسۆر، بارزان، شیلادزێ، ئامێدی، بامەڕنێ لەگەڵ چیاكانی تری ئەم ناوچانەی ناوبران)”.

ئەو شارەزایەی بواری كەشناسی پێبینی ئەوە دەكات، “لەسبەینێوە خێرایی با چالاكی دەست پێدەكات بەڕێژەی 25 بۆ 37 كیلۆمەتر لە كاتژمێرێكدا، لەئێوارەی هەینی كۆتایی بەخێرای با دێت”.

ڕوونیشی كردەوە، “ئێوارەی ڕۆژی هەینی 2021/1/15 شەپۆلی دەریایی كۆتایی پێدێت و ‌پلەكانی گەرما 1 پلە بەرزدەبنەوە لەدوای ئەم شە‌پۆلەشەوە شە‌پۆلێكی تریش هەرێم دەگرێتەوە”.

لای خۆشیەوە، كەشناسی هەرێم لە ڕاگەیەنراوێكدا ئاماژەی بەوەكردووە، هەرێمی کوردستان دەکەوێتە ژێر کاریگەری درێژبوونەوەی دوو شەپۆلی باران بارین، كە شەپۆلی یەکەم و لە ڕۆژی پێنج شەممە دەست پێ دەکات تاوەکو ڕۆژی هەینی بەردەوام دەبێت.

ئاشكراشی كردووە، شەپۆلی دووەم لە ماوەی نێوان ئێوارەی رۆژی یەک شەممە کاردەکاتە سەر ناوچەکەمان تاوەکو ئێوارەی ڕۆژی سێ شەممە بەردەوام دەبێت.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان