ئێمە لە تۆرە کۆمەڵایەتیەکان

ژینگە

توركیا، ئاوی خواردنەوەی ئیستەنبوڵ تەنیا بەشی 45 ڕۆژی تر دەكات

خەڵك- بەشی هەواڵ
توركیا ڕووبەڕووی مەترسی نەمانی ئاوی خواردنەوە دەبێتەوە لەماوەی ئەم چەند هەفتەیە، ئەو ئاوەی لە ئیستەنبوڵیش هەیە تەنیا بەشی 45 ڕۆژی تر دەكات.

ڕۆژنامەی (گاردیان)ی بەریتانی بڵاویكردەوە”كەمبوونەوەی بارانبارین بۆتە مایەی دروستكردنی گەورترین وشكەساڵی لە ماوەی دە ساڵی ڕابردوو لە توركیا، لەئێستاشدا دانیشتوانی شاری ئیستەنبوڵ كە ژمارەیان 17 ملیۆن كەس دەبێت، مەترسی نەمانی ئاوی خواردنەوەیان لەسەرە، بەو هۆیەی ئاوی عەمباركراو بۆ ئەمساڵ بۆ نزمترین ئاست دابەزیوە”.

ئیستەنبوڵ تاكە شاری نییە كە هەڕەشەی تینویەتی لێدەكرێت، بەڵكو شارەكانی تری وڵاتەكەش هەمان هەڕەشەیان لەسەرە، لەو بارەیەوە مەسنور یافاش سەرۆكی شارەوانی ئەنقەرە ڕایگەیاندووە”پایتەخت ڕووبەڕووی كێشەی وشكەساڵی و كەمبوونەوەی ئاوی عەمباركراو بووە و ئەو ئاوەی هەیە تەنیا بەشی 110 ڕۆژ دەكات”.

هەروەها ئەزمیر و بۆرسەش كە لە شارە گەورەكانی توركیان، بەدەست كەمبوونەوەی ئاستی ئاوی خواردنەوەوە دەناڵێنن، جوتیارانیش ترسی ئەوەیان هەیە، بەروبومی دانەوێڵەی چێنراویان لەمساڵدا بەهەدەر بچێت.

توركیا لە نیوەی دووەمی 2020وە گیرۆدەی كەمی بارانبارین بووە، پاشەكشەكردنەكەشی لەو ڕووەوە دەگاتە 50%.

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

بەردەوام بە لە خوێندنەوە

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

کوردستان