ئێمە لە تۆرە کۆمەڵایەتیەکان

کوردستان

نەپەگە ئاماری چالاكییەكانی 2020ی بڵاوكردەوە

خەڵك- بەشی هەواڵ

فەرماندەیی بڕیارگەی ناوەندی پاراستنی گەل ڕایدەگەیەنێت ، گەریلا لەساڵی ٢٠٢٠دا گورزی گەورەیان وەشاندووە، بەڵام توركیا بە هێزی میدیایی خۆیەوە ڕاستییەكان چەواشە دەكات و لە خەڵكی دەشارێتەوە ، دەشڵێت،”لە ساڵی پاردا زیاتر لە هەزار سەربازی توركیا كوژراون”.

فەرماندەیی بڕیارگەی ناوەندی پاراستنی گەل ئاماری شەڕی ساڵی ٢٠٢٠ ی ئاشكراكرد و ئاماژە بۆ ئەوەدەكات، كە توركیا لەو ساڵەدا لە پەلامارەكانیدا ڕووبەڕووی تێكشكانی گەورە بووەتەوە و هیچ ئەنجامێكدا سەرۆكەوتوو نەبووە هێزەكانی گەریلاش بە گشتی هەزارو 5 سەربازی توركیایان كوشتووە.

لە ڕاگەیەنراوێكدا ئەوەشخراوەتەڕوو، سوپای توركیا لە سەرخاكی باكووری كوردستان ٩٢ ئۆپەراسیۆن ، ٣٢٩ هێرشی ئاسمانی و ٢٣جاران تۆپبارانی ناوچەكانی كردووە، هێزەكانی گەریلاش لەناو خاكی باكووری كوردستان لە دژی سوپای توركیا ٨٢ چالاكی ئەنجامداوە، لەو چالاكییانەدا و لەو شەڕانەدا بەگشتی ٣٦٩ سەربازی دوژمن كوژراون.

دەقی ڕاگەیاندراوەكە:

ئێمە ساڵی ٢٠٢٠مان كە لە مێژووی بەرخۆدانی گەلی كوردستان خاوەن پێگەیەكی گرنگە، دەرباز كرد، ساڵی ٢٠٢٠ كە لە هێڵی تێكۆشانی ئازادی كوردستان و گەلەكەمان بووە ساڵی بەرخۆدانێكی سەراسەری، بووە ساڵێكی بەرخۆدانی لە دژی دەوڵەتی توركی پیلانگێڕ و فاشیست كە لە هەموو بووارێكەوە لە دژی گەلەكەمان، نوێنەرانێ ئێمە گوشار و گرفتیان درووستكردووە، دەوڵەتی توركی داگیركەر كە لە ساڵی ٢٠١٩ زۆر پاشەكشێی كردبوو، لە ساڵی ٢٠٢٠ جارێكی تر بە بانگەشەی ئەوەی كە تێكۆشانی ئێمە لە ناو ببات دەركەوت، لەو چوارچێوەیەدا هەموو هێزی خۆیان خستەگەڕ، بە سیاسەتی شەڕی قڕێژ هەموو هەوڵی خۆیدا كە شەڕی هەرچوار بەشی كوردستان بكات و دەسكەوت بەدەست بێنێت.

بەڵام ڕژیمی فاشیستی قڕكەری ئاكەپە-مەهەپە كە بانگەشەی ‘ لەناوبردنی یەكجارەكی‌ گەریلاكانئ ئازادی كوردستان دەكات و خۆیان بۆ ئەم مەبەستە ئامادە كردووە، لە ساڵی ٢٠٢٠ هیچ ئەنجامێكیان دەست نەخستوو، گەریلاكانی هەپەگە و یەژاستار كە بە بەرپرسیارەتی گەیاندنی گەریلای سەردەم لە ٢٠٢١ سەرقاڵ بوون، لەلایەك بە تاكتیكی گەریلای سەردەم، چالاكیەكانیان زۆركردووە و گورزیان لێ داون، گورزی قوورسیان لە دوژمنی قڕكەر وشاندووە، لەلایەكی ترەوە لە ڕووی شێوازی جووڵەی گەریلای نوێدا بە پێی پێویستی سەردەم، لە ئاستێكی بەرزدا هێرشەكانی دوژمنیان پوچەڵكردەوە و جارێكی تر هەموو پیلانێك بۆ تێكشكاندنی تێكۆشانی ئازادی كوردستان پووچەڵ دەكرێتەوە، بوونی قەیرانی ئابووری، سەربازی، سیاسی دەوڵەتی تورك بێگومان هەڵمەتی بەرخۆدانی تێكۆشانی ئازادی كوردستان فراوانتر دەكات.

‘لە ٢٠٢٠ لە باكووری كوردستان بەرخۆدانێكی مێژوویی كرا‌

لە باكووری كوردستان كە گەریلاكانی ئازادی كوردستان تێیدا دامەزراوە و لە دژی پیلانگێڕی شەرێكی گەورە دەكەن، هێزەكانی ئێمە لە ئاستێكی زۆر بەرخۆدانی و فیداكاری كردووە، وەك نوێنەری ئەم ڕێچكە بەرخۆدانیە پەكەكە، گەریلاكانی هەپەگەی فیدایی خۆی كە بە ئایدۆلۆژیای ئاپۆیی خۆیان تەیاركردووە، دەستیان بەتێكۆشان كردووە و پلانەكانی دوژمن پووچەڵ دەكاتەوە، بە هەلوێستی قارەمانانە بە پێشەنگایەتی عەگید جڤیان، یەڵماز دەرسیم، ئامارا ڕۆناهی، سەما كۆچەر، سەرهەڵدان و یەڵدزەكان ساڵی ٢٠٢٠ لە سەرخاكی باكووری كوردستان بەرخۆدانیەكی مەزنیان كردووە، لە كۆتایی ساڵەكەدا، لە گەلەداخ كە دەرگای بەرخۆدانی ئیحسان نووری پاشایە، لە نێوان ٢ بۆ ٢٧ی تەشرینی دووهەم لە دژی ئۆپەراسیۆنی دوژمن كە پلانی لە ناوبردنی گەریلای دابوو بەرچاوی خۆی، ئەو بەرخۆدانەی كە هێزەكانمان نیشانیاندا و لەو ئۆپەراسیۆنەی دوژمندا كە ٢٤ ڕۆژ بەردەوام بوو، بێ ئەوەی هێزەكانمان زیانیان بەركەوێت، گورزێكی كوشنەدە لە دوژمن درا و بە دەست خستنی چەك و جبەخانەی دوژمن نموونەیەكی سەرنج ڕاكێشە بۆ ئاستێكی هەرە پرۆفیسیۆناڵ كە گەریلاكان لە باكووری كوردستان نیشانی دەدەن، بەڵام دەوڵەتی توركی داگیركەر، بە هێزی میدیایی خۆیەوە ڕاستییەكان چەواشە دەكات و لە خەڵكی دەشارێتەوە، بەرخۆدانی لە باكووری كوردستان لە ساڵی ٢٠٢٠، لە دژی پیلانگێڕی دەوڵەتی تورك كە دوای ساڵی ٢٠١٦ وەك ئامانجێكی گەورە داویەتە بەر چاوی خۆی كە لە باكووری كوردستان گەریلا دەرخات و بۆ ئەوەی تێكشكاندنی خۆی لەم بووارەدا بشارێتەوە، ڕۆژانە بە بڵاوكردنەوەی ئاماری درۆ گەل چەواشە دەكات، بووەتە گورزێكی سەخت، ڕژیمەكەی ئاكەپە و مەهەپە ی قڕكەر و پیلانگێڕ، بە بەشداری هەزاران سەرباز دەیان ئۆپەراسیۆنی بەربڵاویان ئەنجامداوە بە ئامانجی لە ناوبردنی گەریلا كە لەم بوارەدا تووشی شكەستی گەورە هاتووە، سوپای تورك لە سەرخاكی باكووری كوردستان ٩٢ ئۆپەراسیۆن، ٣٢٩ هێرشی ئاسمانی و ٢٣جاران تۆپبارانی ناوچەكانی كردووە، هێزەكانی گەریلاش لەناو خاكی باكووری كوردستان لە دژی سوپای داگیركەری تورك ٨٢ چالاكی ئەنجامداوە، لەو چالاكییانەدا و لەو شەڕانەدا بەگشتی ٣٦٩ سەربازی دوژمن كوژراون، لە ئەنجامی هێرشەكانی دوژمندا ١٦٥ هەڤاڵی ئێمە شەهید بوونە. ڕژێمی فاشیست – داگیركەری ئاكەپە و مەهەپە لەلایەكەوە هەم لە باكووری كوردستان ئەو ئەنجامەی كە دەیخواست بە دەستی نەهێنا و لەلایەكی تریشەوە هێرشی كردە سەر هەرێمەكانی پاراستنی مەدیا و خاكی باشووری كوردستان و خواستی ئەنجام بەدەست بهێنێت، لێرەدا لەسەر بنەمای بە دەستهێنانی سەركەوتن هەوڵی دا خەونی عوسمانیی نوێ زیندوو بكاتەوە، بەڵام گەریلاكانی ئازادیی كوردستان لە هەفتانین و خواكورك لە دژی سوپای فاشیستی تورك، كە هەوڵی دەدا و دەیخواست ئۆپەراسیۆنی داگیركەری پێشبخات، بەرەنگارییانكرد، لە هەرێمەكانی پاراستنی میدیا گورزی گەورە و قورسیان لە دوژمنان دا، هەڵوێستی مێژوویی، قاسم ئەنگین، لەیلا ئاگری، عەگید گارزان، بارگران، ئەسمەر، نوجان و ڕۆستەم نیشانیاندا و سەلماندیان، كە داگیركەران هەرگیز لەسەر خاكی كوردستان سەر ناكەوێت.

شێوازی شەڕ بە شێوازی ئاسمانی بە ئەنجام و پووچكرایەوە

هاوڕێیانمان لە ساڵی ٢٠٢٠دا لە دژی ٣٠ ئۆپەراسیۆنی وشكانی، ١٢٦٠ هێرشی ئاسمانی و ١٨٣ هێرش بە تۆپخانە و هاوەن بۆ سەر هەرێمەكانی پاراستنی مەدیا، بە فیداكارییەكی گەورە و بە گیانی بەرخودان جوڵانەوە و ٣١٥ چالاكییان ئەنجامدا، لەو چالاكی و شەڕانەدا ٦٣٦ سەربازی دوژمن لەلایەن هیزەكانمانەوە سزا دراون، لە ئەنجامی هێرشەكانی دوژمندا ١٩٧ هاوڕێیمان شەهید بون و بەشداری كاروانی نەمران بوون، لە جەنگی هەفتانین دا، كە ٦ مانگ و نیو لە ناو دڵی دوژمندا بە فەرماندەیی بارگرانەكان و ئەسمەرەكان بە شێوازی شەڕی گەریلایی سەردەم شەڕیان كرد و تێكیانشكاندن، بە بەرخودانێك، كە داستانی ئافراندووە، وەك ئەوەش لە خواكوركدا لە ناو دڵی دوژمندا بە درێژایی تەواوی ساڵ شەڕ و بەرخودان كرا، هەروەها لە هەموو لە هەرێمەكانی پاراستنی مەدیا و سەرباری بۆردومانەكان، ئەو تابلۆیە نیشانی دەدات، كە دەوڵەتی تورك بێ ئەنجام بووە، بە شێوازی جوڵەی ڕاست لەلایەن هێزەكانمانەوە و هەڵوێستی بەجێهێنان، شێوازی شەڕ لەسەر هێرشە ئاسمانییەكان، كە دەوڵەتی تورك هیوای گەورەی لەسەر هەڵچینبوون، بێ ئەنجام و پووچ كرا.

هەم لە باكووری وڵات و هەمیش لە باشوور لە ئاستی بەرخودان و لە ئاستی ژمارەدا هێزەكانی هەپەگە لە دژی سوپای كۆماری توركیای فاشیست ئەنجامیاندا، هەروەها ئەوەیان سەلماند، كە پلانەكانی قەڵاچۆكردن، پاكتاوكردن و سڕینەوە لەلایەن ڕژێمی فاشیستی ئاكەپە – مەهەپەوە چۆن پووچكراونەتەوە، سەرباری پڕوپاگەندە، كە سیستمی شەڕی تایبەت بە پێچەوانە نیشاندانی گەورە و بڵاوكردنەوەی درۆ، هەموو ڕاستییەكانی شەڕ بەو ژمارانە بە شیوەیەكی ڕوون دەخاتە بەرچاو. قۆناغی شەڕی كوردستان بە شێوەیەكی زۆر ڕاست لەلایەن ناوەندی چاپەمەنی و ڕاگەیاندنی هێزەكانی پاراستنی گەل (هەپەگە)ەوە بۆ ڕای گشتی بڵاودەكرێتەوە، ئەوانەی دەیانەوێت ئاماری ڕاست و دروستی ئەو شەڕەیان دەست بكەوێت، بە چاودێریكردن و خوێندنەوەی ڕاگەیاندراوەكانی هەپەگە دەتوانن ڕوونترین و شەفافترین زانیاری بە دەست بهێنن، لەبەر ئەوەش، دەوڵەتی توركی داگیركەر لەسەر ئەو بابەتە قورسایی خستووەتە سەر شەڕی دەروونی و هەرگیز ڕاستییەكان بڵاوناكاتەوە و بە بەردەوامی ڕاستییەكان چەواشە دەكاتە و بە هەڵگەڕاوەیی پیشانیان دەدات.

گەریلاكانی ئازادی لە ٢٠٢١ دا بە بەهێزی بە ڕۆڵ و ئەركەكانی هەڵدەستن

قۆناغی بەرخودانی ٢٠٢٠، دروستبوونی ڕێنماییەكانی سەرلەنوێ بونیاتنانەوەی گەریلاكان لە كوردستان نوێبوونەوە و بەرخودانی گەریلای سەلماند، گەریلاكانی ئازادیی كوردستان لە مێژووی تێكۆشانماندا بۆ یەكەمجار ئامێری ئاسمانییان بەكارهێنا و لەسەر بنەمای فەلسەفەی ئاپۆیی، كە تاوەكو دێت هۆش و لێهاتووی مرۆڤ زیاتر و گەشتر دەكات، خۆیان بە قوڵایی تاكتیك و شێوازی سەركەوتوانە دەگەیەنن، ئەوە دەركەوت، بەو ڕێنماییە سەردەمیانمان هێزەكانی گەریلا بە فەرماندەیی فەرماندە پێشەنگەكان، تاكتیكەكان نوێ بكەنەوە و لێی قوڵ ببنەوە، ئەوەش دەبێتە هێزی سەركەوتنی گەورەتر، لەو چوارچێوەیەدا هێزەكانی پاراستنی گەل خۆیان بۆ پراتكی ٢٠٢١ ئامادە دەكەن و ئاڵای ئازادی، كە شەهیدە قارەمانەكانمان لە بەرخودانی ٢٠٢٠دا بۆیان بەجێهێشتووین، بە دڵنیایەوە لە ئاسماندا شەكاوە دەبێت، بەدڵنیاییەوە لە ڕێكردنی ئازادكردنی ڕێبەر ئاپۆ و گەلی كوردستاندا دەبێتە هێزی پێشەنگ و كاریگەر و بەو بڕیارە و بەو پێداگرییەوە بە دڵنیاییەوە سەردەكەون. هەموو پێشكەوتن و گەشەسەندنەكان كە لە ڕۆژگاری ئەمڕۆماندا بەدەستهاتوون، نیشانی دەدات، كە ساڵی ٢٠٢١ بۆ گەلانی كوردستان و هەرێمەكە ساڵێكی ئاساییی نابێت، گەریلاكانی ئازادیی كوردستان لە هەرێمەكەدا بوونەتە هاوژیانی گەلان، لەو قۆناغە مێژوویی بەردەمماندا بە دڵنیاییەوە و بە مسۆگەری بە ڕۆڵی خۆی هەڵدەستێت، بەوەش بۆ هاوڕێیانی شەهیدی قارەمان و ڕێبەرایەتیمان دەبنە وەڵام.

ئاماری شەڕی ساڵی ٢٠٢٠ بەمشێوەیەیە:

هێرشەكانی سوپای كۆماری توركیا

ئۆپەراسیۆنی زەمینی – ١٢٢

هێرشی ئاسمانی – ١٥٨٩

هێرش بە تۆپخانە و هاوەن و تانك – ٢٠٦

ئەنجامی چالاكییەكانی گەریلا لە دژی هێرشەكان

چالاكییەكانی گەریلا – ٣٩٧

هێرشی ئاسمانی گەریلاكان (چالاكییەكنای هێزی پاراستنی ئەسمانیی شەیهد دەلال ئامەد) – ١٣

ئەو شەڕ و پێكدادانانەی ڕوویانداوە – ٦٣

ئەو چالاكییانەی ئەنجامەكانیان ڕوون نەبوونەتەوە – ١٢٠

ئەو هێزانەی دوژمن كە سزا دراون – ١٠٠٥

سەربازە پلەدارە سزادراوەكان

(١ سەرهەنگ، ١ ئەفسەری یەكەم، ١ سەرپەل، ٤ ئەفسەری پسپۆڕ، ٢ ئەفسەر) بەگشتی ٩ پلەدار

هێزی برینداری دوژمن – ١٠٥

زرێپۆشە تەقێنراوەكانی دوژمن – ١٨

ئۆتۆمبێلە ئاسایی و مەدەنییەكانی دوژمن كە تێكشكێنران – ٣

حەفارە و شۆفێڵی تێكشاوی دوژمن – ١٦

خستنە خوارەوەی درۆن – ٣

تێكشكاندنی كۆپتەر – ١

گورزدان لە كۆپتەرەكانی دوژمن – ١٢

هاوڕێ دیلكراوەكانمان لەلایەن دوژمنەوە – ١٠

هاوڕێ شەهیدەكانمان – ٣٥٨

ریکلام

ئابوری

نوێنەرێك سێ‌ پێشنیار بۆ حكومەتی هەرێم دەكات

خەڵك – بەشی هەواڵ

ئەندامێكی ئەنجومەنی نوێنەرانى عيراق لە فڕاكسیۆنی یەكێتی دەڵێت:”مەلەفی نەوت زۆر هەڵدەگرێت و زۆریشی لەسەر نووسراوە، بەڵام دەرەنجام نەوت نەبووە بە مایەی خێر و خۆشی بۆ خەڵكی كوردستان”.

هەرێم كەمال ئاغا ئەندامی ئەنجومەنی نوێنەران لە فڕاكسیۆنی یەكێتی لە نووسینێكدا ئاماژەی بەوەداوە:”بەداخەوە ئەوەی لە چەند ڕۆژی ڕابردوو لە ڕاپۆرتی كۆمپانیای دیلۆیت بینیمان سەبارەت بە داهات و خەرجیيەكانی نەوت، مـرۆڤ تووشی شۆك دەبێت”.

ئەو نوێنەرە لە نووسینەكەشیدا سێ‌ پێشنیاری بۆ حكومەتی هەرێم كردووە بۆ زاڵبوون بەسەر قەیرانی دارایی و ڕێككەوتن لەگەڵ بەغدا و دابینكردنی مووچەی مووچەخۆران.

 

دەقی نووسینەكەی هەرێم كەمال ئاغا:

 

مەلەفی نــەوت زۆر هـــەڵدەگـرێت زۆریش لەسەری نوسراوە بەڵام دەرئــەنجــام نــەوت نەبوو بە ماییەی خێر و خۆشی بۆ خـــەڵكی كوردســتان .

لەســـەرەتادا كاتێـــك سەركردایـــەتی سیــاسی كوردستان لە حوزەیرانی ســـاڵی 2009 بـریاری رەوانەكردنی نەوتی دا بۆ دەرەوە ئـەمە هەنــگاوێكی گرنـگ بوو لەرووی ئابووریەوە بۆ هەرێمی كوردســتان ، چونكە نەوت بۆ ژێرخانی ئابووری هەر ولاتێك سێكتەرێكــی داهـــاتی بــەهێزە ، ئەو ولاتـانەی نەوت تیاندا بە درووستی بەكارهێنراوە هەمیــشە نەوت بۆیان بووە بە مایــیەی ئارامـــی و خۆشـــگوزەرانی و بـــەهێز بــوون و پاراســـتنی ئاســـایشی سیــادەی دەولەت .

یەكێتی نیشتیمانی كوردســـتان ســـەرباری كێــشمە كێشــمی زۆر و ئاڵنـــگاریـــەكان بـــەردەوام پشتــگیری بـــازاری ئـــازاد و هەناردەكـــردنی نـــەوت بـــووە ، بەشێـــوەیەكی شـــەفاف و تەندرووست ، چونكە یەكێـتی خۆیی بە خاوەنی بیرۆكەی دەرهێنانی نەوت دەزانێت لە پێناو دەستەبەركردنی ژێرخانی ئابـــوریەكی بەهێـز بۆ هەرێمـــی كوردســــتان.

بەڵام بەداخـــەوە ئەوەی لە چــەند رۆژی رابـردوو لە راپۆرتی كۆمــپانیایی دیــلۆیــت ـ مــان بــینی ســـەبارەت بە داهات و خەرجیـــەكانی نـــەوت ، مـرۆڤ توشی شۆك دەبـــێت، ئەگەر بێت و سەیری شــیكاری داهـــات و خـەرجیەكانی دەرهێنانی نەوت و جیـاوازی نێـــوان هـــەناردەكـــردن و بــەبازار كردنی نــەوت لەگـــەڵ عیراق بكەیـــن لەساڵـــی 2019 دەبینـــین:

[ كـــرێی بـــۆری نـــەوتی كـوردستــــان و تـــوركیــا ( 13%)

قـــەرزی تـــوركیاو كۆمپــــانیاكانی كـــریاری نـــەوت( 16%)

قــــەرزی كۆمپانیا ناوخۆییەكان كـــارەبا و پاڵاوگەكان(9% )

حەقدەستی كۆمپانــــیاكانی بەرهەمــهێنانی نـــەوت (30%)

خــــەرجـــی گــــۆریـــنــــەوەی دۆلار بــــۆ دیـــنــــار ( 2%)

پوختەی داهاتی ماوە بۆ مووچە وخەرجی حكومەت(30%)

كـــۆی گـــــشتـــی دەكـــات بــــە (100%) ]

ئەمـــە تـــەواو بـــە مـــانـایی بە هەدەردانی ئابووری هەرێمی كوردســـتانە ، بەتـــەواوی پێچەوانەی بەهێز بوونی ئابوریە ، دەتوانـــین بڵـــێن نـــەوت لە ئێســتادا بەم شێوەیە نە دەبێتە ماییەی خۆشگوزەرانی بۆ خـــەلكی كوردســـتان و نــە بۆ ژێر خـــانی ئابــــوریەكـــی بەهـــێز ، بەڵكـو سودی تەنها بۆ چەند كۆمپانیایەك و هەندێــــك وڵاتە ، دەرئـەنجام بـۆتە ماییەی سـزادانی خەلكی هەرێمی كوردستان بە هۆیی هەناردەكردنی نەوت وە رێك نەكـــەوتنی حكـومەتی هـەرێم لەگـەڵ بەغدا.

بۆیە پــێویستە لــە ئَێستـــادا ئەم خاڵانە تیشكی بخرێتە سەر

① ـ هەنـــاردەكــردنی نەوت بەم شێوەیە كۆمەڵێك رهەندی تری ترسنـــاك لەخۆیی دەگرت پێویســتە لە داهاتوودا لە گەڵ بەغـــدا لەســـەری رێكبـكەویــن .

②ـ كـــاركردن لــەســـەر پرۆژە یاسایی نەوت و گاز كە وەك نەخشە رێگایەكە بۆ چارەسەری بنەرەتی كێشەكان و دووبارە نەبوونەوەی كە بەردەوام بۆتە مایـــیەی ترس و دڵەراوكێ .

③ ـ پێـــویستە هەرێمــی كوردستان پابەندی رێكەوتنەكانی بێت لە گەڵ بەغدا هەروەكو لە رێكەوتنی ئۆكتۆبەری 2020 باسی لێوەكراوە ، ئەویش بە رادەست كردنی نەوت و نیوەیی داهاتە نا نــەوتیـــەكان ، بـــۆ وەرگرتنــی شایستــە دارایەكانی لە مانـــگی 1 ئەم ســـاڵ بۆ خۆشگوزەرانی هاولاتیان و دابین كـــردنی موچـــەی موچە خۆران .

لە كۆتاییـــدا دەتـــوانم بڵێـــم ، ئەگەر حكــــومــەتی هەرێمی كوردســـتان ســــیاســـەتێـــكی حەكیــمانەو ژیــرانە و تەواو زانستیـــیانە و شەفـــاف بگرێتـە بەر و نەوت رادەست بكات بەپێی رێـــكەوتــن و پشـــكی خـــۆیی بكـــات بــە داینەمۆی بــــوژانەوە‌ی هەرێمی كوردستان ئەوا ساڵێكی پر لە ئاسودەی و خۆشگوزەرانـــی بۆ هـــاولاتیان و موچـــە خۆران فـەراهەم دەكات ، لەهـــەمان كــاتدا حكومەتی فیدراڵ مولزەم دەكرێت بە دابـــین كـــردنی شایســـتە دارایەكـــانی حكومـەتی هەرێم و دانەوەی قەرزی جوتیاران و دابین كردنی موچـــەی مــوچە خـــۆران ، بـــە پـێچەوانەوە ئەگەر هەروەكو ئێستا بەردەوام بێت، ئـەوا بـەدڵنییایەوە ئەم نەوتە دەبێتە ماییەی زیاتر ئازار دان و سزادانــنێكی تــر بــۆ گـــەلەكـــەمان .

بەردەوام بە لە خوێندنەوە

کوردستان

گەرمیان.. هەوڵێكی سووتاندنی زیندانی گرتن و گواستنەوە شكستی پێهێنرا

خەڵك – بەشی هەواڵ

لەگرتن و گواستنەوەی گەرمیان ،ھەوڵی سوتاندنی زیندانەكەیاندا و پۆلیس كۆنتڕۆڵی زیندانەكەی كردووە.

ڕائید سلێمان عەزیز بەڕێوەبەری بەشی گرتن و گواستنەوەی گەرمیان بە كەناڵی فەڕمی یەكێتی ڕاگەیاند، گۆڕینی سیستمی پێدانی مۆبایل بەزیندانیەكانیانمان گۆڕیوە، بەشێك لە زیندانییەكان ئەمەیان پێ ناخۆش بووە، بەشێكی تری زیندانیەكان ئەمەیان بەھەل زانیوە، ھەوڵیانداوە چەند بەتانیەكی ناو ھۆڵی ژوورەكەیان بسوتێنن، ھەرزوو پۆلیسی زیندان چوونەتە ژورەوە و توانیویانە كۆنتڕۆڵی بارودۆخەكە بكەن.

ڕائید سلێمان عەزیز ئاماژەی بەوەشدا، بیانووی ئەو ھەوڵەی زیندانییەكان بۆ ئەوەبووە كە داوادەكەن دادگایی بكرێن، چونكە پێیان واییە ماوەیەكی زۆرە لەزیندانن و دادگاییكردن و یەكلایكردنەوەی كەیسەكانیان دواكەوتووە.

بەڕێوەبەری بەشی گرتن و گواستنەوەی گەرمیان ڕوونیشی كردەوە، تەنھا لەیەك ھۆڵی زیندانەكە ئەم ھەوڵە دراوە لەلایەن چەند ئاژاوەگێڕێكەوە، بەلام ڕێگەنەدراوە بەتانی و كەلوپەلەكان بسوتێنرێن و ئەو زیندانیانەش لەلایەن دادوەرەوە كەیسی تریان بۆ كراوەتەوە.

بەردەوام بە لە خوێندنەوە

کوردستان

ئەمریكا پێداویستی سەربازی ڕەوانەی ڕۆژئاوای كوردستان دەكات

خەڵك – بەشی هەواڵ

ڕوانگەی سوری بۆ مافەكانی مرۆڤ ڕایدەگەیەنێت: ئەمریكا پێداویستی سەربازی ڕەوانەی ڕۆژئاوای كوردستان دەكات.

ڕوانگەی سوری بۆ مافەكانی مرۆڤ لە ڕاپۆرتێكدا ڕایگەیاندووە، كاروانێكی نوێی هاوكاری لۆجستی و سەربازیی هێزەكانی سەر بە هاوپەیمانی نێودەوڵەتیی دژ بە داعش لە خاكی عیراقەوە بەرەو ڕۆژئاوای كوردستان بەڕێكەوتوون.

ڕوانگەكە باسی لەوەش كردووە، كاروانەكەی هاوپەیمانی نێودەوڵەتی لە 35 بارهەڵگری باركراو بە كەلوپەلی لۆجستی و سەربازیی و تانكەری سووتەمەنی پێكهاتوون و لە دەروازەی سنووری وەلیدی نێوان عیراق و سوریا و عیراق و ئوردنەوە بەرەو شاری قامیشلۆی ڕۆژئاوای كوردستان بەڕێكەوتوون، دواتر ڕوویان كردووەتە بنكە سەربازییەكانی هاوپەیمانی نێودەوڵەتیی لە حەسەكە و دێرەزوور.

جێی ئاماژەیە، ڕۆژی 10ی ئەم مانگەش كاروانێكی تری هێزەكانی سەربە هاوپەیمانی نێودەوڵەتیی كە لە 25 بارهەڵگر پێكهاتبوو و كەلوپەلی لۆجستی و چەكی قورسی وەك تۆپ و ئۆتۆمبێلی زرێپۆشیان پێبووە لە هەرێمی كوردستانەوە ڕوویان كردبووە بنكە سەربازییەكانی هاوپەیمانان لە شاری حەسەكەی ڕۆژئاوای كوردستان كرد، دواتر بەرەو كێڵگەی نەوتیی (عومەر و كۆنیكۆ) لە دێرەزوور بەڕێكەوتبوون.

بەردەوام بە لە خوێندنەوە

کوردستان