ئێمە لە تۆرە کۆمەڵایەتیەکان

ژینگە

شەپۆلێكی بەفر و باران هەرێم دەگرێتەوە

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێم ڕایدەگەیەنێت، پێشبینی هاتنی شەپۆلێكی بەفر و باران بارین دەكرێت.
بەڕێوەبەرایەتی گشتی كەشناسی و بومەلەرزەانی هەرێم لە ڕاگەیەنراوێكدا ئاماژە بۆ ئەوە دەكات، لە ئەنجامی یەكگرتنی هەردوو نزمە پاڵەپەستۆی دەریای ناوەڕاست و نزمە پاڵەپەستۆی توركیا، هەرێمی كوردستان دەكەوێتە ژێر كاریگەری شەپۆلێكی باران بارین و بەفر بارین.

بەپێی پێشبینییەكانی كەشناسی، لە ناوچە شاخاوییەكان لەسەرووی 30 ملم باران دەبارێت.

 

دەقی ڕاگەیەنراوەكە…

ژینگە

لە هەرێم ئەنفلۆنزای باڵندە نییە

خەڵك-تەنیا هەورامی

 

وتەبێژی وەزارەتی تەندروستی هەرێمی كوردستان ڕایدەگەیەنێت، تاكو ئێستا هیچ حاڵەتێكی ئەنفلۆنزای باڵندە لە هەرێمی كوردستان تۆمار نەكراوە.

لە چەند ڕۆژی ڕابردوودا میدیاكانی عیراق بڵاویانكردەوە، ئەنفلۆنزای باڵندە تۆمار كراوە و هاوكات دوێنێ شەممە ئاشكرایانكرد، نەخۆشیەكە كۆنتڕۆڵ كراوە، بەڵام بەپێی زانیارییەكان، تاكو ئێستا تەندروستی عێراق هیچ زانیارییەكانی دروست و تەواوەتیان لەسەر ئەو بابەتە ئاشكرا نەكردووە.

د.ئاسۆ حەوێزی وتەبێژی وەزارەتی تەندروستی حكومەتی هەرێمی كوردستان بە (خەڵك)ی ڕاگەیاند، تەندروستی عێراق بەیاننامەیەكی جێگیریان نییە لەسەر ئەو بابەتە، هەرچەندە ئەوە بابەتێكی گرنگە و پەیوەستە بە تەندروستی هاووڵاتیانەوە، هەر شتێك بێت ئێمە ڕاگەیەنراوی لەسەر بڵاودەكەینەوە.

وتیشی”تاكو ئێستا هەندێك كێڵگەی پەلەوەر كێشەیان تێكەوتووە و دەڵێن هەندێك باڵندەیان تووشی نەخۆشی بوون، ئەگەرنا تاكو ئێستا وەزارەتی تەندروستی هیچیان بڵاونەكردووەتەوە”.

ئاشكراشیكرد، نەخۆشی باڵندە بە بەردەوامی بوونی هەیە، بەڵام ئایا ئەوە ئەنفلۆنزای باڵندەیە یان نا بابەتێكی ترە و تا ئێستا هیچ حاڵەتێكی ئەنفلۆنزای باڵندەمان نەبووە و ئەگەر بابەتێكی لەو شێوەیە هەبێت بەدڵنیاییەوە ڕاگەیەنراومان دەبێت.

بەردەوام بە لە خوێندنەوە

ژینگە

بەفر و باران بەردەوام دەبێت

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە.

بەپێی پێشبینییەكانی كەشناسی، ئەمڕۆ یەك شەممە ئاسمان نیمچە هەور بۆ هەوری تەواو دەبێت لەگەڵ باران بارین لە هەندێك كات لە ئێواراندا ئاسمان بۆ هەوری تەواو دەگۆڕێت وە ئاستی باران زیاتر دەبێت.

هەر بەپێی پێشبینییەكان، سبەینێ دوو شەممە ئاسمان هەور و باراناوی دەبێت لە هەندێك ناوچە باران بارین زیاتر دەبێت لەگەڵ بارینی بەفر لەسەر ناوچە شاخاوییە بەرزەكان و سنوورییەكان.

بەردەوام بە لە خوێندنەوە

ژینگە

دوو شەپۆلی بەفر و باران هەرێم دەگرێتەوە و بەستەڵەك ڕوودەدات

خەڵك- بەشی هەواڵ
بەپێی ڕاپۆرتە كەشناسییەكان دوو شەپۆلی بەفر و باران و تەرزە ناوچەكانی هەرێمی كوردستان لەم هەفتەیەدا دەگرنەوە و بەهۆیەوە پلەكانی گەرما ڕوو لە دابەزین دەكەن و لە كۆتایی هەفتەدا وشكە سەرما و بەستەڵەك دەستپێدەكات.

ئاراس جەبار، شارەزای بواری كەشناسی بۆ (خەڵك) ڕایگەیاند، لە ئەنجامی بەردەوامی كاریگەری نزمەپاڵەپەستۆی دەریای ناوەراست سبەی یەك شەممە ١٧ی١ی٢٠٢١ ئاسمانی ھەرێم بە زۆری نیمچە ھەور ئەبێت و لەكاتەكانی نیوەڕۆ بۆ ئێوارە ئەگەری چالاكبوونی بارستە ھەوری خۆجێی و بارانبارینی پچر پچر و تەرزە و ھەورە تریشقە ئەبێت لە ھەندێك كات و ناوچەدا و پلەكانی گەرما بەڕێژەی ٢ پلەی سیلیزی ڕوو لەنزمبوونەوە دەكاتەوە و خێرایی با لە كاتەكانی دوانیوەرۆ بۆ كاتی شەو ڕوو لە زیادبوون دەكات.

ڕاشیگەیاند، پێشبینی ئەكرێت لە شەوی یەك شەممە لەسەر دوو شەممە ١٨ی١ی٢٠٢١ ھەرێمی كوردستان بكەوێتەوە ژێر كاریگەری شەپۆلێكی مامناوەند و پچڕ پچڕی بەفر و بارانبارینەوە لە كاریگەری نزمەپاڵەپەستۆی ھەردوو سەرچاوەی دەریای ڕەش – ناوەراست تا ڕۆژی سێ شەمە ١٩/١ قۆناغی یەكەمی بەردەوامی ئەبێت و بەفر بارین زۆربەی ناوچە شاخاوییەكان دەگرێتەوە.

ئاماژەی بەوەشكرد، قۆناغی دووھەم لەڕۆژانی چوار شەممە و پێنج شەممە ٢١/١ دەستپێدەكاتەوە و كاریگەری بارستە ھەوایەكی ساردیشی لەگەڵ ئەبێت و پلەكانی گەرما بەڕێژەی ٦ بۆ ١٠ پلەی سیلیزی نزم دەكاتەوە.

وتیشی، “لەم قۆناغەدا پێشبینی ئەكەین بەفربارین سەرجەم ناوچە شاخاوییەكان و بەشێكی زۆری سەنتەری شارەكانیش بگرێتەوە و ھاوكات تا بەرزی ٥٠٠ بۆ ٦٠٠ مەتر لە ئاستی ڕووی دەریا ئەگەری بەفر بارین كراوە ئەبێت”.

ڕوونیشی كردەوە، لەئێوارەی ڕۆژی پێنج شەممە ٢١ی١ی٢٠٢١ كاریگەری ئەم شەپۆلە كۆتایی پێدێت و ناوچەیەكی پەستان بەرز كاردەكاتەوە سەر ناوچەكانمان، كە ئەبێتە ھۆی زیادبوونی خێرایی با و نزمبوونەوەی زیاتری پلەكانی گەرما و دەسپێكردنی وشكە سەرما و بەستەڵەك لەناوچە جیاجیاكاندا .

بەردەوام بە لە خوێندنەوە

کوردستان