ئێمە لە تۆرە کۆمەڵایەتیەکان

عێراق

تەرمی 55 سەربازی شەڕی عیراق- ئێران ڕەوانەی وڵاتەكەیان كرانەوە

خەڵك- بەشی هەواڵ

حكومەتی عیراق لە دەروازەی (شەلامچە)ەوە تەرمی 55 سەربازی ڕادەستی كۆماری ئیسلامی ئێران كردەوە، كە لە شەڕی 8 ساڵەی نێوان عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون.

كازم یاسری، بەرپرسی دەروازەی شەلامچەی نێوان عیراق و ئێران لە سنووری پارێزگای بەسرا بە (ئەنادۆڵو)ی ڕاگەیاند، لایەنی عێراقی ئەمڕۆ بە شێوەیەكی فەرمی تەرمی 55 سەربازی كوژراوی ئێرانی، كە لە شەڕی عیراق- ئێران لە كۆتایی ساڵانی هەشتاكانی سەدەی ڕابردوودا كوژرابوون ڕادەستی دەسەڵاتدارانی تاران كردەوە.

ڕاشیگەیاند، ئەم تەرمانە بەم دواییانە لە ناوچە سنوورییەكانی نێوان هەردوو وڵاتدا، كە جەنگەكانی تێدا ڕوویداوە دۆزراونەتەوە.

یاسری ئاماژەی بەوەشكردووە، نوێنەرانی مانگی سووری نێودەوڵەتی بەشدارییان لە پڕۆسەی ڕادەستكردنەوەی تەرمی سەربازە ئێرانییەكاندا كردووە.

عێراق

د.بەرهەم ساڵح سامانی خۆی ئاشكرادەكات

خەڵك – بەشی هەواڵ

سەرۆك كۆماری عیراق، فۆڕمی ئاشكراكردنی سامانی خۆی بۆ دەستەی دەستپاكی پڕ كردەوە.

دەستەی دەستپاكی لە عیراق لە ڕاگەیەنراوێكدا ڕایگەیاند، د.بەرھەم ئەحمەد ساڵح سەرۆك كۆماری عیراق لە فۆڕمێكدا كە ئاڕاستەی دەستەكەی كردووە، تیایدا سامانی دارایی خۆی ئاشكراكردووە.

لە ڕاگەیەنراوەكەدا ئەوەش خراوەتەڕوو، لە كۆتایی ساڵی 2019دا وردەكاری ھەمواری یەكەمی یاسای دەستەی دەستپاكی ژمارە 30ی بۆ ساڵی 2011 خراوەتەڕوو ئەوەش دوای ئەوەی كە، ھەمواركردنەوەكە لەلایەن ئەنجومەنی نوێنەران بەپێی بەندی یەكەم لە ماددەی 61 و بەندی سێ لە ماددەی 73ی دەستوور پەسەندكرابوو.

لە كۆتایی ڕاگەیاندراوەكەدا ھاتووە:”لە ماددەی (61/یەكەم/ج) لە یاسای دەستەی دەستپاكی ئاماژە بەوەدراوە كە سەرۆكی ئەنجومەنی نوێنەران لەگەڵ سەرۆك وەزیران و وەزیرەكان لەگەڵ لێپرسراوانی تر ناچاركراون لەوەی دەبێت سامانی دارایی خۆیان ئاشكرا بكەن”.

پێشتر، مستەفا كازمی سەرۆك وەزیرانی عیراق، فۆڕمی ئاشكراكردنی سامانی خۆی بۆ دەستەی دەستپاكی عیراق پڕ كردبووەوە و سامانی دارایی خۆی بۆ دەستەكە ئاشكراكردبوو.

بەردەوام بە لە خوێندنەوە

ئابوری

نوێنەران داوا دەكات نرخی نەوت لە بودجەدا زیادبكرێت

خەڵك – بەشی هەواڵ

لیژنەی دارایی ئەنجومەنی نوێنەرانی عیراق ڕایدەگەیەنێت، ئەوان سوورن لەسەر ئەوەی ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە زیادبكرێت.

دارایی لە ئەنجومەنی نوێنەرانی عیراق ڕایگەیاند، جیاوازییەكی زۆر لە نێوان ئەو نرخەی كە لە پڕۆژە یاسای بودجەی 2021دا بۆ بەرمیلێك نەوت دانراوە هەیە لەگەڵ ئەو نرخەی كە بەشێوەیەكی پراكتیكی دەفرۆشرێت و دەگاتە نزیكەی 15 دۆلار، بۆیە ناكرێت پڕۆژە یاسای بودجە بەو نرخەی حكومەت دیاریكردووە تێپەڕێنرێت.

عیساوی ئاماژە بەوەشدەكات، كە پێویستە لیژنەی دارایی نوێنەران بەڕاوێژكردن لەگەڵ حكومەت ئەو جیاوازییە زۆرەی لە نرخی دیاریكراوی نەوتدا هەیە كەمی بكەنەوە بۆ 5 تا 6 دۆلار.

ئەو ئەندامەی لیژنەی دارایی ڕوونیشی كردووەتەوە، بەرزكردنەوەی نرخی نەوت لە پڕۆژە یاسای بودجەدا دەبێتەهۆی كەمكردنەوەی ئەو ڕێژە زۆرەی لە كورتهێنانی بودجەدا هەیە.

بەردەوام بە لە خوێندنەوە

عێراق

هاوپەیمانی هیوا دەستی بەڕێوەبردن پێكدەهێنێت و لەگەڵ كوتلە عیراقییەكان كۆدەبێتەوە

خەڵك- بەشی هەواڵ
ئەندامێكی هاوپەیمانی هیوا لە پەڕلەمانی عیراق ڕایدەگەیەنێت، لە ئێستادا هیچ دەستەیەك نیە بۆ بەڕێوەبردنی ئیشوكارەكانی هاوپەیمانێتیەكە، دەشڵێت: “دەستەیەك بۆ ڕایی كردنی ئیشوكارەكان پێكدەهێنرێت، بەڵام بڕیاری هاوپەیمانی دەستە جەمعی دەدرێت”.

د. غالب محەمەد، ئەندامی هاوپەیمانی هیوا لە پەڕلەمانی عیراق بە (خەڵك)ی ڕاگەیاند، هاوپەیمانی هیوا، كە لە ژمارەیەك پەڕلەمانتاری كورد لە بەغدا پێكهاتووە، لە ئێستادا تەنها پەیڕەوێكی ناوخۆی هاوپەیمانێتیەكە پەسەند كراوە.

وتیشی، “هاوپەیمانێتی هیوا سەرۆك و جێگر و بڕیاریاردەر یان هەر بەرپرسیارێتیەك دیاری ناكات، تەنها ئەوە نەبێت دەستەیەك هەڵدەبژێرێت بۆ ڕایی كردنی ئیشوكارەكانی هاوپەیمانێتیەكە، دەستەكەش بەدەنگدان یەكلایی دەكرێتەوە”.

ڕاشیگەیاند، ئەو ئەندامانەی هاوپەیمانی هیوا لەهەر لایەنێكەوە هاتبنە ناو هیوا مافی حزبی خۆیان پارێزراوە، دەكرێت جارێك بۆچوونی حزبەكەی بهێنێتە ناو هیوا دوای مناقەشەكردنی ئەگەر پەسەند كرا دەبێتە ڕای هەموو هیوا، ئەگەر پەسەند نەكرا ئەوا دەبێت ئەویش لەگەڵ هیوا بێت نەك حزبەكەی.

ئاشكراشیكرد، جگە لەسەرۆك كۆمار لەگەڵ كوتلەی هادی عامری دانیشتن كراوە و بەرنامەش هەیە و كوتلەكان و لایەنەكانی دیكەی عیراقیش داوای دیداریان لەگەڵ هیوا كردووە، بەڵام لە ئێستادا بەهۆی ئەوەی دەستەیەك نیە بۆ ڕایی كردنی ئیشوكارەكان، لە ڕێگەی پەیوەندی شەخسی ئەو دیدارانە ڕێكدەخرێت ئەوەش لەماوەی داهاتوودا چارەسەر دەكرێت.

بەردەوام بە لە خوێندنەوە

کوردستان