ئێمە لە تۆرە کۆمەڵایەتیەکان

جیهانی

سۆلاری سه‌رۆکی ڕیاڵ مه‌دریدی له‌ چه‌ند یاریزانانێک ئاگادارکردۆته‌وه‌ و هۆشداری به‌ دووانیان دراوه‌ !

خه‌ڵک سپۆرت

ئیسپانیه‌کانی یانه‌ی ڕیاڵ مه‌درید له‌نێوان یاریزانه‌ پابه‌نده‌کان و سه‌رکێشه‌کاندا دابه‌شبوون و سانتیاگۆ سۆلاری له‌و باره‌یه‌وه‌ سه‌رۆکایه‌تی یانه‌ی ئاگادار کردۆته‌وه‌، ئه‌وانیش ڕاسته‌وخۆ هۆشداریان به‌ دوو یاریزان داوه‌.

ماڵپه‌ڕی “دیاریۆ گۆڵ”ی ئیسپانی ئاشکرای کردووه‌، ئیسکۆ ئالارکۆن کێشی جه‌سته‌ی زیادی کردووه‌ و له‌ڕووی هونه‌ریشه‌وه‌ لاواز بووه‌، له‌وکاته‌وه‌ له‌ پێکان گه‌ڕاوه‌ته‌وه‌ نه‌یتوانیوه‌ تواناکانی بگه‌ڕینێته‌وه‌، له‌گه‌ڵ ئه‌وه‌شدا جولین لوپێتیگی ڕاهێنه‌ری پێشوو متمانه‌ی پێداوه‌، به‌ڵام له‌ئێستادا سانتیاگۆ سۆلاری له‌ پێکهاته‌ی سه‌ره‌کی دووریخستۆته‌وه‌ و به‌و ئاست و توانایه‌وه‌ ئاماده‌نییه‌ پشتی پێببه‌ستێت، سه‌رباری ئه‌وه‌ش یاریزانه‌که‌ گرنگی به‌ بۆچونی ڕاهێنه‌ر و ته‌نانه‌ت ئیداره‌ی یانه‌که‌شی نادات.

مارکۆ ئاسینسیۆ یه‌کێکی تره‌ له‌و یاریزانه‌ ئیسپانیانه‌ی له‌م وه‌رزه‌دا ئاستی به‌شێوه‌یه‌کی به‌رچاو دابه‌زیوه‌، ته‌نانه‌ت له‌ پاڵێوراوێکی بالۆن دۆره‌وه‌ گه‌یشتۆته‌ ئه‌و ڕاده‌یه‌ی ڕاهێنه‌ر وه‌ک یاریزانێکی یه‌ده‌گ مامه‌ڵه‌ی له‌گه‌ڵدا بکات.

به‌پێی سه‌رچاوه‌ ئیسپانیه‌کان، ئه‌م لاوه‌ ناوداره‌ ماوه‌ی چه‌ند مانگێکه‌ ڕێچکه‌ی شنایده‌ر و ئوزێل و جه‌یمس ڕۆدریگێزی گرتووه‌ و به‌رده‌وام له‌ شه‌وانه‌ و جێگه‌ی کۆبونه‌وه‌ی لاواندا ده‌بینرێت و پابه‌ندی ڕه‌ها نییه‌ به‌ ڕێسا ناوخۆییه‌کانی یانه‌ی شاهانه‌وه‌.

ئه‌م ڕووداوانه‌ش به‌سه‌ر سۆلاری-دا تێپه‌ڕیان نه‌کردووه‌، به‌ڵکو ئیداره‌ی یانه‌ی ئاگادرکردۆته‌وه‌، ئه‌وانیش له‌لایه‌ن خۆیانه‌وه‌ هۆشداریان به‌ هه‌ردوو یاریزانه‌که‌ داوه‌ و پێیان ڕاگه‌یاندون، که‌ ئه‌گه‌ر له‌سه‌ر ئه‌و بارودۆخه‌ به‌رده‌وام بن، ئه‌وا ناچار ده‌بن ده‌رگای چونه‌ ده‌ره‌وه‌یان به‌ره‌و یانه‌یه‌کی تر نیشان بده‌ن.

جیهانی

ریزبەندی گۆڵکارانی سەدەی 21 لە (2001 – 2020) ڕاگەیەنرا

 

خەڵک

فیدراسیۆنی نێودەوڵەتی ئامار و مێژووی تۆپی پێ (IFFHS ) رێزبەندی باشترین گۆڵکارانی لە سێ دەیەی کۆتایی سەدەی 21  لە نێوان ساڵانی( 2001 – 2020 ) دا بڵاو کردەوە .

بەپێی ڕیزبەندییەکە، کریستیانۆ ڕۆناڵدۆی پورتوگالی و هێرشبەری یانەی یۆڤانتۆس بە 756 گۆڵ لە پلەی یەکەمدایەو دوای ئەو، لیۆنێل میسی ئەرجەنتینی دێت کە 715 گۆڵی بۆ بەرشەلۆنە و هەڵبژاردەی وڵاتەکەی تۆمارکردووە.

زلاتان ئیبراهیمۆڤیچی سویدی و هێرشبەری یانەی ئەی سی میلان بە 543 گۆڵ لە پلەی سێیەمدایە، هاوکات گۆڵکاری یانەی ئاتلەتیکۆ مەدرید، لویس سوارێزی ئۆرۆگوای بە 489 گۆڵ چوارەمی ڕیزبەنییەکەیە، بەدوایدا ئەستێرەی بایرن میونشن ڕۆبێرت لیڤاندۆڤسکی  دێت بە پلەی پێنجەم کە 473 گۆڵی تۆمارکردووە.

هاوکات فیراس ئەلخەتیبی سووری لە ڕیزبەندی باشترین گۆڵکارانی سەدەی 21 دا پلەی نۆزدەیەمی جیهانی و یەکەمی نێو یاریزانانی وڵاتانی عەرەبی گرتووە بەتۆمارکردنی 344 گۆڵ، دوای ئەو ئەفسانەی تۆپی پێی کوێتی بەدر ئەلمتوع لە ڕیزبەندی دووەمی جیهانی عەرەبی و بیست و حەوتەمی جیهانیدا دێت، کە لەماوەی تەمەنی یاریکردنیدا 322 گۆڵی تۆمار کردووە.

ریزبەندی  10 گۆڵکاری سەدەی 21؛

1- کریستیانۆ رۆناڵدۆی پورتوگالی – 756 گۆڵ

2- لیۆنێل میسی ئەرجەنتینی – 715 گۆڵ

3- زلاتان ئیبراهیمۆڤیچی سویدی  – 543 گۆڵ

4- لویس سوارێزی ئۆرۆگوایی – 489 گۆڵ

5- ڕۆبێرت لیڤاندۆڤسکی پۆڵەندی – 473 گۆڵ

6- عەلی شەفەقی مالدیڤ – 465 گۆڵ

7- سیرجیۆ ئەگوێرۆی ئەرجەنتینی  – 421 گۆڵ

8-ساموێل ئیتۆی کامیرۆنی – 409 گۆڵ

9- ئیدینسۆن کاڤانی ئۆرۆگوای – 408 گۆڵ

10-ئەلێکساندار دورشی سەنگافوری – 408 گۆڵ

جێی باسە ئامارەکان تەنیا ئەو گۆڵانەی لەخۆ گرتووە کە لەنێوان ساڵەکانی 2001 بۆ 2020 تۆمار کراون.

سەرچاوە : فیدراسیۆنی نێودەوڵەتی ئامار و مێژووی تۆپی پێ

بەردەوام بە لە خوێندنەوە

جیهانی

میسی گۆڵەکانی لەگەڵ پێلێی ئەفسانەی بەرازیل، هاوتا کرد

 

خەڵک – وەرزش

بەتۆمارکردنی 643 گۆڵ، لەگەڵ یەک یانەدا، لیۆنێل میسی ئەرجەنتینی و هێرشبەری یانەی بەرشەلۆنەی ئیسپانی گۆڵەکانی هاوتای پێلێ ئەفسانەی بەرازیلی کرد، دوای ئەوەی تۆڕی گۆڵی یانەی ڤالانسیای هەژاند.

ساتی تۆمارکردنی گۆڵە مێژووییەکەی میسی بەرامبەر ڤالانسیا

 

دوای ئەوەی لێدانێکی سزای لەدەستدا، میسی تەمەن 33 ساڵ لەسەر حسابی ڤالانسیا، بە لیدانی سەر، تۆاری گۆڵەکانی لەگەڵ یەک یانە هاوتای گۆڵەکانی پێلێ کرد.

جێی باسە، پێلێی بەرازیلی 643 گۆڵی تۆمار کردووە لە ماوەی 19 وەرزدا لەگەڵ یانەی سانتۆسی بەرازیلی.

 

هاوتاکردنی ئەم تۆمارە لەکاتێکدایە، کە میسی خەڵاتی ساڵی 2020ی باشترینی ساڵی بەدەستنەهێناو ڕۆبێرت لیڤاندۆڤسکی پۆڵەندی و هێرشبەری یانەی بایرن میونخی ئەڵمانی بووە خاوەنی ئەو خەڵاتە.

 

 

 

بەردەوام بە لە خوێندنەوە

جیهانی

لیڤا، خەونی میسی و دۆنی ئاڵۆزکاند و بووە باشترین

خەڵک ـ وەرزش

لیڤاندۆڤێسکی بووە باشترین یاریزانی جیھان

ڕۆبێرت لیڤاندۆڤسکی، ئەستێرەی پۆڵەندی و یانەی بایرن میونشنی ئەڵمانی بووە باشترین یاریزانی جیهان بۆ ساڵی 2020 و خەڵاتی زەبێست-ی بردەوە و سەردەمی قۆرخکاری میسی و دۆنی تێپەڕاند.

بەردەوام بە لە خوێندنەوە

کوردستان