ئێمە لە تۆرە کۆمەڵایەتیەکان

ناوخۆیی

ڕاهێنه‌ری عیراق: ئێمه‌ له‌ ئاستی ژاپۆن و کۆریای باشوردا نین، به‌ڵام…

خه‌ڵک سپۆرت

سریچکۆ کاتانیچی سلۆڤینی ڕاهێنه‌ری هه‌ڵبژارده‌ی عیراق جه‌خت ده‌کاته‌وه‌، پێکهاته‌که‌ی بۆ جامی ئاسیا ئاماده‌یه‌ و له‌هه‌مان کاتدا ناتوانن بگه‌نه‌ ئاستی هه‌ڵبژارده‌کانی ژاپۆن و کۆریای باشور و ئێران.

ڕاهێنه‌ره‌ ئه‌زمونداره‌که‌ به‌ماڵپه‌ڕی فه‌رمی یه‌کێتی تۆپی پێی ئاسیای ڕاگه‌یاندووه‌ :” ئاماده‌کاریه‌کانمان زۆر باش بوون، هه‌موو شتێک به‌پێی پلانی دیاریکراو به‌ڕێده‌کات، ماوه‌ی ١٠ ڕۆژ له‌ قه‌ته‌ر مه‌شقمان کرد، یاریزانان له‌ بارودۆخێکی هونه‌ری و ده‌رونی باشدان، هیچ یاریزانێکمان پێکانی نییه‌”.

هه‌روه‌ها ده‌ڵێت :” من لێره‌م بۆ ئه‌وه‌ی هه‌موو هه‌وڵێکی خۆم بده‌م، به‌نسبه‌ت ئه‌نجامه‌کانه‌وه‌؟ به‌ڵێ، ئه‌مه‌یان په‌یوه‌ندی به‌ چه‌ندین خاڵه‌وه‌ هه‌یه‌، ئێمه‌ کۆریای باشور و ژاپۆن و ئێران نین، یاریزانانی ئه‌و هه‌ڵبژاردانه‌ له‌ یانه‌ی گه‌وره‌ و به‌هێز له‌سه‌رانسه‌ری جیهان یاریی ده‌که‌ن، ئێمه‌ ناگه‌ینه‌ ئاستی ئه‌وان، ته‌نها ده‌توانم بڵێم به‌هه‌موو توانامانه‌وه‌ هه‌وڵده‌ده‌ین، بێگومان یاریزانه‌کانیش له‌سه‌دا سه‌دی تواناکانیان به‌گه‌ڕده‌خه‌ن”.

له‌کۆتاییشدا ڕایده‌گه‌یه‌نێت :” من پێموایه‌ پێکهاته‌که‌ به‌گشتی ده‌توانێت سه‌رکه‌وتن به‌ده‌ست بهێنێت، هیچ یاریزانێک نییه‌ لێره‌ و له‌هه‌ر جێگه‌یه‌کی جیهان به‌ته‌نها بتوانێت بردنه‌وه‌ به‌ده‌ست بهێنێت، ئه‌گه‌ر یاریزانێک بێت و بڵێت به‌ته‌نها ئه‌م یارییه‌ ده‌به‌مه‌وه‌ بێگومان له‌گه‌ڵیدا هاوڕا نابم، ئێمه‌ ده‌بێت به‌ کۆمه‌ڵ هه‌وڵی بردنه‌وه‌ و ئه‌نجامی باش بده‌ین”.

هه‌ڵبژارده‌ی عیراق له‌ڕێکه‌وتنی ٨/١ واتا سێشه‌ممه‌ی داهاتو یه‌که‌م رووبه‌ڕوبونه‌وه‌ی له‌ جامی ئاسیای ٢٠١٩ به‌رامبه‌ر هه‌ڵبژارده‌ی ڤێتنام ئه‌نجام ده‌دات، له‌ کۆمه‌ڵه‌که‌شیدا ڕووبه‌ڕوی‌ رووبه‌ڕوی هه‌ڵبژارده‌کانی ئێران و ڤێتنام و یه‌مه‌ن ده‌بێته‌وه‌.

ناوخۆیی

هەرێم.. قەدەغەیە هاندەران لە خولەكانی وەرزش ئامادەبن

خەڵك – بەشی هەواڵ

وتەبێژی وەزارەتی تەندروستی ڕایدەگەیەنێت، ئامادەبوونی هاندەران لەخولەكانی وەرزشی هەرێمی كوردستان قەدەغەیە.

د. ئاسۆ حەوێزی وتەبێژی وەزارەتی تەندروستی هەرێم ڕایگەیاند، ئامادەبوونی هاندەران بە هەر ڕێژەیەك لە خولەكانی كوردستان ڕێگەپێدراو نییە وەك هەموو ڕێوڕەسم و كۆبوونەوەكانی تر تا ئەو كاتەی بڕیاری لەسەر دەدرێت .

وتیشی: ڕاستە ڕێژەی تووشبوون و مردن بە ڤایرۆسی كۆرۆنا لە هەرێمی كوردستان تا ڕادەیەك كەمی كردووە بە بەراورد لەگەڵ چەند هەفتەیەك لەمەوبەر، بەڵام هێشتا مەترسییەكی جددیە لەسەر ژیانی هاووڵاتیان، بۆیە داوا لە هەموولایەك دەكەین بە بەرپرسیاریەتییەوە مامەڵە لەگەڵ ئەم بارودۆخە بكەن.

بەردەوام بە لە خوێندنەوە

ناوخۆیی

یانەی شەتڕەنجی خانزاد یەکەمین چالاکی وەرزشیی خۆی ئەنجامدا

خەڵک – ئارام سەردار

پاش وەستانی چالاکیە وەرزشییەکان، بە هۆی ڤایرۆسی کۆرۆنا، بۆ زیاتر لەسێ مانگ، یانەی شەتڕەنجی خانزاد یەکەمین چالاکی وەرزشیی خۆی ئەنجامدا، کە هاوکاتە لەگەڵ 17هەمین پاڵەوانیەتی rpd نێودەوڵەتی یانەکە.

ئەگەرچی شەتڕەنج جیاوازە لەیارییە وەرزشیەکانی تر زیاتر پێویستی بەلایەنی هزر و بیری یاریزان هەیە وەک لەتوانای جەستەیی، بەڵام دوورکەوتنەوە لەڕاهێنان و پاڵەوانیەتیەکان هاوشێوەی تەواوی یاریەکانی تر، کاریگەری لەسەر ئاستی یاریزانان دەبێت.

لەپاڵەوانیەتەکەدا 41 شەتڕەنجزانی کوڕو و کچ بەجیاوازی ئاست و تەمەن بەشداریان تێداکردوە، لەنێویاندا 35 شەتڕەنجزان خاوەنی ڕیزبەندی جیهانین.

ئەنجامەکانی ئەم پاڵەوانیەتیە کە لەیەکێتی شەتڕەنجی جیهانیەوە تۆماردەکرێت، ڕاستەوخۆ کاریگەری دەبێت لەسەر ڕیزبەندی یاریزانان و یاریەکانی پاڵەوانیەتیەکەش بە سیستەمی سویسری و بە ٩ گێم بەڕێوەدەچێت، هەر شەتڕەنجزانێک 15 خولەک و 10 چرکە بۆ هەر گێمێکی لەبەردەستە، ڕکابەریەتیەکانیش بۆ ماوەی دوو ڕۆژ بەردەوام دەبن.

بەردەوام بە لە خوێندنەوە

ناوخۆیی

خەڵاتێکی گرانبەهای گڵۆباڵی بۆ ڕۆژنامەنوسانی وەرزشی کوردستان

خەڵک سپۆرت – هەرێز جەمال

رێكخراوی رۆژنامه‌نووسانی وه‌رزشی جیهان بۆ ساڵی سێیه‌م پێشبركێی باشترین كاره‌ رۆژنامه‌نووسیه‌كان ئه‌نجام ده‌دات .

به‌ پێی بڵاوكراوه‌یه‌كی رێكخراوه‌كه‌ ، بۆ ته‌واوی رۆژنامه‌نووسانی وه‌رزشی له‌ وه‌رزی ئه‌مساڵ ده‌توانن له‌ پێشبركێی چه‌ندین بابه‌تی رۆژنامه‌وانی به‌شداری بكه‌ن و كاره‌كانیان بۆ رێكخراوه‌كه‌ بنێرن وەک ، ڕاپۆرت ، ستوون ، دیکومێتناری ، دەنگ ، مۆنتاژ، بیۆگرافیا ، وێنە.

لە ڕێگەی ئەم لینکەوە دەتوانن بەشدار ببن و زانیاری ریاتر وەبگرن: لێرەدا کلیک بکە

تاوەکو 7ی مانگی 10 کارەکان بنێرن بە ژێر نووسی زمانی ئینگلیزی.

به‌ پێی بڵاوكراوه‌كه‌ پاش شۆرلیست كردن و ته‌ماشاكردنی به‌رهه‌مه‌ رۆژنامه‌وانیه‌كان له‌ مانگی ١٠ی ئه‌مساڵ ناوی سێ یه‌كه‌می ته‌واوی به‌رهه‌مه‌كان ئاشكرا ده‌كرێت، كه‌ خه‌ڵاتی یه‌كه‌م له‌ ٨٠٠٠ دۆلار ده‌بێت و خه‌ڵاته‌كانی تریش له‌ ٣٠٠٠ دۆلار ده‌بێت و تەواوی بانگهێشتکردنی کەسی سەرکەتووی ئاستی لاوانیش و بەشداریکردنی لە مەراسیمێکی گەورەی جیهانی لە ئەستۆی رێکخراو دەبێت.

بەردەوام بە لە خوێندنەوە

کوردستان